សម្តេចតេជោ ហ៊ុន សែន បញ្ជាក់ហេតុផលខកខានចាក់វ៉ាក់សាំងចិន

សម្តេចតេជោ ហ៊ុន សែន នាយករដ្ឋមន្ត្រីកម្ពុជា បញ្ជាក់ហេតុផលដែល​ខកខានមិនបានទទួលការចាក់វ៉ាក់សាំងការពារជំងឺកូវីដ១៩ ស៊ីណូហ្វាមរបស់ចិន។

សម្តេចតេជោ ហ៊ុន សែន បានថ្លែងនៅក្នុងសន្និសីទសារព័ត៌មាន បន្ទាប់ពីទទួលការចាក់វ៉ាក់សាំង AstraZeneca ដែលផលិតនៅឥណ្ឌា នៅព្រឹកថ្ងៃទី ៤ ខែមីនា ឆ្នាំ ២០២១នេះ។

សម្តេចតេជោ បញ្ជាក់ថា វ៉ាក់សាំង ស៊ីណូហ្វាម គឺតម្រូវឲ្យចាក់ដល់មនុស្ស ៥៩ ឆ្នាំចុះក្រោម ហើយសម្តេចក៏ទទួលបានលិខិតផ្លូវការរបស់ការិយាល័យសេដ្ឋកិច្ចរបស់ស្ថានទូតចិន ដែលបានបញ្ជូនមកកម្ពុជា ថាមិនមានប្រសិទ្ធិភាពទៅលើអ្នកដែលមានអាយុលើសពី ៥៩ ឆ្នាំ។ ចិនថែមទាំងបញ្ជូនកំណត់ទូតមកមួយច្បាប់ទៀតមកកម្ពុជា។

មកដល់ពេលនេះ កម្ពុជាទទួលបានវ៉ាក់សចំនួន ២ ប្រភេទ ទី១ វ៉ាក់សាំងស៊ីណូហ្វាម ចំនួន ៦០ ម៉ឺនដូស នឹងវ៉ាក់សាំង AstraZeneca ផលិតនៅប្រទេសឥណ្ឌា ដែលមានឈ្មោះថា Covishield ចំនួន ៣២៤,០០០ ដូស ដែលជាដំណាក់កាល​ទី១ ក្នុងចំណោម១ លានដូស ដែលនឹងផ្តល់មកក្នុងឆ្នាំនេះ៕

អត្ថបទ៖ ឡេង ដេត