Kang Daniel ដាក់ពាក្យបណ្តឹងព្រហ្មទណ្ឌ ប្រឆាំងនឹងម្ចាស់ភាគហ៊ុនធំរបស់ Konnect

យោងតាមការស៊ើបអង្កេតរបស់ YTN បានបញ្ចាក់ថា Kang Daniel បានដាក់ពាក្យបណ្តឹងនៅថ្ងៃកាលពីថ្ងៃទី ២០ ជាមួយភ្នាក់ងារប៉ូលិសទីក្រុងសេអ៊ូល ប្រឆាំងនឹងម្ចាស់ភាគហ៊ុនធំរបស់ Konnect Entertainment ។នេះបើយោងតាមការចុះផ្សាយពីសារព័ត៌មាន All Kpop ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចោទប្រកាន់រួមមានការក្លែងបន្លំឯកសារឯកជនចំនួន ១០ ពាន់លានវ៉ុន ការកេងបន្លំ និងការរំលោភលើទំនុកចិត្តក្រោមច្បាប់ស្តីពីការដាក់ទណ្ឌកម្មធ្ងន់ធ្ងរនៃឧក្រិដ្ឋកម្មសេដ្ឋកិច្ចជាក់លាក់ចំនួន ២ ពាន់លានវ៉ុន ការរំលោភលើច្បាប់បណ្តាញព័ត៌មាន និងទំនាក់ទំនង និងការក្លែងបន្លំក្រោមច្បាប់ព្រហ្មទណ្ឌ ដែលមានទំហំទឹកប្រាក់ជាង ២ ពាន់លានវ៉ុន។

លើសពីនេះទៀតដែរ Kang Daniel អះអាងថា ម្ចាស់ភាគហ៊ុនធំបានប្រើតួនាទីរបស់ពួកគេដើម្បីកេងបន្លំមូលនិធិក្រុមហ៊ុន និងក្លែងបន្លំត្រាសាជីវកម្មដើម្បីចុះហត្ថលេខាលើកិច្ចសន្យាចែកចាយតន្ត្រីដែលមានតម្លៃ ១០ ពាន់លានវ៉ុន។

Kang Daniel បានបង្កើត Konnect Entertainment ក្នុងឆ្នាំ ២០១៩ ក្នុងរយៈពេល៥ឆ្នាំកន្លងមកនេះ គាត់បានបម្រើការជានាយកប្រតិបត្តិ និងជាសិល្បករក្រោមស្លាកសញ្ញា ដោយបានចេញអាល់ប៊ុមជាច្រើនរួមមាន ‘Color on Me’ ‘MAGENTA’ និង ‘YELLOW’។ កាលពីខែមិថុនាឆ្នាំមុន គាត់បានចេញអាល់ប៊ុមខ្នាតតូចទីបួន ‘REALIEZ ។ គាត់ក៏បានធ្វើដំណើរទេសចរណ៍ពិភពលោកកាលពីឆ្នាំមុន ដោយសម្តែងនៅអាមេរិកខាងជើង អឺរ៉ុប និងអាស៊ីផងដែរ៕

អត្ថបទ៖ សាង ស្រីល័ក្ខ

ចុចអាន៖YoonA បញ្ចេញឈុតពណ៌ឈូក លើកកម្រាលព្រំក្រហម Cannes​ លើកទី៧៧