Connect with us

ព័ត៌មានជាតិ

អាជ្ញាធរនិងពលរដ្ឋច្បារអំពៅស្រុះគ្នាពាក់ម៉ាស់ ការពារកូវីដ​១៩

បានផុស

នៅ

អាជ្ញាធរនិងប្រជាពលរដ្ខខណ្ឌច្បារអំពៅរាជធានីភ្នំពេញ ស្រុះគ្នាពាក់ម៉ាស់និងសំអាតខ្លួនដើម្បីទប់ស្កាត់កូវិដ១៩។ អភិបាលខណ្ឌច្បារអំពៅ លោក ចេង មុនីរ៉ា បានចុះផ្សព្វផ្សាយតាមសហគមន៍ និងសារធារណៈ នៅថ្ងៃទី ២៤ ខែកុម្ភៈនេះ តាមការជូនដំណឹងរបស់ក្រសួងសុខាភិបាល។


លោកចេង មុនីរ៉ា បាននាំយកម៉ាស់ អាល់កុល និងជែល ផ្តល់ដល់បងប្អូនប្រជាពលរដ្ឋ គឺលោកអភិបាលខណ្ឌបានកោតសសើដល់ប្រជាពលរដ្ឋបាននាំគ្នាពាក់ម៉ាស់គ្រប់ៗគ្នា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកអភិបាលខណ្ឌច្បារអំពៅបានបញ្ជាក់ថាលោកមានក្តីរំភើបពេលបានឃើញប្រជាពលរដ្ឋលោកបានចូលរួមទប់ស្កាត់ជំងឺកូវិដ១៩ដោយម្នាក់ៗនាំគ្នាពាក់ម៉ាស់ ហើយតាមបណ្តាខ្នងផ្ទះមានដាក់សាប៊ូនិងអាកុល ជែលសម្រាប់លៀងដៃ។

ដោយឡែកនៅតាមបណ្តាផ្សារ ពិសេសផ្សារច្បារអំពៅគឺគណះកម្មការផ្សារបានដាក់កម្លាំងពិនិត្យកំដៅនិងបានណែនាំឲ្យអ្នកលក់ដូរព្រមទាំងអ្នកចូលទៅទិញម្ហូបអាហារគឺត្រូវពាក់ម៉ាស់ហើយអ្នកមិនពាក់ម៉ាស់ សន្តិសុខផ្សារមិនអនុញាតិឲ្យចូលឡើយ។
លោកចេង មុនីរ៉ា បានបញ្ជាក់ថាចំពោះទីតាំងភោជនីយ៍ដ្ឋាននា នាត្រូវឲ្យមានអាកុលសម្រាប់លាងដៃហើយ មានគម្លាតពី គ្នាទៀតផង។


ទាក់ទិននិងការចូលរួមទប់ស្កាត់ជំងឺកូវិដ១៩ខាងលើនេះលោក សាន់ប៊ុនណា ប្រធានគណៈកម្មការផ្សារបន្លែច្បារអំពៅមកដល់ថ្ងៃនេះគឺបងប្អូនអាជីវករផ្ទាល់លោកបានចូលរួមទប់ស្កាត់ចំពោះជនណាដែលមិនព្រមពាក់ម៉ាស់។

ប្រសិនបើមិនបានពាក់ម៉ាស់គឺបងប្អូនអាជីវករលោកស្រែកប្រាប់ឬមិនឲ្យចូលផ្សារ។បើពុំមានម៉ាស់គឺបងប្អូនអាជីវករហុចម៉ាស់ឲ្យពាក់ទៀតផង។
លោក សាន់ ប៊ុន ណា បញ្ជាក់ថាបច្ចុប្បន្ននេះគឺទាំងអាជីវករក៏ដូចជាភ្ញៀវចូលទិញអីវ៉ាន់ ម្នាក់ៗសុទ្ធតែពាក់ម៉ាស់គ្រប់ៗគ្នាទាំងអស់៕

អត្ថបទ៖នរា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម