ព័ត៌មានជាតិ

មន្រ្តីជំនាញសាធារណការឆ្លើយតបបញ្ជាក់ ផ្លូវខូចបង្កើតចង្ហូររលកនៅរង្វង់មូលព្រះថោងនាងនាគ

បានផុស

៦ ខែ មុន

នៅ

ថ្ងៃអាទិត្យ ២៩ កញ្ញា ២០២៤

ដោយ

មន្រ្តីក្រសួងសាធារណការនិងដឹកជញ្ជូន បានបញ្ជាក់ក៏ដូចជាឆ្លើយតបពាក់ព័ន្ធកំណាត់ផ្លូវខូចពីរង្វង់មូលព្រះថោងនាងនាគទៅខ្មែរធ្វើបានបង្កើតជាចង្ហូរទឹករលក រហូតមានការផុសរិះគន់ពីមហាជនលើបណ្តាញសង្គម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខណៈកាលពីពេលថ្មីៗនេះ មានម្ចាស់អាខោន Facebook ឈ្មោះ “Reth Mony” បានផុសផ្សព្វផ្សាយករណីផ្លូវខូចនៅខេត្តព្រះសីហនុ ដោយរិះគន់មន្រ្តីពាក់ព័ន្ធលើការស្ថាបនាកំណាត់ផ្លូវគ្មានគុណភាព។

យ៉ាងណាមិញ មន្រ្តីអ្នកនាំពាក្យក្រសួងសាធារណការ និងដឹកជញ្ជូន លោក ផន រឹម បានបញ្ជាក់ជូនសាធារណជនថា រូបភាពដែលមហាជនបានផុសផ្សាយជារូបភាពចាស់។ លោកបញ្ជាក់បន្ថែមថា កំណាត់ផ្លូវដែលខូចក៏មិនមែនជាផ្លូវបំបែកពីផ្លូវជាតិលេខ ៤ ទៅរាមដែរ។ កំណាត់នេះគឺពីរង្វង់មូលព្រះថោងនាងនាគ ទៅខ្មែរធ្វើបាន។

ជាមួយការឆ្លើយតបអមដោយភ្ជាប់រូបភាពកំណាត់ផ្លូវថ្មីជួសជុលរួចហើយ លោក ផន រឹម បញ្ជាក់ថា កំណាត់ផ្លូវដែលខូចខាត ត្រូវបានក្រុមបច្ចេកទេសបានជួសជុលរួចរាល់ហើយ (ដូចរូប) និងបានដាក់ឲ្យប្រជាពលរដ្ឋធ្វើដំណើរជាប្រក្រតី៕