ព័ត៌មានជាតិ
ប៉ុស្តិ៍នគរបាលសង្កាត់គោកឃ្លាង ចុះណែនាំពលរដ្ឋនៅតំបន់ផ្លូវរថភ្លើង ឱ្យយល់ដឹងពីផលប៉ះពាល់ នៃគ្រឿងញៀន និងការបង្កសំឡេងរំខានអ្នកជិតខាង
កាលពីព្រឹកថ្ងៃទី ២១ ខែកុម្ភៈ ឆ្នាំ ២០២៥ កម្លាំងនគរបាលប៉ុស្តិ៍រដ្ឋបាលសង្កាត់គោកឃ្លាង បានដឹកនាំកម្លាំងចុះត្រួតពិនិត្យរដ្ឋបាល និងផ្សព្វផ្សាយគោលនយោបាយភូមិ-សង្កាត់មានសុវត្ថិភាព និងផលប៉ះពាល់ នៃគ្រឿងញៀន ណែនាំពីការចាក់ធុងបាសនៅពេលយប់ ដែលធ្វើឱ្យមានសំឡេងរំខានដល់អ្នកជិតខាង ស្ថិតនៅភូមិដីថ្មី សង្កាត់គោកឃ្លាង ខណ្ឌសែនសុខ រាជធានីភ្នំពេញ។
លោកអនុសេនីយ៍ឯក ង៉ាត់ សុភា នាយប៉ុស្តិ៍គោកឃ្លាង បានប្រាប់កម្ពុជាថ្មីថា ដោយបានការអនុញ្ញាតពី លោកវរសេនីយ៍ឯក ហួរ ម៉េងវ៉ាង អធិការនគរបាលខណ្ឌសែនសុខ បានចាត់តាំងកម្លាំងចុះត្រួតពិនិត្យរដ្ឋបាលក្នុងមូលដ្ឋានបានចំនួន ១ ទីតាំង ស្ថិតនៅភូមិដីថ្មី តំបន់ផ្លូវរថភ្លើង ដោយមានការចូលរួមពីលោកអធិការរង កម្លាំងសណ្ដាប់ធ្នាប់សង្កាត់-ភូមិ សរុប ១៥ នាក់ ដើម្បីត្រួតពិនិត្យតាមបន្ទប់ជួល និងបានផ្សព្វផ្សាយគោលនយោបាយភូមិ-សង្កាត់មានសុវត្ថិភាព និងផលប៉ះពាល់ នៃគ្រឿងញៀន ជាមួយគ្នា កម្លាំងក៏បានណែនាំពីការចាក់ធុងបាសនៅពេលយប់ ដែលធ្វើឱ្យមានសំឡេងរំខានដល់អ្នកជិតខាងផងដែរ។
លោកអនុសេនីយ៍ឯក ង៉ាត់ សុភា បានបញ្ជាក់ថា ដោយតំបន់នោះជាសំណង់មិនរៀបរយ និងមាន ក្រុមប្រើប្រាស់ចែកចាយគ្រឿងញៀន ដូច្នេះកម្លាំងបានចុះផ្សព្វផ្សាយបន្ថែមដោយបានចែក និងបិតនាមប័ណ្ណ ដើម្បីប្រជាពលរដ្ឋនៅតំបន់នោះចូលរួមសហការរាយការណ៍មកកាន់អាជ្ញាធរមានសមត្ថកិច្ច ទប់ស្កាត់រាល់បញ្ហាបទល្មើសអសន្តិសុខ ដែលបានកើតឡើងទាន់ពេលវេលា។
លោកបានប្រកាសថា ប្រសិនបើពលរដ្ឋមានចម្ងល់ ឬ មានបញ្ហាផ្សេងៗ ក្នុងមូលដ្ឋានសង្កាត់គោកឃ្លាង សូមទំនាក់ទំនងតាមរយៈទូរស័ព្ទលេខ (នាយប៉ុស្តិ៍) ០៨៩ ៧៧ ៨៨ ៦២ – ០៧១ ៣៣៣ ៦៦៦៩ / (នាយរង) ០៨៩ ៣៥៤ ៦៦១។
ជាមួយនេះ លោកអនុសេនីយ៍ឯក ង៉ាត់ សុភា បានសំណូមពរឱ្យប្រជាពលរដ្ឋជៀសឱ្យឆ្ងាយពីគ្រឿងញៀន ចូលរួមទប់ស្កាត់បទល្មើសនានា និងសូមរាយការណ៍មកកាន់អាជ្ញាធរមានសមត្ថកិច្ច សមត្ថកិច្ចនឹងលាក់ការសម្ងាត់ជូនមិនឱ្យអ្នកដែលបានរាយការណ៍នោះជួបបញ្ហាអ្វីនោះទេ៕
អត្ថបទ ៖ សំណាង
-
ព័ត៌មានអន្ដរជាតិ១៣ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ