ព័ត៌មានជាតិ
ផ្សារទួលទំពូង ថយចុះភ្ញៀវជាង៧០ភាគរយ ក្រោយផ្ទុះព្រឹត្តិការណ៍២០កុម្ភៈ
ភ្ញៀវចេញចូលផ្សារទួលទំពូង បានថយចុះប្រមាណជា ៧០ភាគរយ ក្រោយការផ្ទុះកូវីដ-១៩ ក្នុងព្រឹត្តិការណ៍សហគមន៍ ២០កុម្ភៈ ខណៈដែលអាជីវករលក់ដូរ នៅក្នុងផ្សារបានបើកតូបលក់ដូរប្រមាណជា៨៥ភាគរយ។
នេះបើតាមការបញ្ជាក់ឲ្យដឹងពីលោក ចំរើន សុខលីម ប្រធានគណៈកម្មការផ្សារទួលទំពូង ខណៈដែលលោកដឹកនាំមន្ត្រី ក្នុងជួរគណៈកម្មការផ្សារចុះផ្សព្វផ្សាយនិងចែកម៉ាសរបស់សម្តេចតេជោ ហ៊ុន សែន ជូនប្រជាពលរដ្ឋនិងអាជីវករនៅក្នុងផ្សារនាព្រឹកថ្ងៃទី២៤ កុម្ភៈនេះ ដើម្បីចូលរួមបង្ការទប់ស្កាត់ជំងឺកូវីដ-១៩ ក្នុងព្រឹត្តិការណ៍សហគមន៍ ២០កុម្ភៈទាំងអស់គ្នា។
លោក ចំរើន សុខលីម បានបញ្ជាក់ឲ្យដឹងថា ក្រោយផ្ទុះឡើងនូវការរីករាលដាលជំងឺកូវីដ-១៩ ក្នុងព្រឹត្តិការណ៍សហគមន៍២០ កុម្ភៈបានធ្វើឲ្យភ្ញៀវ ដែលចេញចូលផ្សារទួលទំពូងបានធ្លាក់ចុះប្រមាណជា ៧០% ។ ចំណែកបងប្អូនអាជីវករ បានបើកតូបលក់ប្រមាណជា៨៥ភាគរយ។
លោក ចំរើន សុខលីម បានអះអាងថា ការធ្លាក់ចុះភ្ញៀវរហូតដល់ប្រមាណ៧០ភាគរយនេះ លោកបានលើកឡើងជាហេតុផលថា មុនបុណ្យចូលឆ្នាំប្រពៃណីចិនវៀតណាម គឺភ្ញៀវបានចេញ ចូលផ្សារយ៉ាងច្រើនកុះករ ហើយក្រោយពីវិធីចូលឆ្នាំចិន វៀតណាមបានបញ្ចប់ទៅ ភ្ញៀវដែលចេញ ចូលក្នុងផ្សារក៏បានថយចុះមួយកម្រិត។ ប៉ុន្តែក្រោយពីផ្ទុះឡើងនូវព្រឹត្តិការណ៍សហគមន៍២០កុម្ភៈនេះទៀត ភ្ញៀវចេញចូលផ្សារ បានថយចុះយ៉ាងខ្លាំងតែម្តង ពោលគឺថយចុះប្រមាណជា៧០ភាគរយ។
ពាក់ព័ន្ធនឹងសកម្មភាពចុះចែកម៉ាសជូនប្រជាពលរដ្ឋនិងអាជីវករនាព្រឹកថ្ងៃទី២៤ កុម្ភៈនេះ លោកចំរើន សុខលីម បានបញ្ជាក់ថា នៅផ្សារទួលទំពូងមានច្រកចេញចូល ក្នុងផ្សារចំនួន១៦ច្រក ហើយទាំង១៦ច្រកនេះ គណៈកម្មការផ្សារ បានដាក់ អាល់កុលនិងម៉ាស៊ីនវាស់កម្ដៅ ព្រមទាំងបំពាក់ប្រព័ន្ធ QR Code ទប់ស្កាត់កូវីដ Stop Covid ចំនួន៤ទៀតក្នុងមួយច្រក ដើម្បីការពារទប់ស្កាត់ការរីករាលដាលជំងឺកូវីដ-១៩។
លោកចំរើន សុខលីម ក៏បានធ្វើការអំពាវនាវអោយបងប្អូនប្រជាពលរដ្ឋនិងអាជីវករទាំងអស់ អនុវត្តទៅតាមការណែនាំរបស់ក្រសួងសុខាភិបាល និង អនុសាសន៍របស់សម្ដេចតេជោ ហ៊ុន សែន គឺ ៣កុំនិងបីការពារ។ បើមានអាជីវករណាម្នាក់មានបញ្ហាជំងឺកូវីដ-១៩ នោះផ្សារទាំងមូលត្រូវប្រឈមនឹងការបិទអាជីវកម្មហើយ។ ដូច្នេះទេ លោកសូមឲ្យបងប្អូនអាជីវករទាំងអស់ចូលរួមបង្ការនិងទប់ស្កាត់កូវីដ-១៩នេះទាំងអស់គ្នា៕
អត្ថបទ៖ ស្រីរ័ត្ន
សូមចុចអាន៖ អាជ្ញាធរនិងពលរដ្ឋច្បារអំពៅស្រុះគ្នាពាក់ម៉ាស់ ការពារកូវីដ១៩
-
ព័ត៌មានអន្ដរជាតិ១៦ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ