នយោបាយ
មេដឹកនាំអឺរ៉ុប អរគុណ និងសរសើរកម្ពុជាថា រៀបចំកិច្ចប្រជុំអាស៊ី-អឺរ៉ុបបានល្អ ទោះធ្វើតាមអនឡាញក៏ដោយ
មេដឹកនាំកំពូលនៃតំបន់អឺរ៉ុបបានសម្តែងនូវការអរគុណ និងកោតសរសើរកម្ពុជាចំពោះការរៀបចំកិច្ចប្រជុំអាស៊ី-អឺរ៉ុបលើកទី១៣នេះ ត្បិតធ្វើឡើងតាមប្រព័ន្ធអនឡាញក៏ដោយ។ លោក Charles Michel ប្រធានក្រុមប្រឹក្សាអឺរ៉ុប និងជាអ្នកសម្របសម្រួលប្រចាំតំបន់អឺរ៉ុប បានអបអរសាទេរកម្ពុជាដែលបានរៀបចំកិច្ចប្រជុំអាស៊ី-អឺរ៉ុបលើកទី១៣ (ASEM13) បានល្អប្រសើរ និងប្រកបដោយជោគជ័យនៅពេលនេះ។
ចំណែក លោកស្រី Ursula von der Leyen ប្រធានគណៈកម្មការអឺរ៉ុប និងជាអ្នកសម្របសម្រួលប្រចាំតំបន់អឺរ៉ុបវិញក៏បានអរគុណដល់រាជរដ្ឋាភិបាលកម្ពុជាដែរដែលជាម្ចាស់ផ្ទះចំពោះការខិតខំរៀបចំកិច្ចប្រជុំអាស៊ី-អឺរ៉ុបលើកទី១៣នេះបានជោគជ័យ។ ជាមួយគ្នានេះ លោកស្រីបានកត់សម្គាល់ថា នៅក្នុងរយៈពេល២៥ឆ្នាំមកនេះ កិច្ចប្រជុំអាស៊ី-អឺរ៉ុប បានជួយដល់ថ្នាក់ដឹកនាំនៅតំបន់អាស៊ី និងអឺរ៉ុបដោះស្រាយបាននូវបញ្ហាប្រឈមនានាក្នុងពេលបច្ចុប្បន្ននេះ។ លោកស្រី Ursula von der Leyen រំពឹងថា នៅឆ្នាំខាងមុខ ភាពជាដៃគូនៃអាស៊ី-អឺរ៉ុបនេះ នឹងកាន់តែមានសារសំខាន់ចំពោះដំណើរការងើបឡើងវិញពីការរីករាលដាលនៃជំងឺកូវីដ១៩ និងការកសាងឡើងវិញនូវពិភពលោកមួយដែលមានសមភាពកាន់តែធំជាងមុន និងពង្រឹងពហុភាគីនិយម។
ដោយឡែក លោក Charles Michel បានអះអាងថា កិច្ចប្រជុំអាស៊ី-អឺរ៉ុបនៅពេលនេះ បើទោះបីធ្វើឡើងតាមប្រព័ន្ធវីដេអូក៏ដោយ ក៏វាមានសារៈសំខាន់ក្នុងការកត់ត្រានូវអ្វីដែលបានសម្រេចនាពេលកន្លងមក និងកំណត់ទិសដៅទៅពេលអនាគត។ កិច្ចប្រជុំASEMនេះ គឺជាវេទិកាតែមួយគត់សម្រាប់សន្ទនានយោបាយរវាងថ្នាក់ដឹកនាំនៃប្រទេសនៅអាស៊ី និងអឺរ៉ុប អ្នករៀបចំគោលនយោបាយ ធុរជន អង្គការសង្គមស៊ីវិល អ្នកស្រាវជ្រាវ និងយុវជនជំនាន់ក្រោយ។
សូមជម្រាបជូនថា ការរៀបចំកិច្ចប្រជុំអាស៊ី-អឺរ៉ុបលើកទី១៣នេះ គឺជាលើកទី១ហើយសម្រាប់ប្រទេសកម្ពុជា បន្ទាប់ពីចូលរួមក្នុងកិច្ចប្រជុំកំពូលតាំងពីឆ្នាំ២០០៤។ កិច្ចប្រជុំអាស៊ី-អឺរ៉ុប ត្រូវបានបង្កើតឡើងនៅក្នុងឆ្នាំ១៩៩៦ ហើយវាបានក្លាយជាវេទិកាដ៏សំខាន់មួយក្នុងការភ្ជាប់ទំនាក់ទំនង និងការលើកកម្ពស់ភាពជាដៃគូរវាងទ្វីបអាស៊ី និងអឺរ៉ុប៕
អត្ថបទ៖ វណ្ណ សុគន្ធា
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ១០ ម៉ោង ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានអន្ដរជាតិ៧ ម៉ោង ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ៧ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច១ សប្តាហ៍ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ