ព័ត៌មានជាតិ
មាសមួយជីឡើងជាង ២៨០ ដុល្លារ ហក់ឡើងដល់កម្រិតខ្ពស់បំផុត
តម្លៃមាសបានកើនថ្លៃយ៉ាងគំហុក គិតត្រឹមព្រឹកថ្ងៃទី ០៩ ខែមេសា នេះ បានហក់ឡើងជាង ២៨០ ដុល្លារក្នុងមួយជី។
អាជីវករលក់មាសនៅភ្នំពេញដែលកម្ពុជាថ្មីបានសាកសួរបានលើកឡើងថា ការហក់ឡើងតម្លៃមាសនៅមួយរយៈចុងក្រោយនេះ ដោយសារប្រាក់ដុល្លារធ្លាក់ចុះ រួមទាំងអស្ថិរភាពសេដ្ឋកិច្ចទីផ្សារសកល។
អាជីវករលក់មាសនៅផ្សារឯករាជ្យ ៣ បានឲ្យដឹងថា ការធ្លាក់ចុះតម្លៃប្រាក់ដុល្លារ រួមទាំងអស្ថិរភាពសេដ្ឋកិច្ចសកលបានប៉ះពាល់ដល់ហាងឆេងមាសនៅលើទីផ្សារជួញដូរ។
លោកបន្តថា ទំនុកចិត្តលើប្រាក់ដុល្លារសំខាន់ណាស់ ដោយសារការជួញដូរមាសគិតជាដុល្លារ។ នៅពេលមានបញ្ហាសេដ្ឋកិច្ចនៅអាមេរិក អាចធ្វើឲ្យទំនុកចិត្តប្រាក់ដុល្លារថយចុះ ហើយនាំឲ្យប៉ះពាល់ដល់ស្ថិរភាពតម្លៃមាសនៅលើទីផ្សារ។
បើតាមអាជីវកររូបនេះ កាលពីដើមខែកុម្ភៈតម្លៃមាសប្រហែល ២៥០ ដុល្លារ (មួយជី) បច្ចុប្បន្នអាចនិយាយជាតម្លៃហក់ដល់កំពូលដល់ជាង ២៨០ ដុល្លារ ប៉ុន្តែលោកក៏មិនច្បាស់ថាតម្លៃអាចកើនឡើងថែមទៀតឬយ៉ាងណានៅពេលខាងមុខ។
អាជីវករលក់មាសមួយរូបទៀតយីហោម៉ាក់ វឌ្ឍនា ស្រីពេជ្រ នៅចម្ការដូងបានប្រាប់ថា តម្លៃមាសកើនឡើងនេះមិនមែនមកពីកត្តាតម្រូវការក្នុងស្រុកនោះទេ គឺមកពីកត្តាខាងក្រៅ។
អាជីវកររូបនេះបញ្ជាក់ថា តម្រូវការមាសក្នុងស្រុកមិនសូវមានសកម្មភាពទិញដូរច្រើននោះទេ អីចឹងកត្តាបម្រែបម្រួលឥទ្ធិពលខាងក្រៅ ទើបធ្វើឲ្យហាងឆេងមាសក្នុងស្រុកមានការហក់ឡើងខ្លាំងបែបនេះ។
ជុំវិញការកើនឡើងតម្លៃមាសយ៉ាងគំហុកនេះ កម្ពុជាថ្មីនឹងស្វែងរកការបញ្ជាក់ពីអ្នកជំនាញដើម្បីរកមូលហេតុបន្ថែម៕
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ