ព័ត៌មានជាតិ
អ្នកជំនាញអន្តរជាតិ ចែករំលែកបទពិសោធដល់អង្គភាពប្រឆាំងអំពើពុករលួយ លើការគ្រប់គ្រងទំនាស់ផលប្រយោជន៍
អ្នកជំនាញអន្តរជាតិនៃអង្គការ OECD បានចែករំលែកបទពិសោធដល់ថ្នាក់ដឹកនាំ និងមន្រ្តីនៃអង្គភាពប្រឆាំងអំពើពុករលួយពាក់ព័ន្ធនឹងការគ្រប់គ្រងទំនាស់ផលប្រយោជន៍ ដើម្បីជាការជំរុញនូវការគ្រប់គ្រងស្ថាប័នស្អាតស្អំ អភិបាលកិច្ចល្អ និងសុចរិតភាព។
នៅរសៀលថ្ងៃទី២១ ខែមីនា ឆ្នាំ២០២៤ ក្រុមការងារសិក្សាស្រាវជ្រាវ នៃអង្គភាពប្រឆាំងអំពើពុករលួយ បានរៀបចំបទឧទ្ទេសនាមក្រោមប្រធានបទ «ទំនាស់ផលប្រយោជន៍-Conflict of Interest» ដោយមានការធ្វើបទបង្ហាញដោយអ្នកជំនាញការមកពីអង្គការសហប្រតិបត្តិការ និងអភិវឌ្ឍន៍សេដ្ឋកិច្ច (OECD) តាមរយៈប្រព័ន្ធអនឡាញ ដល់ថ្នាក់ដឹកនាំ និង មន្រ្តីនៃអង្គភាពប្រឆាំងអំពើពុករលួយ។
អង្គការសម្រាប់កិច្ចសហប្រតិបត្តិការ និងអភិវឌ្ឍន៍សេដ្ឋកិច្ច (OECD) ជាអង្គការអន្តររដ្ឋាភិបាល ដែលមានប្រទេសជាសមាជិកចំនួន៣៨ និងត្រូវបានបង្កើតឡើងក្នុងឆ្នាំ១៩៦១ ដើម្បីជំរុញវឌ្ឍនភាពសេដ្ឋកិច្ច និងពាណិជ្ជកម្មពិភពលោក។ អង្គការនេះ គឺជាវេទិកាដែលប្រទេសជាសមាជិកបានប្តេជ្ញាចិត្តពង្រឹងលទ្ធិប្រជាធិបតេយ្យ និងសេដ្ឋកិច្ចទីផ្សារ ដោយផ្តល់នូវវេទិកាមួយ ដើម្បីប្រៀបធៀប និងចែករំលែកបទពិសោធ គោលនយោបាយ ស្វែងរកចម្លើយចំពោះបញ្ហាទូទៅ កំណត់ការអនុវត្តល្អៗ និងសម្របសម្រួលគោលនយោបាយក្នុងស្រុក និងអន្តរជាតិរបស់សមាជិកខ្លួន។
ដូច្នេះ តាមរយៈបទឧទ្ទេសនាមពេលនេះដល់ថ្នាក់ដឹកនាំ និងមន្រ្តីនៃអង្គភាពប្រឆាំងអំពើពុករលួយ គឺមានគោលបំណងដើម្បីចែករំលែកបទពិសោធ និងការអនុវត្តល្អៗរបស់ OECD ក៏ដូចជាប្រទេសសមាជិករបស់ OECD ពាក់ព័ន្ធនឹងការគ្រប់គ្រងទំនាស់ផលប្រយោជន៍។ បើតាមអង្គភាពប្រឆាំងអំពើពុករលួយ «ការគ្រប់គ្រងទំនាស់ផលប្រយោជន៍» គឺជាប្រធានបទមួយដ៏សំខាន់សម្រាប់ការជំរុញនូវការគ្រប់គ្រងស្ថាប័នស្អាតស្អំ ការជំរុញអភិបាលកិច្ចល្អ និងសុចរិតភាព ជាដើម ដែលស្របទៅនឹងយុទ្ធសាស្រ្តបញ្ចកោណ ដំណាក់កាលទី១ របស់រាជរដ្ឋាភិបាលអាណត្តិទី៧ ក្រោមការដឹកនាំរបស់សម្ដេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា៕
-
ព័ត៌មានជាតិ១៦ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)