ព័ត៌មានជាតិ
ក្លិបអ្នកកាសែតកម្ពុជានិងថៃអំពាវនាវឱ្យប្រុងប្រយ័ត្នព័ត៌មានដែលគ្មានប្រភពច្បាស់លាស់
ក្លិបអ្នកកាសែតកម្ពុជា(ក.អ.ក) និងសមាគមអ្នកកាសែតថៃ(ស.អ.ថ) អំពាវនាវដល់ប្រព័ន្ធផ្សព្វផ្សាយ និងអ្នកប្រើប្រាស់បណ្ដាញសង្គមឱ្យមានការប្រុងប្រយ័ត្ននូវព័ត៌មានមិនពិត និងគ្មានប្រភពច្បាស់លាស់ទាក់ទងនឹងស្ថានភាពព្រំដែនប្រទេសកម្ពុជា-ថៃ ជៀសវាងបង្កើតឱ្យមានភាពចម្រូងចម្រាសកាន់តែធំ។
ក្នុងសេចក្ដីថ្លែងការណ៍រួមថ្ងៃទី២៨ ខែឧសភា ឆ្នាំ២០២៥ ក្លិបអ្នកកាសែតកម្ពុជា និងសមាគមអ្នកកាសែតថៃ បានបង្ហាញការព្រួយបារម្ភពីឥទ្ធិពលប្រព័ន្ធផ្សព្វផ្សាយ និងបណ្ដាញសង្គមទៅលើស្ថានភាពព្រំដែនដែលកំពុងចំរូងចម្រាស់គ្នារវាងកម្ពុជា និងថៃ។ ក្នុងនោះសមាគមទាំងពីបានអំពាវនាវដល់ប្រព័ន្ធផ្សព្វផ្សាយមិនគួរផ្សាយព័ត៌មានដែលគ្មានប្រភពច្បាស់លាស់ ឬព័ត៌មានមិនពិត ហើយអ្នកប្រើប្រាស់បណ្ដាញសង្គមក៏គួរពិចារណាពីផលវិបាកដែលអាចកើតមានដោយសារការចែករំលែកព័ត៌មានទាក់ទងនឹងស្ថានភាពព្រំដែនផងដែរ។
ក្នុងសេចក្ដីថ្លែងការណ៍នោះបានសរសេរថា៖ «ក.អ.ក និងស.អ.ថ មានការព្រួយបារម្ភអំពីការបន្តផ្សព្វផ្សាយដែលអាចនឹងជំរុញឱ្យកើតភាពចម្រូងចម្រាសផ្នែកព័ត៌មានកាន់តែធំរវាងប្រទេសទាំងពីរ»។
ស្ថាប័នទាំងពីរនេះបានបង្ហាញក្ដីសង្ឃឹមថាបញ្ហាមួយចំនួនដែលកំពុងកើតឡើងមាននៅតាមបន្ទាត់ព្រំដែននឹងត្រូវបានដោះស្រាយដោយសន្ដិវិធីរវាងរាជរដ្ឋាភិបាលកម្ពុជា-ថៃ ដើម្បីទប់ស្កាត់ការបង្កផលប៉ះពាល់ដល់ទំនាក់ទំនងរវាងប្រជាជននិងប្រទេស។
គួរឱ្យដឹងផងដែរថា ទាហានថៃបានឆ្មក់ចូលបាញ់ប្រហារលើទាហានខ្មែរនៅតំបន់មុំបី ស្រុកជាំក្សាន្ត ខេត្តព្រះវិហារ ព្រឹកថ្ងៃទី២៨ ខែឧសភា បង្កឱ្យមានប្រតិកម្មជាខ្លាំងពីពលរដ្ឋខ្មែរ។ ជាការឆ្លើយតបរដ្ឋាភិបាលបានបញ្ជូនទ័ពទៅព្រំដែនដើម្បីត្រៀមឆ្លើយតបនឹងករណីនេះផងដែរ៕
អត្ថបទដោយ ហ៊ុន សិរីវឌ្ឍន៍
-
ព័ត៌មានអន្ដរជាតិ១៤ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ