ព័ត៌មានជាតិ
ឃាត់ខ្លួនមេក្លោង និងក្រុមក្មេងប្រើថ្នាំគ្រវីជាង ១០ នាក់ នៅបាត់ដំបង
ក្រុមយុវវ័យប្រមាណជាង ១០ នាក់ រួមជាមួយមេក្លោងដែលជាអ្នកសម្របសម្រួល ផ្តល់ទីតាំងសម្រាប់ប្រើប្រាស់ថ្នាំញៀន និងថ្នាំគ្រវី ត្រូវបានកម្លាំងជំនាញចុះក្រសោបបានទាំងសំបុក ខណៈដែលពួកគេកំពុងសំងំប្រើប្រាស់នៅក្នុងបន្ទប់ខារ៉ាអូខេ មួយកន្លែង កណ្តាលក្រុងបាត់ដំបង ។
កិច្ចប្រតិបត្តិការដែលបានធ្វើឡើងរួមគ្នារវាងកម្លាំងជំនាញ នៃស្នងការដ្ឋាននគរបាលខេត្តបាត់ដំបង សហការ
ជាមួយកម្លាំងអធិការដ្ឋាន នគរបាលក្រុង កាលពីវេលាម៉ោង ៥ និង ៣៥ នាទី ទៀបភ្លឺ នាថ្ងៃទី ៧ ខែមីនា ឆ្នាំ ២០២១ ត្រង់ចំណុចទីតាំងខារ៉ាអូខេ មួយកន្លែង យីហោ The Voice ស្ថិតក្នុងភូមិនំក្រៀប សង្កាត់ព្រែកពរះស្តេច ក្រុងបាត់ដំបង ខេត្តបាត់ដំបង។
នៅក្នុងកិច្ចប្រតិបត្តិការនេះ សមត្ថកិច្ចបានឃាត់មេក្លោងម្នាក់ឈ្មោះ ស្រ៊ុន ឡាយ ភេទស្រី អាយុ៧៨ ឆ្នាំ រស់នៅក្នុងភូមិសង្កាត់ខាងលើ ដែលជាប់ពាក់ព័ន្ធនឹងករណី រក្សាទុក ចាត់ចែងអោយប្រើប្រាស់ សម្រួលអោយប្រើប្រាស់ និងប្រើប្រាស់ដោយខុសច្បាប់នូវសារធាតុញៀន រួមជាមួយនិងក្រុមយុវវ័យចំនួន ១៣ នាក់ បន្ថែមទៀត ដែលក្នុងនោះ មានក្មេងស្រីចំនួន ៤ នាក់ ដែលត្រូវបានអប់រំ និងធ្វើកិច្ចសន្យា ដោយសារតែក្មេងទាំងនោះមានវ័យជាអនីតិជន។
លោកវរសេនីយ៍ឯក សុខ និមល នាយការិយាល័យ ប្រឆាំងគ្រឿងញៀន នៃស្នងការដ្ឋាននគរបាលខេត្តបានបញ្ជាក់ថា នៅក្នុងកិច្ចប្រតិបត្តិការនោះដែរ សមត្ថកិច្ចបានដកហូតនូវវត្ថុតាងមួយចំនួនដូចជា ថ្នាំញៀនប្រភេទ ខេតាមីន ចំនួន ៣ កូនថង់ ថ្នាំញៀនប្រភេទ អុិចស្តាសុី ចំនួន ២ គ្រាប់ ទូរស័ព្ទដៃ ចំនួន ៣ គ្រឿងបន្ទះថ្នាំព៌ណក្រហម មានអក្សរ FER VIT ចំនួន ៦ គ្រាប់ ទូរទស្សន៍ចំនួន ៣ គ្រឿង អំភ្លី ចំនួន ៤ គ្រឿងប្រដាប់ស្រូបសម្លេង ចំនួន ២ គ្រឿង ភ្លើងវិល ៣ វេប ចំនួន ១ សម្ភារៈសម្រប់វេចខ្ចប់ និងសម្រាប់ប្រើប្រាស់
ថ្នាំញៀនមួយចំនួន។
បច្ចុប្បន្នមនុស្សចំនួន ១០ នាក់ ត្រូវបញ្ជូនខ្លួនទៅកាន់សាលាដំបូង ដោយឡែកក្មេងស្រីចំនួន ៤ នាក់ ដែលជាអនីតិជន ត្រូវបានអនុញ្ញាតិអោយវិលត្រឡប់ទៅលំនៅឋានវិញ បន្ទាប់ ពីមានអាណាព្យាបាលមកធានា និង
ធ្វើ កិច្ចសន្យារួចមក៕
អត្ថបទ៖សោ និយមរដ្ឋ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង