ព័ត៌មានជាតិ
លោក អ៊ុន ចាន់ដា ផ្តាំដល់អាជ្ញាធរពាក់ព័ន្ធផ្តល់បរិយាកាសសប្បាយរីករាយដល់ពលរដ្ឋក្នុងឱកាសចូលឆ្នាំខ្មែរខាងមុខ
លោក អ៊ុន ចាន់ដា អភិបាលខេត្តកំពង់ចាម បានណែនាំដល់អាជ្ញាធរក្រុង ស្រុក និងមន្ត្រីពាក់ព័ន្ធគ្រប់លំដាប់ថ្នាក់ ត្រូវអនុវត្តភារកិច្ចធ្វើយ៉ាងណា ដើម្បីបង្កបរិយាកាសសប្បាយរីករាយជូនប្រជាពលរដ្ឋក្នុងការលេងល្បែងប្រជាប្រិយ និងដើរលេងឱ្យបានល្អប្រសើរបំផុតក្នុងឱកាសសង្រ្កាន្តឆ្នាំថ្មី ។
![](https://www.kampucheathmey.com/wp-content/uploads/2024/03/image-1124-1024x682.png)
ការណែនាំនេះ ធ្វើនៅព្រឹកថ្ងៃទី២១ ខែមីនា ឆ្នាំ២០២៤ ក្នុងឱកាសលោក អ៊ុន ចាន់ដា បានដឹកនាំកិច្ចប្រជុំ ដើម្បីរៀបចំផែនការចូលរួមអបអរសាទរចូលឆ្នាំថ្មី និងរៀបចំសន្តិសុខសណ្ដាប់ធ្នាប់ ដើម្បីបង្កលក្ខណៈសប្បាយរីករាយជូនប្រជាពលរដ្ឋសម្រាប់ឱកាសចូលឆ្នាំខ្មែរប្រពៃណីជាតិនាពេលខាងមុខនេះ ។
អភិបាលខេត្តកំពង់ចាម លោក អ៊ុន ចាន់ដា មានប្រសាសន៍ថា រដ្ឋបាលខេត្ត បានរៀបចំនូវកម្មវិធីសង្ក្រាន្ត ដើម្បីឆ្លងឆ្នាំចាស់ ឆ្នាំថោះ ផ្លាស់ចូលឆ្នាំថ្មី ឆ្នាំរោង ទៅតាមទីកន្លែង និងរមនីយដ្ឋាននានា ក្នុងភូមិសាស្ត្រខេត្តកំពង់ចាម ដើម្បីចូលរួមអបអរសាទរ និងបង្កលក្ខណៈ ជូនប្រជាពលរដ្ឋនៅទូទាំងខេត្ត ឱ្សសប្បាយរីករាយ និងរក្សាបាននូវអត្តសញ្ញាណជាតិ ទំនៀមទម្លាប់ដ៏ល្អផូផង់របស់ជាតិខ្មែរ ដែលពោរពេញដោយសន្តិភាព និងការអភិវឌ្ឍ ក្រោមការដឹកនាំរបស់រាជរដ្ឋាភិបាលអាណត្តិទី៧។
![](https://www.kampucheathmey.com/wp-content/uploads/2024/03/image-1125-1024x768.png)
លោកថា ត្រូវមានការដឹកនាំ រៀបចំតុបតែង កែលម្អ បំភ្លឺភ្លើងពណ៌ និងលើកបដាពាក្យស្លោក ទង់ជាតិ ទង់សាសនា នៅតាមផ្លូវសាធារណៈ តាមគេហដ្ឋាន និងតាមមន្ទីរ-អង្គភាព ក្រុង ស្រុក ឃុំ-សង្កាត់ គ្រឹះស្ថានសាធារណៈ វត្តអារាម និងដឹកនាំរៀបចំលេងល្បែងប្រជាប្រិយនៅតាមកន្លែងកម្សាន្តតាមរមណីយដ្ឋាននានា ឬទីតាំងដែលបានរៀបចំ ជៀសវាង និងទប់ស្កាត់ឱ្យបាននូវល្បែងណាដែលប្រាសចាកនឹងប្រពៃណីជាតិ ដូចជា ល្បែងស៊ីសង ជះទឹក លាបធ្យូង និងគ្រឿងផ្ទុះផ្សេងៗ ។ល។ ម្យ៉ាងទៀត គណៈកម្មការក្រោមឱវាទ ត្រូវណែនាំឱ្យម្ចាស់រោងចក្រ សហគ្រាស សាលារៀនឯកជននានា ឱ្យតុបតែងលម្អដោយទង់ជាតិ ទង់សាសនា ទង់ព្រះមហាក្សត្រ បដាពាក្យស្លោកភ្លើងពណ៌ ដើម្បីអបអរសាទរពិធីបុណ្យចូលឆ្នាំថ្មីប្រពៃណីជាតិយើងឲ្យបានច្រើនផងដែរ។
![](https://www.kampucheathmey.com/wp-content/uploads/2024/03/image-1126-1024x576.png)
ដោយឡែក រដ្ឋបាលក្រុង ស្រុក អភិបាលខេត្ត បានសំណូមពរឱ្យមានការផ្សព្វផ្សាយ និងណែនាំឱ្យប្រជាពលរដ្ឋ តាមវត្តអារាមឲ្យមានការប្រុងប្រយ័ត្នបញ្ហាអគ្គីភ័យ ការពាររក្សាសន្តិសុខ សុវត្ថិភាព សណ្តាប់ធ្នាប់សង្គម និងជួយសម្រួលចរាចរណ៍គ្រប់ទីកន្លែង និងបង្កលក្ខណៈល្អប្រសើរតាមទីកន្លែងកំសាន្តនានា ជូនប្រជាពលរដ្ឋ ភ្ញៀវជាតិ-អន្តរជាតិ បានចូលរួមកម្សាន្តសប្បាយ៕
អត្ថបទ៖ ឡេក ចាន់ពេជ្រ
![](https://www.kampucheathmey.com/wp-content/uploads/2024/03/image-1127-1024x576.png)
![](https://www.kampucheathmey.com/wp-content/uploads/2024/03/image-1128-1024x768.png)
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ