ព័ត៌មានអន្ដរជាតិ

ប៉ាគីស្ថានដាក់ពង្រាយទ័ព៨ពាន់នាក់ ព្រមទាំងយន្តហោះចម្បាំងនិងប្រព័ន្ធការពារដែនអាកាសនៅអារ៉ាប៊ីសាអូឌីត

បានផុស

១ ខែ មុន

នៅ

ថ្ងៃអង្គារ ១៩ ឧសភា ២០២៦

ដោយ

ប្រទេសប៉ាគីស្ថាន បានដាក់ពង្រាយកងទ័ព ៨ ០០០នាក់ កងអនុសេនាធំជាមួយយន្តហោះចម្បាំងមួយក្រុម និងប្រព័ន្ធការពារដែនអាកាសចិនមួយគ្រឿងទៅកាន់ប្រទេសអារ៉ាប៊ីសាអូឌីត ជាផ្នែកមួយនៃកតិកាសញ្ញាការពារជាតិទៅវិញទៅមក។ នេះបើយោងតាមរបាយការណ៍ទីភា្នក់ងារសារព័ត៌មានរ៉យទ័រ ផ្សាយកាលពីថ្ងៃចន្ទ ទី១៨ ខែឧសភា ឆ្នាំ២០២៦ ។

ទីភ្នាក់ងារសារព័ត៌មានរ៉យទ័រ បានរាយការណ៍ថា ការដាក់ពង្រាយនេះ គឺបានបង្កើនចំនួនទ័ពនិងសម្ភារៈយោធាប៉ាគីស្ថានក្នុងប្រទេសអារ៉ាប៊ីសាអូឌីត ចាប់ផ្តើមតាំងពីដើមខែមេសា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រទេសប៉ាគីស្ថាន បានដាក់ពង្រាយកងអនុសេនាធំ យន្តហោះប្រហែល ១៦គ្រឿង ភាគច្រើនជាយន្តហោះចម្បាំង JF-១៧ ផលិតជាមួយប្រទេសចិន រួមទាំងប្រព័ន្ធការពារដែនអាកាសចិន ម៉ាក HQ-៩ ។

គួរបញ្ជាក់ថា វត្តមាននៃអាវុធទំនើបៗរបស់ចិនក្នុងប្រទេសអារ៉ាប៊ីសាអូឌីតត្រួតស៊ីគ្នាជាមួយនឹងប្រព័ន្ធបច្ចេកវិទ្យាខ្ពស់ផលិតដោយសហរដ្ឋអាមេរិកកំពុងប្រតិបត្តិការនៅក្នុងប្រទេសនេះ។ អារ៉ាប៊ីសាអូឌីតមានប្រព័ន្ធការពារដែនអាកាស Patriot និង Thaad ។

តាមពិតទៅ ប្រទេសនេះមានឃ្លាំងស្តុកប្រព័ន្ធស្ទាក់ចាប់ Patriot ច្រើនបំផុតក្នុងបណ្តាប្រទេសឈូងសមុទ្រ។

សង្គ្រាមរវាងសហរដ្ឋអាមេរិក និងអ៊ីស្រាអែលលើអ៊ីរ៉ង់ធ្វើឱ្យមានការចាប់អារម្មណ៍លើកតិកាសញ្ញាការពារជាតិរបស់អារ៉ាប៊ីសាអូឌីតជាមួយប៉ាគីស្ថាន ដែលត្រូវបានចុះហត្ថលេខាក្នុងខែកញ្ញា ឆ្នាំ២០២៥ បន្ទាប់ពីការវាយប្រហាររបស់អ៊ីស្រាអែលលើក្រុមហាម៉ាសនៅទីក្រុងដូហា ប្រទេសកាតា។

ការដាក់ពង្រាយទ្រព្យសម្បត្តិយោធានេះ គូសបញ្ជាក់ពីរបៀបដែលទីក្រុងអ៊ីស្លាម៉ាបាដព្យាយាមដោះស្រាយកង្វល់សន្តិសុខរបស់អារ៉ាប៊ីសាអូឌីត។

ទីភ្នាក់ងារសារព័ត៌មានរ៉យទ័ររាយការណ៍ថា កិច្ចព្រមព្រៀងនៃការដាក់ពង្រាយកងទ័ពប៉ាគីស្ថានចំនួន ៨០ ០០០នាក់ ទៅកាន់អារ៉ាប៊ីសាអូឌីតនៅពេលអនាគត ក្នុងការធានាព្រំដែនរវាងប្រទេសទាំងពីរ៕

សម្រួល៖ ណឺ មិនា