Connect with us

ព័ត៌មានជាតិ

ម្ចាស់ចម្ការទុរេនធំៗទូទាំងប្រទេសជួបជុំគ្នា ចែករំលែកបច្ចេកទេសដំាដុះទុរេន ឈានពង្រីកទីផ្សារនាំចេញទៅក្រៅប្រទេស

បានផុស

នៅ

ម្ចាស់ចម្ការទុរេនធំៗបានមក​ជួបជុំគ្នា ដើម្បីចែករំលែកបទពិសោធន៍និងបច្ចេកទេសពីការដាំដុះទុរេន ខណៈដែលដំណាំឈើ​ហូបផ្លែនេះក្លាយដំណាំសេដ្ឋកិច្ចដ៏សំខាន់ដែលរដ្ឋាភិបាលកំពុងជំរុញការនាំចេញ ដែលអាចកើបចំណូលបានរាប់លានដុល្លារ​ពីមួយ​ឆ្នាំៗសម្រាប់កសិករ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងនៅក្នុងសិក្ខាសាលាស្តីពីផលិតកម្មទុរេនរដូវកាល ២០២៤-២០២៥ និងពិធីប្រគល់វិញ្ញាបនបត្របញ្ចប់វគ្គដល់សមាជិកក្រុមផលិតទុរេនខ្មែរនៅព្រឹកមិញនេះ លោក ប៊ុន នាង គ្រូបច្ចេកទេសដាំដុះដំណាំទុរេនដែលមានបទពិសោធន៍ជាច្រើនឆ្នាំបានគូសបញ្ជាក់ថា សិក្ខាសាលានេះរៀបចំ​ឡើង​ដើម្បីវាយតម្លៃនៃការអនុវត្តបច្ចេកទេស​ដាំដុះ​ទុរេន​នារដូវកាលកន្លងមក និងស្វែងរក​ភាព​បត់បែនបច្ចេកទេសសម្រាប់ការដាំដុះ​នៅ​រដូវកាលថ្មី។

លោកថា ក្រុមកសិករដែលចូលរួមសិក្ខាសាលា​ជាង ៨០ នាក់នេះ ​ជាក្រុមអ្នកផលិតទុរេនដែលមានចម្ការ​ធំៗមកពីបណ្តាខេត្តផ្សេងៗក្នុងប្រទេសកម្ពុជា ដែល​មានសមត្ថភាពខ្ពស់និងបានទទួលការបណ្ដុះបណ្ដាលពីបច្ចេកទេសដាំដុះទុរេនជាច្រើនឆ្នាំ។

លោក ប៊ុន នាង បន្តថា សិក្ខាសាលា​រៀបចំពេញមួយថ្ងៃ ក្រៅពីគោលបំណង​ជួបជុំចែករំលែកបទពិសោធន៍រវាងកសិករដាំដុះទុរេនមកពីតំបន់ផ្សេងៗទូទាំងប្រទេស ក៏ដើម្បីប្រកាស​ពី​ការ​បង្កើតក្រុមផលិតកម្មទុរេនខ្មែរ ដែលមានអក្សរកាត់ថា KDPG (Khmer Durian Production Group) ក្នុង​គោលដៅ​​បង្កើនកិច្ចសហប្រតិបត្តិការ និងសាមគ្គីភាពរវាងក្រុមផលិតទុរេននៅប្រទេសកម្ពុជាទាំងមូល ក្នុង​ន័យ​ជំរុញ​ការ​ដាំដុះ​សម្រាប់​បម្រើតម្រូវការក្នុងស្រុក និងនាំចេញទៅក្រៅប្រទេស។

ដំណាំទុរេនត្រូវបានដាំដុះស្ទើរពាសពេញផ្ទៃប្រទេស ជាពិសេសបណ្តាខេត្តមួយចំនួនដូចជា កំពង់ចាម កំពត ត្បូងឃ្មុំ កោះកុង រតនះគីរី បាត់ដំបង ពោធិសាត់ ក្រចេះ ស្ទឹងត្រែង។

លោក ឆម លីប៊ុនថេង កសិករដាំដុះទុរេននៅស្រុកថ្មបាំង ខេត្តកោះកុងបានគូសបញ្ជាក់ថា ទុរេនជាដំណាំយុទ្ធសាស្រ្តមានតម្លៃផ្នែកសេដ្ឋកិច្ចខ្ពស់ ដែលអាចឲ្យកសិករកើបចំណូលបានយ៉ាងក្រាស់ក្រែលក្នុងមួយឆ្នាំៗ។

លោកថា នៅស្រុកថ្មបាំងមានកសិករជាច្រើនគ្រួសារបានដាំដុះដំណាំទុរេន ហើយរដូវកាលមុនសមាជិកដាំដុះទុរេនចំនួន ៣០ គ្រួសារក្នុងស្រុកថ្មបាំង បានកើបចំណូលពីការនាំចេញទុរេនមិនក្រោម ១ លានដុល្លារ ដែល​ឈ្មួញ​នាំ​ចេញ​ទៅលក់នៅ​ទីផ្សារខាងក្រៅ។

កសិករមួយរូបទៀតនៅខេត្តកំពត លោក អ៊ី ញាពិសិដ្ឋ បានបញ្ជាក់ថា ខេត្តកំពតមានប្រវត្តិដាំដុះទុរេនជាច្រើនជំនាន់ និងក៏ជាអត្តសញ្ញាណរបស់ខេត្តផងដែរ។

ទុរេនកំពតត្រូវបានទទួលស្គាល់ពីរសជាតិឆ្ងាញ់។ នេះបើតាម​លោក អ៊ី ញាពិសិដ្ឋ។ យ៉ាងណាមិញ លោកក៏បារម្ភពីការក្លែងបន្លំផលិតផលទុរេនកំពត ដោយសារមានឈ្មួយខិលខូចយកទុរេននាំចូលបន្លំជាទុរេនរបស់ខេត្តកំពត។

លោក ហេង ឆេងលី អ្នកសម្របសម្រួល និងជាសមាជិកម្នាក់ក្នុងក្រុមអ្នកផលិតទុរេនខ្មែរ មានប្រសាសដែរថា សិក្ខាសាលានេះជាកម្មវិធីដ៏ល្អនិងមានតម្លៃបំផុតសម្រាប់កសិករដាំដុះទុរេន ព្រោះថាកម្មវិធីបែបនេះមិនដែលមានពីមុនមកទេ ដែលបានប្រមូលផ្ដុំអ្នកផលិតទុនដ៏ធំប្រចាំឆ្នាំ។

លោកថា ទុរេនជាដំណាំដែលមានសក្តានុពលផ្នែកសេដ្ឋកិច្ចខ្ពស់និងជាប្រភេទផ្លែឈើហូបផ្លែដ៏ពេញនិយមមួយរបស់ប្រជាជនកម្ពុជា និងនៅបរទេសជាពិសេសប្រទេសចិនដែលជាទីផ្សារដ៏ធំ។

លោកសង្ឃឹមយ៉ាងមុតមាំថា ក្រុមកសិករដែលបានទទួលការបណ្ដុះបណ្ដាលបច្ចេកទេសផលិតទុរេនយ៉ាងត្រឹមត្រូវ នឹង​បន្តបង្កើតកម្មវិធីជួបជុំនេះបន្តទៅឆ្នាំខាងមុខទៀត ដើម្បីបន្តពង្រឹងសមត្ថភាព និងផ្លាស់ប្តូរ​ពត៌មានពីស្ថានភាពផលិតនិងព័ត៌មានទីផ្សារ ដើម្បីជួយលើកកម្ពស់និងបង្កើនប្រាក់ចំណូលដល់កសិករមួយកម្រិតបន្ថែមទៀត។

ជាមួយគ្នានេះ លោកក៏សំណូមពរដល់រាជរដ្ឋាភិបាល ពន្លឿនកិច្ចខំប្រឹងប្រែងដើម្បីឲ្យទុរេន​ខ្មែរឆាប់បាននាំចេញ និងបង្ហាញមុខនៅទីផ្សារបរទេសជាពិសេសប្រទេសចិន៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ នាទី មុន

អនុប្រធាន គណៈកម្មាធិការជាតិគ្រប់គ្រងគ្រោះមហន្តរាយ ជំរុញកងកម្លាំងទាំងអស់ហ្វឹកហាត់ដុសខាត់ជំនាញឱ្យបានជាប្រចាំ

ព័ត៌មានជាតិ២៨ នាទី មុន

ការប្រឡងបញ្ចប់ កម្មវិធីសមមូលអប់រំកម្រិតមូលដ្ឋានតាមអ៊ីនធឺណិត នៅមណ្ឌលសិក្សាពន្ធនាគារ

ព័ត៌មានអន្ដរជាតិ២៩ នាទី មុន

បុរស ​តៃវ៉ាន់ ​ម្នាក់ បណ្ដែតពោងរហូតលង់លក់ក្នុងដំណេក ​ដឹងខ្លួនមកវិញបែរនៅកណ្តាល​សមុទ្រ​​

ព័ត៌មានអន្ដរជាតិ៣២ នាទី មុន

ថៃ ប្រកាស​ពី​សមាជិក​ព្រឹទ្ធសភា​ថ្មី ជំនួស​ឲ្យ​ព្រឹទ្ធសភា​ដែល​តែងតាំង​ដោយ​យោធា

សេដ្ឋកិច្ច៣៩ នាទី មុន

ទំហំពាណិជ្ជកម្មទ្វេភាគីកម្ពុជា-ចិន កើនជាង ១៨% សរុបទឹកប្រាក់ជាង $៧,៣ ពាន់លាន

ព័ត៌មានជាតិ១៨ ម៉ោង មុន

ខែមិថុនា៖ ឧកញ៉ា ជាសមាជិកសមាគមឧកញ៉ា៨រូប ត្រូវដំឡើងងារជា អ្នកឧកញ៉ា

ព័ត៌មានជាតិ១៨ ម៉ោង មុន

លោក ប៉ែន បូណា៖ «យុវជនកើតក្នុងសម័យនេះ មានសំណាងជាងយុវជនជំនាន់មុនឆ្ងាយណាស់»

ព័ត៌មានជាតិ១៦ ម៉ោង មុន

លោកជំទាវ ពេជ ចន្ទមុន្នី៖ ការឧបត្ថម្ភរបស់ ក្រុមហ៊ុន ជីប ម៉ុង នឹងជួយ អ.ម.ត ពង្រីកវិសាលភាពទូលំទូលាយក្នុងការកសាងមូលធនមនុស្ស

ព័ត៌មានជាតិ៣ ម៉ោង មុន

សម្ដេចធិបតី ផ្ដល់ក្របខ័ណ្ឌរដ្ឋជូនកូនលោកតា គង់ ណៃ ដើម្បីបន្តវេនសិល្បៈចាប៉ី តាមឳពុក

ព័ត៌មានជាតិ២៤ ម៉ោង មុន

ណែនាំ​ឲ្យ​ស្គាល់​តំបន់​សេដ្ឋកិច្ច​ពិសេស​ ២៦ កន្លែង​​ដំណើរ​ការ​នៅ​កម្ពុជា វិនិយោគអស់រាប់ពាន់លាន​ដុល្លារ

Sokha Hotels

ព័ត៌មានពេញនិយម