ព័ត៌មានជាតិ
បិទទីតាំងផ្ទះជួល១កន្លែងនៅក្រុងប៉ោយប៉ែត ក្រោយរកឃើញបុរសជនជាតិចិន និងស្រីស្នេហ៍មានវីរុសកូវីដ១៩
សមត្ថកិច្ចចំរុះបានចុះបិទទីតាំងផ្ទះជួល១កន្លែងគ្មានយីហោ នៅទល់មុខផ្ទះសំណាក់ណាវី ស្ថិតនៅក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ កាលពីថ្ងៃទី១០ ខែមីនា ឆ្នាំ២០២១ ជាបណ្តោះអាសន្នសិន បន្ទាប់ពីរកឃើញបុរសជនជាតិចិន និងស្រីស្នេហ៍មានវិជ្ជមានកូវីដ ១៩ ពាក់ព័ន្ធនឹងព្រឹត្តការណ៍សហគមន៍ ២០ កុម្ភៈ។
យោងតាមសមត្ថកិច្ច វិធានការចំពោះមុខគឺមន្ទីរសុខាភិបាល សហការនឹងអាជ្ញាធរមានសមត្ថកិច្ចបានហ៊ុមព័ទ្ធបិទទីតាំង ដែលមានអ្នកវិជ្ជមានជំងឺកូវីដ១៩បានមកស្នាក់នៅ ហើយកំពុងធ្វើការស្រាវជ្រាវរកអ្នកពាក់ព័ន្ធដើម្បីនាំមកត្រូតពិនិត្យ យកសំណាកវិភាគរកមេរោគកូវីដ១៩ ហើយបើវិជ្ជមាន ត្រូវនាំទៅពិនិត្យព្យាបាលជាបន្ទាន់ ។
បន្ទាប់មក សមត្ថកិច្ចបានឲ្យម្ចាស់ផ្ទះជួល និងអ្នកពាក់ព័ន្ធបិទបណ្តោះអាសន្ននូវទីតាំងនេះ បន្ទាប់ពីមានការសង្ស័យថា មានករណីឆ្លងវីរុសកូវីដ១៩ពីនារីជនជាតិខ្មែរម្នាក់មកពីខេត្តសៀមរាប ព្រោះនាងមានទំនាក់ទំនងស្នេហាជាមួយនឹងបុរសជនជាតិចិនម្នាក់ ដែលបានឆ្លងមេរោគកូវីដ១៩ ក្នុងព្រឹត្តិការណ៍សហគមន៍ ២០កុម្ភៈ នៅកោះពេជ្រ រាជធានីភ្នំពេញ ហើយបុរសជនជាតិចិននោះបានរត់គេចពីមណ្ឌលចត្តាឡីស័ក មកកាន់ខេត្តបន្ទាយមានជ័យ។
សមត្ថកិច្ចបានឲ្យដឹងបន្តទៀតថា នេះគ្រាន់តែជាករណីសង្ស័យ ហើយចុះស្រាវជ្រាវតាមការណែនាំរបស់ថ្នាក់លើតែប៉ុណ្ណោះ ព្រោះស្ត្រីជាដៃគូស្នេហានឹងបុរសចិនរូបនេះ រកឃើញវិជ្ជមានកូវីដនៅឯខេត្តសៀមរាបរួចហើយ។
បុរសជនជាតិចិនម្នាក់ដែលស្នាក់នៅជាន់ទី៤នៃផ្ទះជួលកើតហេតុខាងលើបានរៀបរាប់ថា នៅផ្ទះនោះមានចិន និងខ្មែរស្នាក់នៅជាង៣០នាក់ ដែលពួកគេសុទ្ធតែជាបុគ្គលិកនៃអាជីវកម្មអនឡាញកន្លងមកថ្មីៗនេះ។ បុរសចិនខាងលើក៏ចេញចូលធ្វើការចំណុចមួយនៃកាស៊ីណូ ហូលីដេ ផាលេស នៅជិតមាត់អូរព្រំដែន និងក្បែរច្រកទ្វារអន្តរជាតិប៉ោយប៉ែតផងដែរ ។
នៅចំពោះមុខ មន្ត្រីអាជ្ញាធរមានសមត្ថកិច្ច និងជំនាញ បាននឹងកំពុងចុះទៅទីនោះដើម្បីត្រួតពិនិត្យ និងប្រមូលយកអ្នកធ្វើការ ឬបានប្រាស្រ័យទាក់ទងជាមួយបុរសចិនខាងលើឲ្យយកសំណាកវិភាគ រកមេរោគកូវីដ ១៩ ដើម្បីបញ្ជូនសំណាក ទៅវិទ្យាស្ថានប៉ាស្ទ័រ ភ្នំពេញ ។
អត្ថបទ៖ វ៉ាន់ ណាង
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១១ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៨ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)