ព័ត៌មានជាតិ

អភិបាលខេត្តបន្ទាយមានជ័យប្រាប់ថៃកុំឱ្យពង្រីកបញ្ហានិងដោះបន្លាលួសចេញ

បានផុស

៩ ខែ មុន

នៅ

ថ្ងៃពុធ ១៧ កញ្ញា ២០២៥

ដោយ

អភិបាលខេត្តបន្ទាយមានជ័យលោក អ៊ុំ រាត្រី ក្នុងកិច្ចប្រជុំជាមួយអភិបាលខេត្តស្រះកែវរបស់ថៃនៅព្រឹកថ្ងៃទី១៧ ខែកញ្ញានេះ បានប្រាប់ទៅថៃឱ្យគោរព MOU និង TOR ឆ្នាំ២០០០ ព្រមទាំងត្រូវដោះបន្លាលួស ស្បៃ និងកង់ឡានចេញពីតំបន់ដែលឈ្លានពានផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អង្គភាពព័ត៌មាន និងប្រតិកម្មរាជរដ្ឋាភិបាលបានឱ្យដឹងកិច្ចប្រជុំដែលធ្វើឡើងនៅច្រកព្រំដែនអន្តរជាតិប៉ោយប៉ែតនោះ លោក អ៊ុំ រាត្រី បានដាក់សំណើចំនួន៤ទៅថៃរួមមានការរក្សាស្ថានភាពដើមនៅដដែល កុំពង្រីកវិសាលភាពនៃបញ្ហា ត្រូវអនុញ្ញាតឱ្យពលរដ្ឋខ្មែរទៅរស់នៅផ្ទះរបស់ពួកគេវិញ កុំធ្វើកិច្ចការដែលបំពានដល់ដល់គណៈកម្មការចម្រុះព្រំដែន និងត្រូវទុកការងារដល់ GBC និង JBC ជាអ្នកដោះស្រាយ។

ទោះជាយ៉ាងណាថៃមិនបានបញ្ជាក់យ៉ាងណាចំពោះសំណើរទាំងអស់នេះទេ ខណៈបន្ទាប់ពីកិច្ចប្រជុំនេះនៅរសៀលថ្ងៃដដែលទាហានថៃបានបន្តរាយលួសបន្លានៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យបន្តទៀត និងបានប្រើប្រាស់ឧស្ម័នបង្ហូរទឹកភ្នែកមកលើពលរដ្ឋខ្មែរដែលតវ៉ាផងដែរ។

ការឈ្លានពានចូលដីខ្មែរព័ទ្ធយកផ្ទះសំបែងពលរដ្ឋ និងដេញពលរដ្ឋខ្មែរចេញពីលំនៅដ្ឋាន នៅឃុំអូរបីជាន់នេះចាប់ផ្ដើមឡើងតាំងពីថ្ងៃទី១២ ខែសីហា និងបន្តឈ្លានពានជាបន្តបន្ទាប់ថែមទៀតរហូតមកដល់ពេលនេះ។ ក្រៅពីឈ្លានពានយកដីពលរដ្ឋខ្មែរទាំងនោះហើយអភិបាលខេត្តស្រះកែវប្រទេសថៃបានប្រកាសឱ្យវាស់ដីដែលឈ្លានពានបានវាស់ដីឱ្យពលរដ្ឋថៃផងដែរ៕

អត្ថបទដោយ ហ៊ុន សិរីវឌ្ឍន៍

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា