ព័ត៌មានជាតិ
ប្រធានរដ្ឋសភាថា វាជារឿងអកុសលដែលមានអ្នកជិតខាងមានចរិតឈ្លានពានដូចជាសៀម
ប្រធានរដ្ឋសភា សម្ដេចសភាធិបតី ឃួន សុដារី បានលើកឡើងថាទោះបីកម្ពុជាប្រាថ្នាធ្វើមិត្តជាមួយអ្នកជិតខាងទាំងអស់ តែថៃមិនគិតដូចកម្ពុជាទេ។ តាំងពីដើមរៀងមកថៃតែងតែចង់បានទឹកដីកម្ពុជាមិនចេះចប់។
ថ្លែងក្នុងពេលដឹកនាំសមាជិករដ្ឋសភា និងថ្នាក់ដឹកនាំអគ្គលេខាធិការដ្ឋានរដ្ឋសភា ចុះសួរសុខទុក្ខនិងនាំយកអំណោយចែកជូនកងទ័ពដែលកំពុងឈរជើងនៅតាមបន្ទាត់ព្រំដែនក្នុងខេត្តព្រះវិហារ នៅព្រឹកថ្ងៃសុក្រទី៤ ខែកក្កដា ឆ្នាំ២០២៥នេះ សម្ដេចសភាធិបតី ឃួន សុដារី បានថ្លែងអំណរគុណចំពោះកងទ័ព និងកងកម្លាំងប្រដាប់អាវុធដែលបានពលិកម្ម និងមានស្មារតីមោះមុត ក្នុងបេសកកម្មការពារព្រំដែន ជាខឿនឯករាជ្យជាតិ បូរណភាពទឹកដី និងមាតុភូមិ។ សម្ដេចថាកម្ពុជាប្រាថ្នាធ្វើមិត្ត តែថៃប្រាថ្នាទឹកដី។
ទូរទស្សន៍ជាតិកម្ពុជាបានដកស្រង់ប្រសាសន៍របស់សម្ដេចមកចុះផ្សាយថា៖ «ជាអកុសល ដែលយើងមានអ្នកជិតខាងដូចជាសៀម មានចិត្តមិនស្មោះចិញ្ចឹមចិត្តឈ្លានពាន រំលោភបំពានទឹកដីរបស់យើងជានិច្ច»។
សម្ដេចបានលើកឡើងថាក្រោមការដឹកនាំរបស់រដ្ឋាភិបាលនឹងមិនបាត់បង់ទឹកដីមួយមីលីម៉ែត្រណាមួយឡើយ ហើយពួកឈ្លានពាននឹងមិនទទួលជោគជ័យនោះទេ ថែមទាំងរងនូវការអាម៉ាស់ដូចកាលពីឆ្នាំ២០០៨ និង២០១១។
សម្ដេចប្រធានសភាថារដ្ឋាភិបាលបានសម្រេចយកករណីប្រាសាទតាមាន់ធំ តាមាន់តូច តាក្របី និងតំបន់មុំបីទៅកាន់តុលាការយុត្តិធម៌អន្តរជាតិគឺជារឿងត្រឹមត្រូវ និងសន្ដិវិធី បញ្ជៀសសង្គ្រាមទៅថ្ងៃអនាគត។
សម្ដេចបន្ថែមថា៖ «កម្ពុជាមិនចង់បានអ្វី ក្រៅតែយុត្តិធម៌ ភាពត្រឹមត្រូវ និងច្បាស់លាស់មួយ ក្នុងការកំណត់ខ្សែព្រំដែនជាមួយប្រទេសជិតខាង ដើម្បីកុំអោយកូនចៅជំនាន់ក្រោយនៅបន្តមានបញ្ហាមិនចេះចប់ជាមួយគ្នា ជាពិសេស ការកសាងខ្សែបន្ទាត់ព្រំដែន ជាព្រំដែនសន្តិភាព មិត្តភាព កិច្ចសហប្រតិបត្តិការ និងការអភិវឌ្ឍ»។
ជម្លោះព្រំដែនកម្ពុជា-ថៃបានកើតឡើងក្ដៅបំផុតបន្ទាប់ពីថៃបានឆ្មក់ចូលដីខ្មែរបាញ់សម្លាប់ទាហានខ្មែរម្នាក់កាលពីថ្ងៃទី២៨ ខែឧសភា ឆ្នាំ២០២៥ នៅតំបន់មុំបី ស្រុកជាំក្សាន្ត ខេត្តព្រះវិហារ ក្រៅពីនេះថៃបានបិទទ្វាព្រំដែនដោយឯកតោភាគីជាមួយកម្ពុជាបន្ថែមទៀតផងដែរ។
គួរឱ្យដឹងដែរថាប្រទេសថៃមិនមែនមានជម្លោះតែជាមួយកម្ពុជានោះទេ គ្រប់ប្រទេសដែលនៅជាប់ព្រំដែនរួមមាន មីយ៉ានម៉ា ម៉ាឡេស៊ី និងឡាវ សុទ្ធតែមានបញ្ហាព្រំដែនជាមួយថៃទាំងអស់។ សម្ដេចតេជោ ហ៊ុន សែន ធ្លាប់លើកឡើងថា «មានអ្នកជិតខាងល្អដូចមាស មានជិតខាងអាក្រក់ដូចមានមីន»៕
អត្ថបទដោយ ហ៊ុន សិរីវឌ្ឍន៍
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ