ព័ត៌មានជាតិ
កំពង់ផែទេសចរណ៍អន្តរជាតិខេត្តកំពត បើកទទួលភ្ញៀវទេសចរជាបណ្ដោះអាសន្ន
កាលពីរសៀលថ្ងៃទី ១២ ខែធ្នូ ឆ្នាំ ២០២៤ កន្លងមកនេះ ក្រុមហ៊ុនអភិវឌ្ឍន៍កំពង់ផែទេសចរណ៍អន្តរជាតិខេត្តកំពត (K.I.T.P DEVELOPMENT-CO,LTD) ដែលជាដៃគូវិនិយោគជាមួយរាជរដ្ឋាភិបាល បានចាប់ផ្ដើមបើកដំណើរការសាកល្បងសេវាកម្មរបស់ខ្លួនហើយ ដោយមានការចូលរួមពិនិត្យ និងវាយតម្លៃលើការរៀបចំពី លោក ហួត ហាក់ រដ្ឋមន្ត្រីក្រសួងទេសចរណ៍ និង លោក ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន។
កំពង់ផែទេសចរណ៍អន្តជាតិខេត្តកំពត បានចាប់ផ្ដើមបើកប្រតិបត្តិការបណ្ដោះអាសន្នសម្រាប់ទទួលភ្ញៀវទេសចរជាតិ និងភ្ញៀវទេសចរអន្តរជាតិ ធ្វើដំណើរតាមផ្លូវទឹក ដែល លោករដ្ឋមន្ត្រីក្រសួងទេសចរណ៍ និង លោករដ្ឋមន្ត្រីក្រសួងសាធារណការ បញ្ជាក់ឲ្យដឹងថា ការត្រៀមលក្ខណៈរបស់ក្រុមហ៊ុនបានរៀបរយល្អ នឹងស្នើសុំគោលការណ៍អញ្ជើញ សម្ដេចអធិបតី ដើម្បីមកសម្ពោធបើកជាផ្លូវការនាពេលឆាប់ៗ។
លោក ប៉េង ពោធិ៍នា បានមានប្រសាសន៍ថា កំពង់ផែទេសចរណ៍អន្តរជាតិខេត្តកំពត ជាការតភ្ជាប់ប្រព័ន្ធផ្លូវទឹកដ៏សំខាន់ ពីខេត្តព្រះសីហនុ ខេត្តកែប កោះត្រល់ប្រទេសវៀតណាម និងប្រទេសថៃ ដែលអាចឲ្យនាវាដឹកភ្ញៀវទេសចរចូលចតយ៉ាងងាយស្រួល។ ក្នុងដំណើរចុះពិនិត្យថ្ងៃនេះ ឃើញថា ក្រុមហ៊ុនបានរៀបចំឲ្យមានគ្រប់ជំនាញគ្រប់គ្រាន់ ដែលអាចធានាបាននូវសន្តិសុខ សុវត្ថិភាព និងភាពសប្បាយរីករាយជូនដល់អ្នកធ្វើដំណើរ។ ជាមួយនេះ លោក និងលោករដ្ឋមន្ត្រីក្រសួងទេសចរណ៍ នឹងស្នើសុំគោលការណ៍ទៅ សម្តេចធិបតី ហ៊ុន ម៉ាណែត ដើម្បីរៀបចំពិធីសម្ពោធបើកឲ្យដំណើរការជាផ្លូវការកំពង់ផែនេះក្នុងពេលឆាប់ៗ។
លោក ហួត ហាក់ បានបញ្ជាក់ថា សមិទ្ធផលកំពង់ផែទេសចរណ៍អន្តរជាតិ ជាផ្លែផ្កាមួយដែលបានដុះដាលនៅក្រោមដំបូល នៃសុខសន្តិភាព។ បើតាមការចុះពិនិត្យស្ថានភាព និងវឌ្ឍនភាព នៃការសាងសង់ និងរៀបចំកំពង់ផែ ឃើញថា ក្រុមហ៊ុនបានយកចិត្តទុកដាក់ និងរៀបចំបានល្អ ដែលអាចបើកទទួលភ្ញៀវជាបណ្ដោះអាសន្នបាន។
លោករដ្ឋមន្ត្រី បញ្ជាក់បន្ថែមថា កំពង់ផែនេះ នឹងជំរុញដល់លំហូរភ្ញៀវទេសចរជាតិ និងអន្តរជាតិ មកកាន់ខេត្តកំពត ក៏ដូចជាកម្ពុជា តាមផ្លូវទឹកច្រើនបន្ថែមទៀត ពិសេសទាក់ទាញគ្រុបធួរធំៗ ពីបណ្តាប្រទេសក្នុងតំបន់ ជាពិសេស វៀតណាម និងថៃ។
តំណាងក្រុមហ៊ុន អេហ្សិតគ្រុប មានប្រសាសន៍ថា ឆ្លងកាត់ការខិតខំយ៉ាងខ្លាំងរបស់ក្រុមការងាររបស់លោកជាងបួនប្រាំខែ ទើបអាចរៀបចំការបើកដំណើរការប្រតិបត្តិការបណ្ដោះអាសន្ននាពេលនេះ ក្នុងគោលបំណងលើកកម្ពស់វិស័យទេសចរណ៍កម្ពុជា ពិសេសបើកទំព័រប្រវត្តិសាស្ត្រថ្មី នៃការតភ្ជាប់វិស័យទេសចរណ៍កម្ពុជា ជាមួយប្រទេសដទៃ តាមប្រព័ន្ធផ្លូវទឹក។
នាឱកាសនោះដែរ លោក ប៉េង ពោធិ៍នា បានទទួលស្វាគមន៍ទេសចរចម្រុះជាតិសាសន៍ប្រមាណជាង ១០០ នាក់ ដែលជាភ្ញៀវបន្តដំណើរពីកោះត្រល់ ប្រទេសវៀតណាម មកកាន់កំពង់ផែទេសចរណ៍អន្តរជាតិខេត្តកំពត ជើងដំបូង ហើយបន្តទៅកាន់កោះរ៉ុង ខេត្តព្រះសីហនុ។
គួរជម្រាបថា កំពង់ផែទេសចរណ៍អន្តរជាតិខេត្តកំពត សាងសង់លើផ្ទៃដី ៤ ហិតា ស្ថិតក្នុងភូមិជុំក្រៀល ឃុំជុំក្រៀល ស្រុកទឹកឈូ ចាប់ផ្ដើមសាងសង់នៅខែសីហា ឆ្នាំ ២០១៨ កន្លងទៅ និងសម្រេចរួចរាល់នាចុងឆ្នាំ ២០២២ ដោយប្រើប្រាស់ថវិកាជាង ១១ លានដុល្លារ ក្រោមគម្រោងហិរញ្ញប្បទានរបស់ធនាគារអភិវឌ្ឍន៍អាស៊ី៕
អត្ថបទ ៖ សឹង រ៉ាត់
អ្នកមានវិជ្ជាជីវៈសុខាភិបាល មិនត្រឹមតែមានចំណេះជំនាញ ត្រូវមានគុណធម៌ មេត្តានិងករុណា
មុខរបរច្នៃស្បែកក្រពើ ផលិតកាបូប និងស្បែកជើង នៅតែមានទីផ្សារល្អ
ក្នុងពេល២០ឆ្នាំដែលសន្លប់ ព្រះអង្គម្ចាស់អារ៉ាប៊ី សាអូឌីត ទទួលការព្យាបាលអ្វីខ្លះទើបអាចរក្សាព្រះជន្មបាន?
មន្ត្រីជាន់ខ្ពស់ក្រសួងការងារ អំពាវនាវឲ្យពលរដ្ឋបន្តស្មារតីជាតិនិយម ដើម្បីបង្ហាញពីទឹកចិត្តមោះមុតក្នុងការទប់ស្កាត់រាល់សកម្មភាពឈ្លានពានរបស់សត្រូវ
រដ្ឋបាលខេត្តតាកែវ ចាប់ផ្តើមផ្តល់ពាក្យ និងទទួលពាក្យស្នើសុំប្រឡងចូលក្របខ័ណ្ឌមន្រ្តីពន្ធនាគារ
មេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
ក្នុងពេល២០ឆ្នាំដែលសន្លប់ ព្រះអង្គម្ចាស់អារ៉ាប៊ី សាអូឌីត ទទួលការព្យាបាលអ្វីខ្លះទើបអាចរក្សាព្រះជន្មបាន?
ហួសចិត្ត! ថៃ រកឃើញមីនថ្មីថែមទៀតលើដីខ្លួនឯង តែបែរជាស្នើឲ្យអាស៊ានមកថ្កោលទោសកម្ពុជា ទៅវិញ
លិខិតមិត្តអ្នកអាន៖ ការនាំយកសំណុំរឿងទាហានថៃជាន់មីននៅតំបន់មុំ៣ទៅប្តឹងអង្គការ សហប្រជាជាតិគឺជាឱកាសមាសសម្រាប់កម្ពុជា
អ្នកស្លាប់ព្រោះភ្លៀងធ្លាក់ខ្លាំង៥ថ្ងៃជាប់គ្នានៅកូរ៉េខាងត្បូង កើនដល់ ១៤នាក់ និងបាត់ខ្លួន ១២នាក់
-
ព័ត៌មានអន្ដរជាតិ១ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានជាតិ២ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
បច្ចេកវិទ្យា៥ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១ សប្តាហ៍ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ១ សប្តាហ៍ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ១១ ម៉ោង agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
ព័ត៌មានអន្ដរជាតិ៥ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានអន្ដរជាតិ១ សប្តាហ៍ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ