ព័ត៌មានជាតិ

លោក ឡៅ ស៊ីណាត អរគុណចំពោះអ្នកគាំទ្រ កីឡាមានឈ្នះមានចាញ់សំខាន់ធ្វើឲ្យអស់ពីសមត្ថភាព

បានផុស

១ year មុន

នៅ

ថ្ងៃព្រហស្បតិ៍ ២៩ ឧសភា ២០២៥

ដោយ

អតីតជើងខ្លាំងត្រកូល ឡៅ គឺលោក ឡៅ ស៊ីណាត អរគុណជាខ្លាំងចំពោះអ្នកគាំទ្រដែលស្រឡាញ់ និងចូលចិត្តនាពេលកន្លងមកលោកនឹងខំប្រឹងប្រែងបង្វឹកប្អូនៗទាំងពីរឲ្យបានល្អដើម្បីដណ្ដើមជ័យជម្នះជូនប្រទេសកម្ពុជានៅថ្ងៃទី១ ខែមិថុនា ឆ្នាំ២០២៥។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឡៅ ស៊ីណាត

លោក ឡៅ ស៊ីណា បានឲ្យដឹងថា លោកមានទឹកចិត្តរីករាយជាខ្លាំងពិសេសការប្រកួតមួយនេះដែលមានវត្តមានប្អូនប្រុសទាំងពីរនាក់បានរួមគ្នាផ្សព្វផ្សាយគុនខ្មែរនៅសហរដ្ឋអាមេរិក។ លោកនឹងព្យាយាមខំប្រឹងឲ្យខ្លាំងបំផុតដើម្បីជួយឲ្យប្អូនប្រុសទាំងពីររួប និងក្រុមគុនខ្មែរទាំងអស់ប្រកួតយកជ័យជម្នះ។

រូបភាពផេកគ្រុឌ

អតីតអ្នកប្រដាល់ល្បីឈ្មោះរូបនេះបន្ថែមទៀតថា អរគុណចំពោះការស្រឡាញ់ និងគាំទ្រ យ៉ាងណាកីឡាតែងមានចាញ់ និងឈ្នះ។ លើកនេះលទ្ធផលយ៉ាងណាលោកនឹងខំប្រឹងបង្ហាត់ប្អូនៗឲ្យអស់ពីសមត្ថភាព ដូច្នេះសូមបន្តគាំទ្រក្រុមគុនខ្មែរមកសហរដ្ឋអាមេរិកនេះទាំងអស់គ្នា។

រូបភាពផេកគ្រុឌ

បញ្ជាក់ដែរថា ក្រុមគុនខ្មែរបច្ចុប្បន្ននេះកំពុងនៅឯសហរដ្ឋអាមេរិកហើយ និងកំពុងហ្វឹកហាត់ សម្រក់ទម្ងន់យ៉ាងសកម្មដើម្បីត្រៀមការប្រកួតនៅថ្ងៃទី១ ខែមិថុនា ឆ្នាំ២០២៥ ខាងមុខនេះ។ កីឡាករដែលនឹងត្រូវប្រកួតលើកនេះរួមមាន ឡៅ ចន្ទ្រា ឡៅ ចិត្រា លន បញ្ញា ពេជ្រ សម្បត្តិ និង អេ យ៉ានុត៕