កូនស្រីលោក ហួរ ឡាវី មានផ្ទៃពោះជាង៧ខែ បានជាកូវីដ-១៩ និងត្រឡប់ទៅផ្ទះហើយ

ភ្នំពេញ៖ កូនស្រីរបស់តារាចម្រៀងលោក ហួរ ឡាវី និងត្រូវជាបងស្រីបង្កើតរបស់កញ្ញា វី ឌីណែត គឺ វី ឌីណា ដែលមានផ្ទៃពោះជាង៧ខែ ហើយបានឆ្លងជំងឺកូវីដ-១៩ បា នជាសះស្បើយ និងបានត្រឡប់មកផ្ទះវិញហើយបន្ទាប់សម្រាកព្យាបាលជាច្រើនថ្ងៃមក។

បើតាមការបញ្ជាក់ពីកូនស្រីច្បងលោក ហួរ ឡាវី បានឱ្យដឹងថាថ្ងៃនេះ Dina Vy និងស្វាមី Pich Kagnarith ព្រមទាំងកូនក្នុងផ្ទៃបានមកដល់ផ្ទះវិញហើយ។ ប្រភពបន្តថា ពួកយើងជិតបានជួបជុំគ្នាដូចមុនហើយ គ្រាន់តែខ្វះសំឡេងរបស់អ្នកម្តាយ។ 

ប្រភពបានបន្តថា ចំពោះលោកគ្រូ ហួរ ឡាវី ដែលជាឪពុកគឺនៅតែមិនអស់ចិត្ត ព្រោះឃើញមុខកូនៗក៏នឹកដល់អ្នកម្តាយដែលជាភរិយារហូត។

“ប៉ាអើយ កូនៗដឹងថាប៉ានឹកម៉ាក់”។ នេះបើតាមការលើកឡើងបន្ថែមពីអ្នកនាង វី លីដា។

ចំណែកឯសាមីខ្លួនអ្នកនាង វី ឌីណា ក៏បានបញ្ជាក់ថា នាងបានជាសះស្បើយជំងឺកូវីដ-១៩ និងវិលត្រឡប់មកផ្ទះវិញហើយ ប៉ុន្តែត្រូវបន្តធ្វើចត្តាឡីស័ក១៤ថ្ងៃទៀត៕

អត្ថបទ៖ ចាន់រ៉ា