ព័ត៌មានជាតិ
សហភាពអង្គការសង្គមស៊ីវិល ប្តេជ្ញាចូលរួមជាមួយក្រសួងបរិស្ថាន ដើម្បីការពារឱ្យបាននូវព្រៃឈើកម្ពុជា
សហភាពអង្គការសង្គមស៊ីវិល និងបណ្តាអង្គការ-សមាគម បានចេញសេចក្តីថ្លែងការណ៍ថ្ងៃទី១៦ ខែឧសភា ឆ្នាំ២០២៤ ប្ដេជ្ញាចិត្តចូលរួមជាមួយក្រសួងបរិស្ថាន ធ្វើយ៉ាងណាឱ្យគោលនយោបាយដែលបានដាក់ចេញបានសម្រេចជោគជ័យ ដើម្បីមាតុភូមិកម្ពុជា។ មិនតែប៉ុណ្ណោះ ថែមទាំងស្នើដល់យុវជនដែលចាញ់កលបរទេស មកសិក្សាពីគោលនយោបាយរបស់ក្រសួងឱ្យបានច្បាស់លាស់។
![](https://www.kampucheathmey.com/wp-content/uploads/2024/05/image-861-1024x682.png)
កាលពីថ្ងៃទី ១៥ ខែឧសភា ឆ្នាំ២០២៤ សមាជិកសហភាពអង្គការសង្គមស៊ីវិល និងបណ្តាអង្គការ-សមាគម បានចូលរួមប្រជុំពិភាក្សាការងារជាមួយលោក អ៊ាង សុផល្លែត រដ្ឋមន្រ្តីក្រសួងបរិស្ថាន។ តាមរយៈការតាមដានគោលនយោបាយនៃការខិតខំអនុវត្តរបស់ថ្នាក់ដឹកនាំអាណត្តិថ្មីរបស់ក្រសួងបរិស្ថានរយៈពេល ៨ខែកន្លងមកនេះ សហភាពអង្គការសង្គមស៊ីវិលសង្គេតឃើញថា មានការប្រែប្រួលយ៉ាងខ្លាំងនៃវិស័យបរិស្ថាននៅក្នុងប្រទេសកម្ពុជា និងការទប់ស្កាត់ការកាប់បំផ្លាញព្រៃឈើ។ មិនត្រឹមតែប៉ុណ្ណឹង តាមរយៈគោលនយោបាយ និងយុទ្ធសាស្ត្រនានា ដែលក្រសួងបានដាក់ចេញមក ដូចជា ការកំណត់តំបន់ព្រៃឈើតាមរយៈការប្រើប្រាស់នូវប្រព័ន្ធឌីជីថល(Degital), យុទ្ធការរបស់ក្រសួងបរិស្ថាន គឺដាំកូនឈើ ១,០០០,០០០ (មួយលានដើម) ជារៀងរាល់ឆ្នាំ និងគោលនយោបាយដែលធ្វើឱ្យប្រទេសកម្ពុជាមានភាពស្រស់ស្អាតទាំងលើផ្ទៃទឹក ផ្ទៃអាកាស និងផ្ទៃដី ជាដើម គឺជាការបង្ហាញយ៉ាងច្បាស់ពីកិច្ចខិតខំរបស់ក្រសួង ដើម្បីឱ្យបរិស្ថាន ព្រៃឈើនៅកម្ពុជា មានការអភិរក្ស និងអភិវឌ្ឍន៍។
![](https://www.kampucheathmey.com/wp-content/uploads/2024/05/image-860-1024x682.png)
ទាំងអស់នេះ សុទ្ធតែជាគោលនយោបាយ និងយុទ្ធសាស្ត្រល្អៗដែលក្រសួងបានដាក់ចេញមក ហើយសហភាពអង្គការសង្គមស៊ីវិល និងបណ្តាអង្គការ-សមាគម រីករាយ និងប្តេជ្ញាចិត្តក្នុងការចូលរួមចំណែកជាមួយក្រសួងបរិស្ថាន ដើម្បីស្តារព្រៃឈើ រៀបចំ និងអភិរក្សបរិស្ថានធម្មជាតិឱ្យបានគង់វង្ស ដើម្បីកម្ពុជាអាចរីកចម្រើនទៅមុខបន្តទៀត។ សហភាពអង្គការសង្គមស៊ីវិល ក៏អរគុណដល់ក្រសួងបរិស្ថាន ដែលបើកឱកាសទូលំទូលាយឱ្យមានការសហប្រតិបត្តិការចូលរួមពីយុវជន នៃបណ្ដាអង្គការសង្គមស៊ីវិល។
![](https://www.kampucheathmey.com/wp-content/uploads/2024/05/image-862.png)
ដោយឡែក សហភាពអង្គការសង្គមស៊ីវិល និងបណ្តាអង្គការ-សមាគម ក៏អំពាវនាវដល់យុវជនមួយចំនួនដែលចាញ់កលលោក អាឡិច(Alex) ជាជនបរទេស សូមយុវជនសិក្សាអំពីគោលនយោបាយរបស់ក្រសួងបរិស្ថាន ឱ្យបានច្បាស់លាស់ និងចូលរួមជាមួយក្រសួង ដើម្បីជំរុញការអភិវឌ្ឍប្រទេសជាតិឱ្យមានការរីកចម្រើន។ សហភាពអង្គការសង្គមស៊ីវិល លើកឡើងថា៖ “គ្មានជនជាតិណា មកស្រឡាញ់ខ្មែរជាងខ្មែរគ្នាឯងឡើយ!”។ ហេតុដូច្នេះហើយ ការជឿតាមពាក្យញុះញង់របស់បរទេស មានតែធ្វើឱ្យខូចកិត្តិយសជនជាតិខ្មែរ និងធ្វើឱ្យខ្មែរបាត់បង់កេរ្តិ៍ឈ្មោះលើឆាកអន្តរជាតិតែប៉ុណ្ណោះ។ សហភាពអង្គការសង្គមស៊ីវិល សុំឱ្យយុវជនមួយចំនួនដែលជឿតាមការលួងលោមរបស់ចលនា អាឡិច(Alex) សូមមានការពិចារណាឡើងវិញ៕
![](https://www.kampucheathmey.com/wp-content/uploads/2024/05/image-863.png)
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ៣ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៧ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ៣ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ព័ត៌មានជាតិ២៤ ម៉ោង ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ព័ត៌មានជាតិ៧ ថ្ងៃ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ
-
ព័ត៌មានជាតិ១ សប្តាហ៍ ago
គម្រោងដាំដើមត្នោត តាមមហាវិថីថ្មីទៅព្រលានយន្តហោះតេជោតាខ្មៅ រដ្ឋមន្រ្តីក្រសួងបរិស្ថានប្រកាសរង់ចាំសហការ