ថ្នាក់ដឹកនាំបុគ្គលិកគ្រួសារហង្សមាសចូលរួមរំលែកទុក្ខគ្រួសារ​សពម្តាយ វី ឌីណែត

ថ្នាក់ដឹកនាំបុគ្គលិកគ្រួសារហង្សមាសចូលរួមរំលែកទុក្ខគ្រួសារសពម្តាយ វី ឌីណែត បានផ្ញើសារចូលរួមរំលែកទុក្ខយ៉ាងក្រៀមក្រំចំពោះ គ្រួសារលោក ហួរ ឡាវី និងតារាចម្រៀងប្រចាំផលិតកម្មហង្សមាស កញ្ញា វី ឌីណែត ដែលម្តាយរបស់តាមរាចម្រៀងរូបនេះ បានទទួលមរណភាពនៅថ្ងៃសុក្រនេះ បន្ទាប់ពីឆ្លងជំងឺីវីដ១៩។

ខ្លឹមសារទាំងស្រុងដែលផ្សព្វផ្សាយដោយ ផលិតកម្មរស្មីហង្សមាសលើកឡើងថា “យើងខ្ញុំទាំងអស់គ្នាជា ថ្នាក់ដឹកនាំ​ តារាចម្រៀង ព្រមទាំងបុគ្គលិក នៃគ្រួសារ ហង្សមាស សូមចូលរួមរំលែកទុក្ខយ៉ាងក្រៀមក្រំចំពោះ លោកគ្រូ ហួរ ឡាវី និង តារាចម្រៀងកញ្ញា វី ឌីណែត ព្រមទាំង ក្រុមគ្រួសារ ដែលអ្នកម្តាយជាទីស្រលាញ់បានទទួលមរណៈភាព​ នៅថ្ងៃ សុក្រ ទី ១៩ មីនា ឆ្នាំ ២០២១” សូមវិញ្ញាណក្ខន្ធលោកស្រី ទៅកាន់ សុគតិភព។

ម្តាយរបស់កញ្ញា វី ឌីណែត តារាចម្រៀងហង្សមាស និងជាប្រពន្ធរបស់តាមរាចម្រៀងចាស់វស្សា លោក ហួឡាវី អ្នក ស្រី ងួន សុផាន្នី អាយុ ៦៥ ឆ្នាំបានឆ្លងជំងឺកូវីដ១៩ បន្ទាប់ពីរកឃើញវិជ្ជមានលើកូនស្រី វី ឌីណែត​កាលពីថ្ងៃទី ១០ ខែមីនា។ អ្នកស្រីត្រូវបានបញ្ជូនទៅសង្គ្រោះបន្ទាន់ នៅថ្ងៃទី ១៧ ខែមីនា នៅមន្ទីរពេទ្យរុស្ស៊ី។

ក្រសួង​សុខាភិបា​ល​ប្រកាសព័ត៌មាន​នៅមុននេះថា ស្រ្តីម្នាក់អាយុ ៦២ ឆ្នាំ​​ ដែលគេដឹងថាជាម្តាយរបស់កញ្ញា វី ឌីណែតពិតជាបាន​ស្លាប់ ដោយសារជំងឺ​កូវីដ១៩ ប្រាកដ​មែ​ន វេលាម៉ោង​១១៖៤៥នាទី​ នៅ​មន្ទីរពេទ្យ​មិត្តភាពខ្មែរ សូវៀត។ដោយសារ​ជំងឺកូវីដ១៩ បាន​វាយលុក ធ្វើឱ្យរលាក​សួតខ្លាំង​ និងស្ទះសរសៃឈាមបេះដូង។

ស្រ្តីរូបនេះបាន​​មកសម្រាកព្យាបាល​នៅមន្ទីរពេទ្យ​កាលពីថ្ងៃទី១០ ខែមីនា ឆ្នាំ២០២១ បន្ទាប់ពីបា​នតេស្តលទ្ធផលវីជ្ជមាន​​កូវីដ១៩ នៅវិទ្យាស្ថាន​ប៉ាស្ទ័រនៅថ្ងៃដដែល​។

ក្នុងសេចក្តីប្រកាសព័ត៌មាន​មិនបា​នបញ្ជាក់អត្តសញ្ញាណអ្នក​ស្លាប់ទេ ប៉ុន្តែ​គេដឹងថា ស្រ្តីខាងលើនេះគឺជាម្តាយរបស់​កញ្ញា វី ឌីណែត តារាចម្រៀង​ប្រចាំផលិតកម្មហង្សមាស និងត្រូវជាភរិយាលោក​គ្រូ ហួរ ឡាវី៕