ព័ត៌មានជាតិ
មន្ត្រីជាន់ខ្ពស់ក្រសួងសាធារណការ ប្រាប់ក្រុមការងារស្ថានីយជញ្ជីងអចល័ត ត្រូវអនុវត្តតួនាទីពិនិត្យយានយន្តដឹកជញ្ជូនលើសទម្ងន់ឱ្យបានម៉ឺងម៉ាត់
រដ្ឋលេខាធិការក្រសួងសាធារណការ និងដឹកជញ្ជូន បានប្រាប់ដល់សមាសភាពក្រុមការងារស្ថានីយជញ្ជីងអចល័ត បឹងឃុនឆាង ត្រូវតែអនុវត្តតួនាទីភារកិច្ចត្រួតពិនិត្យយានយន្តដឹកជញ្ជូនលើសទម្ងន់ឱ្យបានម៉ឺងម៉ាត់បំផុត។
លោក សេង ឈួន រដ្ឋលេខាធិការក្រសួងសាធារណការ និងដឹកជញ្ជូន បានផ្តល់ការណែនាំដល់មន្ត្រីទាំងអស់ដែលត្រូវប្រចាំការនៅស្ថានីយជញ្ជីងអចល័តថ្មីថា ស្របតាមច្បាប់ស្ដីពីផ្លូវថ្នល់ មាត្រា ២៦ និងមាត្រា ៦០ និងលិខិតបទដ្ឋានគតិយុត្តិជាធរមាន ត្រូវគោរពវិន័យបទបញ្ជាផ្ទៃក្នុង មានសាមគ្គីភាព និងកិច្ចសហការគ្នាឱ្យបានល្អ ដើម្បីធ្វើយ៉ាងណាឱ្យការអនុវត្តការងារទទួលបាននូវប្រសិទ្ធភាព។
មន្ត្រីជាន់ខ្ពស់ក្រសួងសាធារណការ ដដែល លោកដាក់ផែនការដល់ក្រុមការងារមន្ត្រីជំនាញប្រចាំការ ត្រូវខិតខំអនុវត្តតួនាទីភារកិច្ចត្រួតពិនិត្យយានយន្តដឹកជញ្ជូនលើសទម្ងន់ឱ្យបានត្រឹមត្រូវ និងម៉ឺងម៉ាត់។ បើតាមខ្លឹមសារប្រកាសសមាសភាពក្រុមការងារស្ថានីយជញ្ជីងអចល័ត ដែលមានប្រធាន អនុប្រធាន និងសមាជិកចំនួន ១១ រូប កាលពីម្សិលមិញ។
លោក សេង ឈួន គូសបញ្ជាក់ថា ការបង្កើតស្ថានីយជញ្ជីងអចល័តនេះ ក្នុងគោលបំណងដើម្បីទប់ស្កាត់ការដឹកជញ្ជូនលើសទម្ងន់កំណត់តាមតម្រាយផ្លូវជាតិលេខ ១០ ក្នុងភូមិសាស្ត្រខេត្តកោះកុង ក្នុងគោលបំណងថែរក្សាគុណភាព នៃការប្រើប្រាស់ផ្លូវបានយូរអង្វែង។ ករណីរថយន្តដែលដឹកលើសទម្ងន់កំណត់ នឹងរងការអនុវត្តច្បាប់ជាធរមានដោយគ្មានការលើកលែង។
លោក អន ដាវុធ ប្រធានមន្ទីរសាធារណការ និងដឹកជញ្ជូនខេត្តកោះកុង បានប្រាប់កម្ពុជាថ្មីឲ្យដឹងនៅរសៀលថ្ងៃទី ២១ ឧសភា នេះថា សព្វថ្ងៃនេះ ស្ថានីយជញ្ជីងអចល័ត បឹងឃុនឆាង សម្រេចបានប្រមាណ ៩០ ភាគរយ ហើយក្រុមការងារជំនាញ នឹងផ្តើមការងារតាមដានរថយន្តដឹកជញ្ជូនលើសកំណត់ជាបណ្តើរៗ បានហើយ។
លោក អន ដាវុធ បានបន្តថា នៅសេសសល់តែដំឡើងគ្រឿងបរិក្ខារសម្ភារៈបច្ចេកទេសមួយចំនួនបន្ថែមទៀតតែប៉ុណ្ណោះ គឺអ្វីៗ នឹងដំណើរការជាផ្លូវការហើយនាពេលខាងមុខឆាប់ៗ នេះ។ ក្រៅពីស្ថានីយជញ្ជីងថ្លឹងរថយន្ត បឹងឃុងឆាង ក្រុងខេមរភូមិន្ទ តាមបណ្តោយផ្លូវជាតិលេខ ១០ ត្រង់ គ.មលេខ ១៩៥+៩៨០ ក្រសួងសាធារណការ ក៏កំពុងរៀបចំស្ថានីយជញ្ជីងអចល័តមួយកន្លែងទៀតដែរ នៅតាមបណ្ដោយផ្លូវជាតិលេខ ៤៨ ត្រង់ចំណុចឃុំបឹងព្រាវ ស្រុកស្រែអំបិល៕
អត្ថបទ ៖ សិរីវឌ្ឍនៈ
មន្ត្រីជាន់ខ្ពស់ក្រសួងសាធារណការ ប្រាប់ក្រុមការងារស្ថានីយជញ្ជីងអចល័ត ត្រូវអនុវត្តតួនាទីពិនិត្យយានយន្តដឹកជញ្ជូនលើសទម្ងន់ឱ្យបានម៉ឺងម៉ាត់
លេចឮថា អ្នកច្នៃម៉ូដម្នាក់ជាអ្នកគាំទ្រ សាន់ឆាយ បានបដិសេធរចនាឈុតរៀបការឲ្យភរិយាក្រោយ របស់ Wang Xiaofei
ចៅអធិការវត្ត ព្រះឥន្ទសិរីវង្សតាត វិបុល៖ ចង់ឱ្យវត្តវាំងចាស់អាយុកាល១៧១ឆ្នាំ ក្លាយជាអារាមទេសចរណ៍ប្រវត្តិសាស្ត្រ
កត្តាគន្លឹះ៥យ៉ាង ដែល Lisa អាចនាំទុរេន និងផ្លែឈើថៃឱ្យល្បីលើទីផ្សារពិភពលោក
ពិភពលោកបាត់បង់ព្រៃឈើច្រើនបំផុតក្នុងឆ្នាំ ២០២៤ ដោយសារភ្លើងឆេះនិងវិបត្តិអាកាសធាតុ
Update៖ ក្មេងស្រីដែលប្រទះឃើញស្លាប់ក្នុងបន្ទប់ទឹកសាលារៀន មានស្រុកកំណើតនៅស្រុកពញាឮ ខេត្តកណ្តាល
ឆេះផ្ទះ៨ខ្នង និងតូបជួលផ្សារពាក់ស្បែក១៦តូប ខូចខាតអស់ទាំងស្រុង
បឋម៖ សង្ស័យករណីរំលោភសម្លាប់ ក្មេងស្រីវ័យ១៥ម្នាក់ត្រូវគេប្រទះឃើញស្លាប់ទាំងអាក្រាតកាយក្នុងបន្ទប់ទឹកសាលារៀន
ត្រាំ ប្រកាសគម្រោងផលិត ខែលការពារមីស៊ីល «Golden Dome» អស្ចារ្យបំផុតលើលោក
តួលេខចុងក្រោយ មីយ៉ាន់ម៉ាមានអ្នកស្លាប់៣៧២៨នាក់ និងបាត់ខ្លួន៧៩នាក់ ខណៈការរុករកនៅបន្ត
-
ចរាចរណ៍៤ ថ្ងៃ agoស្នងការខេត្តប៉ៃលិន បំភ្លឺជុំវិញករណីគ្រោះថ្នាក់ចរាចណ៍បណ្តាលឱ្យស្លាប់ភាគីជិះម៉ូតូ
-
សន្តិសុខសង្គម២ ថ្ងៃ agoស្នងការរាជធានី ប្រកាសតែងតាំងលោកវរសេនីយ៍ទោ ប៉ាង សាវឿន ឲ្យគ្រប់គ្រងការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ
-
ចរាចរណ៍៦ ថ្ងៃ agoUpdate៖ អ្នកបង្កគ្រោះថ្នាក់បុករះនៅមុខក្រសួងមហាផ្ទៃ ជានាយការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុ នៃស្នងការដ្ឋាននគរបាលរាជធានីភ្នំពេញ
-
ចរាចរណ៍៦ ថ្ងៃ agoUpdate៖ អ្នកបើករថយន្ដបុករះនៅមុខក្រសួងមហាផ្ទៃ ស្ថិតក្រោមជាតិអាល់កុល 0,35mg/L
-
សន្តិសុខសង្គម១ សប្តាហ៍ agoឃាត់ខ្លួនប្រធានផ្សារទួលពង្រ និងបក្ខពួក ពាក់ព័ន្ធករណីដើរយកភាស៊ីពីអាជីវករលក់ដូរតាមរ៉ឺម៉កម៉ូតូ
-
ព័ត៌មានជាតិ១ ថ្ងៃ agoអតីតភិក្ខុសង្ឃល្បីឈ្មោះ៥រូប កំពុងកាន់តំណែងជាន់ខ្ពស់ក្នុងស្ថាប័នរដ្ឋ
-
ព័ត៌មានជាតិ៣ ថ្ងៃ agoមន្ត្រីសុខាភិបាល អំពាវនាវឱ្យពលរដ្ឋចាក់វ៉ាក់សាំង Pfizer ដើម្បីការពារវីរុសបំប្លែងថ្មី JN.1
-
កីឡា៥ ថ្ងៃ agoលោក អេ ភូថង ប្រាប់ថា មិនដឹងរឿងផ្ទាល់ខ្លួនរបស់ ធឿន ធារ៉ា ខណៈបែកធ្លាយវីដេអូជក់បារីអេឡិចត្រូនិក