ព័ត៌មានជាតិ

ក្រុមហ៊ុនផលិតបន្ទះសូឡា ១២ ក្រុមហ៊ុនស្នើ CDC សម្របសម្រួលនាំបន្ទះសូឡាទៅទីផ្សារអាមេរិក

បានផុស

២ years មុន

នៅ

ថ្ងៃអង្គារ ២០ សីហា ២០២៤

ដោយ

ក្រោមការដឹកនាំដោយផ្ទាល់ពីលោក ស៊ុន ចាន់ថុល អនុប្រធានទី១ ក្រុមប្រឹក្សាអភិវឌ្ឍន៍កម្ពុជា នាថ្ងៃទី១៩ ខែសីហា នេះ ក្រុមប្រឹក្សាអភិវឌ្ឍន៍កម្ពុជា (CDC) បានបើកកិច្ចប្រជុំមួយ ដើម្បីពិនិត្យនិងជួយសម្របសម្រួលដល់វិស័យឯកជន ក្នុងការដោះស្រាយបញ្ហាលើការនាំចេញផលិតផលបន្ទះសូឡាទៅកាន់ទីផ្សារអាមេរិក សំដៅឱ្យការនាំចេញមានភាពរលូនល្អ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ចប្រជុំនេះរៀបចំឡើង ដោយមានជំនួបរវាងក្រុមហ៊ុនឯកជនប្រមាណ ១២ ផ្សេងគ្នា ដើម្បីប្រជុំពិភាក្សាដោះស្រាយលើបញ្ហានាំចេញផលិតផលបន្ទះសូឡាទៅទីផ្សារសហរដ្ឋអាមេរិកឱ្យមានភាពរលូន ដែលមានការចូលរួមពី លោក រដ្ឋ សារ៉ាវុធ រដ្ឋលេខាធិការក្រសួងពាណិជ្ជកម្ម ក៏ដូចជាថ្នាក់ដឹកនាំ ក្រុមប្រឹក្សាអភិវឌ្ឍន៍កម្ពុជា និងមន្ត្រីជំនាញជាច្រើនរូបផងដែរ។

លោក ស៊ុន ចាន់ថុល បានគូសបញ្ជាក់ថា ក្រោមកិច្ចសម្របសម្រួលរបស់ក្រុមប្រឹក្សាអភិវឌ្ឍន៍កម្ពុជា កិច្ចប្រជុំនេះគោលដៅដើម្បីពិនិត្យដោះស្រាយលើបញ្ហាប្រឈមរបស់វិស័យឯកជន និងដើរតួនាទីសំខាន់ក្នុងការថែទាំវិនិយោគ គាំទ្រធុរកិច្ច រួមបញ្ចូលទាំងការស្ដាប់អំពីកង្វល់ និងបញ្ហាប្រឈមនានារបស់វិស័យឯកជន ជំរុញកិច្ចសម្របសម្រួល និងដាក់ជូនដំណោះស្រាយទៅវិនិយោគិន៕