ព័ត៌មានជាតិ
លោកស្រី ធី សុវណ្ណថា បដិសេធការចុះហត្ថលេខាដកតួនាទីប្រធានភូមិបាលក្រុងអរិយក្សត្រ ដែលលោកស្រីអះអាងថា ជាហត្ថលេខាក្លែងក្លាយ
លោកស្រី ធី សុវណ្ណថា សមាជិកគណៈអភិបាល និងជាអភិបាលរងក្រុងអរិយក្សត្រ កាលពីថ្ងៃទី២៤ ខែមករា ឆ្នាំ២០២៤ បានចេញមកបដិសេធចំពោះហត្ថលេខាដែលបានចុះកាលពីថ្ងៃទី១៦ ខែវិច្ឆិកា ឆ្នាំ២០២៣ ក្នុងកំណត់ហេតុដកហូតមុខតំណែង និងតួនាទីរបស់លោក សូរ ចន័្ទរិទ្ធ ប្រធានការិយាល័យរៀបចំដែនដីនគរូបនីយកម្ម សំណង់ និងភូមិបាលក្រុងអរិយក្សត្រ ដែលលោកស្រីអះអាងថា មិនមែនជាហត្ថលេខារបស់ខ្លួននោះទេ គឺជាហត្ថលេខាក្លែងក្លាយ ខណៈលោក សូរ ចន័្ទរិទ្ធ ក៏បានដាក់ពាក្យស្នើសុំការអន្តរាគមន៍ពីថ្នាក់ដឹកនាំផងដែរ។ ជាមួយគ្នានេះ លោកស្រី ធី សុវណ្ណថា ក៏បានស្នើសុំគណៈអភិបាលទាំងអស់ឲ្យពិនិត្យស្រាវជ្រាវករណីនេះឡើងវិញអោយបានច្បាស់លាស់តាមច្បាប់ ជៀសវាងការកសាងកំហុសមានវិប្បដិសារី នៅថ្ងៃខាងមុខ។
ការបដិសេធនេះ បានធ្វើឡើងបន្ទាប់ពីលោក សូរ ចន័្ទរិទ្ធ ប្រធានការិយាល័យរៀបចំដែនដីនគរូបនីយកម្ម សំណង់ និងភូមិបាលក្រុងអរិយក្សត្រ ត្រូវបានលោក ចាន់ តារា អភិបាលនៃអណៈអភិបាលក្រុងអរិយក្សត្រ ចេញដីកាកែសម្រួលភារកិច្ចពី ប្រធានការិយាល័យរៀបចំដែនដីនគរូបនីយកម្ម សំណង់ និងភូមិបាលក្រុងអរិយក្សត្រ ឲ្យមកជាអនុប្រធានការិយាល័យគ្រប់គ្រងធនធានមនុស្ស ក្រុងអរិយក្សត្រវិញ។
លោកស្រី ធី សុវណ្ណថា បានបញ្ចាក់ថា យោងតាមឯកសាទាំង១០ច្បាប់ស្តីអំពីការដកតួនាទីលោក សូរ ច័ន្ទរិទ្ធិ ដែលលោកស្រីទទួលបានកាលពីថ្ងៃទី២៣ ខែមករា ឆ្នាំ២០២៤ និងបណ្តឹងតវ៉ារបស់លោក សូរ ច័ន្ទរិទ្ធិ នៅថ្ងៃទី២៤ ខែមករា ឆ្នាំ២០២៤ លោកស្រីសង្កេតឃើញភាពមិនប្រក្រតីចំនួន៥ចំនុច ទី១ លោក សូរ ចន័្ទរិទ្ធ មិនព្រមធ្វើឯកសារដីដែលថ្នាក់ដឹកនាំបានផ្តាំផ្ញើអោយធ្វើ តើហេតុអ្វីគាត់មិនព្រមធ្វើឯកសារនេះ? តើឯកសារដីនោះមានបញ្ហាអ្វី? ពាក្យថា ផ្តាំផ្ញើឯកសារដី មានន័យយ៉ាងម៉េច?។ ទី២ ការចោទប្រកាន់ករណីជាច្រើនលើលោក សូរ ចន័្ទរិទ្ធិ តែគ្មានព័ស្តុតា គ្មានឯកសារ អង្គហេតុច្បាស់លាស់។ ទី៣ មានការក្លែងហត្ថលេខា របស់លោកស្រីក្នុងកំណត់ហេតុ ថ្ងៃទី១៦ ខែវិច្ឆិកា ឆ្នាំ២០២៣។ ទី៤ អភិបាលក្រុង ប្រើឈ្មោះអភិបាលខេត្ត បង្ខំអោយមន្ត្រីថ្នាក់ក្រោមទាំងអស់ចុះហត្ថលេខាដកលោក សូរ ច័ន្ទរិទ្ធ ។ និងទី៥ ការដកតំណែងលោក សូរ ចន័្ទរិទ្ធិ មានការលាក់បាំងព័ត៌មាន និងការអនុវត្តនីតិវិធីខុសពីលក្ខន្តិកៈមន្ត្រីរាជការស៊ីវិល។
កាលពីថ្ងៃទី៣១ ខែមករា ឆ្នាំ២០២៤ លោក សូរ ចន័្ទរិទ្ធ ប្រធានការិយាល័យរៀបចំដែនដីនគរូបនីយកម្ម សំណង់ និងភូមិបាលក្រុងអរិយក្សត្រ ធ្វើធ្វើលិខិតគោរពជូនសម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ឲ្យជួយអន្តរាគមន៍ និងរកយុត្តិធម៌ពីការកសាងសំណុំឯកសារដើម្បីដាក់វិន័យ និងដងហូតមុខតំណែងរបស់ខ្លួន។
សូមបញ្ជាក់ថា លោក សូរ ចន័្ទរិទ្ធ ត្រូវបានរដ្ឋបាលក្រុងអរិយក្សត្រ ប្រកាសដកហូតតំណែងពីប្រធានការិយាល័យរៀបចំដែនដីនគរូបនីយកម្ម សំណង់ និងភូមិបាលក្រុងអរិយក្សត្រ កាលពីថ្ងៃទី២២ ខែមករា ឆ្នាំ២០២៤ និងប្រកាសតែងតាំងលោក ស៊ុក ធិកា ឋានន្តរស័ក្ដិ ក្រមការ ថ្នាក់លេខ២ ជាប្រធានការិយាល័យរៀបចំដែនដីនគរូបនីយកម្ម សំណង់ និងភូមិបាលក្រុងអរិក្សត្រ នៅថ្ងៃទី២៣ ខែមីនា ឆ្នាំ២០២៤កន្លងទៅថ្មីៗនេះ៕
អត្ថបទ៖ សុខុម
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៣ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានអន្ដរជាតិ១៨ ម៉ោង ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ២១ ម៉ោង ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានជាតិ៧ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៧ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច១ សប្តាហ៍ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ