Connect with us

ព័ត៌មានជាតិ

បេក្ខជនកម្ពុជា ៤៩០នាក់ ទទួលមេដាយ ពីគណិតវិទ្យាអូឡាំព្យាដ សិង្ហបុរី-អាស៊ី អន្តរជាតិ

បានផុស

នៅ

បេក្ខជនជ័យលាភីកម្ពុជា ចំនួន ៤៩០នាក់ ទទួលបានមេដាយមាស ប្រាក់ និងសំរឹទ្ធ ពីការប្រកួត គណិតវិទ្យាអូឡាំព្យាដ សិង្ហបុរី-អាស៊ី អន្តរជាតិ ២០២៤។ ជាមួយគ្នានេះ រាជបណ្ឌិត្យសភាកម្ពុជា បានរៀចំពិធីប្រគល់មេដាយ និងវិញ្ញាបនបត្រជូនដល់បេក្ខជនជ័យលាភី ក្រោមអធិបតីភាព លោក ឡោ ឆវណ្ណា អនុរដ្ឋលេខាធិការ ក្រសួងអប់រំ យុវជន និងកីឡា នៅថ្ងៃទី២៦ ខែឧសភា ឆ្នាំ២០២៤ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សរ រិទ្ធី អនុប្រធានសមាគម តំណាង បណ្ឌិត តុង វណ្ណៈប្រធាសមាគមអប់រំ និងតម្រង់ទិសសិស្សមធ្យមសិក្សាកម្ពុជាបានលើកឡើងថា ការរៀបចំឱ្យមានព្រឹត្តិប្រកួតប្រជែងដែលមានលក្ខណៈវិទ្យាសាស្រ្តនេះ គឺពិតជាសមស្របទៅនឹងយុទ្ធសាស្រ្តបញ្ចកោណ របស់ប្រមុខរាជរដ្ឋាភិបាលកម្ពុជា ដែលដឹកនាំដោយ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា ដែលតែងបានលើកទឹកចិត្តដល់គ្រឹះស្ថានអប់រំសាធារណៈ និងឯកជនទាំងអស់ឱ្យខិតខំបន្ដចូលរួមក្នុងការជំរុញគ្រប់សកម្មភាពក្នុងវិស័យអប់រំ ដោយត្រូវបានផ្តោតការយកចិត្តទុកដាក់ទៅលើការអភិវឌ្ឍមូលធនមនុស្សការបង្កើនភាពប្រកួតប្រជែង ការអភិវឌ្ឍវិស័យឯកជន និងការងារ, ការអភិវឌ្ឍប្រកបដោយភាពធន់ ចីរភាព បរិយាប័ន្ន និងការអភិវឌ្ឍសេដ្ឋកិច្ច និងសង្គមឌីជីថល។

លោកអនុប្រធានសមាគម បានសម្តែងនូវការអបអរសាទរយ៉ាងកក់ក្តៅបំផុត ជូនចំពោះបេក្ខជនជ័យលាភីទាំង ៤៩០ នាក់ ដែលទទួលបាមេដាយមាស ប្រាក់ និងសំរឹទ្ធ ហើយក៏បានលើកទឹកដល់បេក្ខជនទាំង ៨៨១ នាក់ផ្សេងទៀតដែលមិនទទួលបានជយលាភី សូមក្មួយៗបន្តការខិតខំប្រឹងប្រែងសិក្សារៀនសូត្របន្តទៀត ដើម្បីពង្រឹងសមត្ថភាពរបស់ខ្លួន នឹងត្រៀមចូលរួមក្នុងការប្រកួតប្រជែងនាឱកាសក្រោយៗទៀត។

ក្នុងនាមសមាគមអប់រំ និងតម្រង់ទិសសិស្សមធ្យមសិក្សាកម្ពុជា លោកបានសម្តែងការកោតសរសើរ និងគាំទ្រ ចំពោះមជ្ឈមណ្ឌលរៀបចំការប្រឡងអូឡាំព្យាដអន្តរជាតិ សិង្ហបុរី (SIMCC SG) និងមជ្ឈមណ្ឌល ដឺ ប្រ៊េននីអេក ហ្វេកធើរី (The Brainiac Factory) ដែលបានខិតខំរៀបចំឱ្យមានព្រឹត្តការណ៍ ប្រកួតប្រជែង គណិតវិទ្យា វិទ្យាសាស្រ្ត ដែលមានលក្ខណៈអន្តរជាតិនៅក្នុងប្រទេសកម្ពុជា ដែលជាការផ្តល់ឱកាសដល់ក្មួយៗ សិស្សានុសិស្សកម្ពុជា អាចចូលរួមប្រកួតប្រជែង និងបញ្ចេញសមត្ថភាពរបស់ខ្លួនលើឆាកអន្តរជាតិ ហើយសូមគាំទ្រឱ្យមានព្រឹត្តិការណ៍ប្រកួតប្រជែងដែលមានលក្ខណៈអន្តរជាតិផ្សេងៗទៀត នៅឆ្នាំបន្តបន្ទាប់ពេលខាងមុខ។

យោងតាមរបាយការណ៍របស់ លោក យ៉ែម សុភ័ណ្ឌ ប្រធានមជ្ឈមណ្ឌល ដឺប្រ៊េននីអេក ហ្វេកធើរី (The Brainiac Factory) បានបង្ហាញថា នៅក្នុងឆ្នាំ២០២៤នេះ មានសិស្សានុសិស្សកម្ពុជា ដែលបានចូលរួមក្នុងការប្រឡងគណិតវិទ្យាអូឡាំព្យាដមានចំនួនច្រើនគួរឱ្យកត់សម្គាល់ ដោយក្នុងនោះ បេក្ខជនកម្ពុជាមានចំនួនសរុប ១ ៤០១ នាក់ មកពីគ្រឹះស្ថានអប់រំ ១៣០ គ្រឹះស្ថាន រួមមានគ្រឹះស្ថានអប់រំសាធារណៈចំនួន ៥០ គ្រឹះស្ថាន និងគ្រឹះស្ថានឯកជនចំនួន ៨០ គ្រឹះស្ថាន នៅទូទាំងប្រទេសដែលបានចូលរួមប្រកួតប្រជែង ដោយនៅក្នុងនោះកម្ពុជាបានឈរនៅចំណាត់ថ្នាក់ទី១០ ជាប្រទេសដែលមានចំនួនសិស្សានុសិស្សកម្ពុជា ដែលបានចូលរួមប្រកួតប្រជែងច្រើនជាងគេក្នុងចំណោម ៣៨ ប្រទេស ដែលមានបេក្ខជនចូលរួមសរុបចំនួន ៥៧ ០៧៥ នាក់ នៅទូទាំងពិភពលោក។

លោក ឡោ ឆវណ្ណា អនុរដ្ឋលេខាធិការ ក្រសួងអប់រំយុវជននិងកីឡា បានសម្តែងការកោតសរសើរ និងវាយតម្លៃខ្ពស់ ចំពោះសមាគមអប់រំ និងតម្រង់ទិសសិស្សមធ្យមសិក្សាកម្ពុជា និងមជ្ឈមណ្ឌលរៀបចំការប្រឡងគណិតវិទ្យាអូឡាំព្យាដ សិង្ហបុរី និងមជ្ឈមណ្ឌលដឺប៊្រេននីអេកហ្វេកធើរី បានសហការរៀបចំកម្មវិធីនេះឡើង ដែលជាការចូលរួមចំណែកគាំទ្រ និងលើកកម្ពស់វិស័យអប់រំ ជាមួយរាជរដ្ឋាភិបាលកម្ពុជា។ លោកបានអំពាវដល់សិស្សានុសិស្សនៅភូមិសិក្សា ថ្នាក់ទី៩ និងទី១២ ត្រៀមខ្លួនឱ្យល្អប្រសើរក្នុងការប្រឡងថ្នាក់ជាតិ ដែលនឹងចូលមកដល់នាពេលខាងមុខនេះផងដែរ។

គួរបញ្ជាក់ថា កម្មវិធីប្រកួតប្រជែង គណិតវិទ្យាអូឡាំព្យាដ សិង្ហបុរី-អាស៊ាន អន្តរជាតិឆ្នាំ២០២៤ ត្រូវបានសហការរៀបចំឡើងដោយសមាគមអប់រំ និងតម្រង់ទិសសិស្សមធ្យមសិក្សាកម្ពុជាមជ្ឈមណ្ឌលរៀបចំការប្រឡង អូឡាំព្យាដអន្តរជាតិ សិង្ហបុរី (SIMCC SG) និងមជ្ឈមណ្ឌលដឺប្រ៊េននីអេកហ្វេកធើរី (The Brainiac Factory)៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៨ នាទី មុន

ឯកឧត្ដម ហ៊ុន ម៉ានី ៖ គណៈកម្មាធិការគណបក្សក្រសួងមុខងារសាធារណៈ បានរួមចំណែក​យ៉ាងធំធេង អនុវត្តគោលនយោបាយគណបក្សប្រជាជនកម្ពុជា

សេដ្ឋកិច្ច២៧ នាទី មុន

ចិន​ព្រមាន​ពី​លទ្ធភាព​ «សង្រ្គាម​ពាណិជ្ជកម្ម​» ជា​មួយ​សហភាព​អឺរ៉ុប​

ព័ត៌មានជាតិ៤០ នាទី មុន

សស់ជាង ១សប្តាហ៍ទៀតប៉ុណ្ណោះ សម្រាប់ការដាក់ស្នាដៃប្រកួតពានរង្វាន់ព្រះនាងឥន្ទ្រទេវី ឆ្នាំ២០២៤

ព័ត៌មានជាតិ៤៧ នាទី មុន

បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព

ព័ត៌មានជាតិ១ ម៉ោង មុន

ក្រសួងសុខាភិបាល ធ្វើតេស្តរហ័សស្វែងរកសារធាតុញៀន​ដល់ថ្នាក់ដឹកនាំមន្ត្រីរាជការ និងមន្ត្រីជាប់កិច្ចសន្យា

ព័ត៌មានជាតិ២១ ម៉ោង មុន

ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក

ព័ត៌មានជាតិ១៩ ម៉ោង មុន

ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ

ព័ត៌មានជាតិ២២ ម៉ោង មុន

រាជ​ដំណាក់​ព្រះមហាក្សត្រ​ខ្មែរ ​លើ​កំពូលភ្នំ​បូកគោ រង់ចាំអនុញ្ញាតពីព្រះបរមរាជវាំង ​ជួសជុលតាម​គំរូ​ដើម​ឡើង​វិញ

ព័ត៌មានជាតិ១៦ ម៉ោង មុន

ន.ប.ប.ប បំភ្លឺថា  ឃើញស្ងាត់ៗមិនមែនមិនធ្វើការទេ ហេតុដែលស្ងាត់ៗពេលស៊ើបការ ព្រោះខ្លាចបាត់តម្រុយជនល្មើស

សេដ្ឋកិច្ច២៣ ម៉ោង មុន

ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត

Sokha Hotels

ព័ត៌មានពេញនិយម