Connect with us

នយោបាយ

មកកម្ពុជាមួយជើងនេះ នាយករដ្ឋមន្រ្តីឡាវថា ទទួលបានជោគជ័យយ៉ាងធំធេង

បានផុស

នៅ

លោក ផនខាំ វីផាវ៉ាន់ (Phankham Viphavanh) នាយករដ្ឋមន្ត្រីឡាវនៅព្រឹកថ្ងៃអង្គារនេះដែលថ្ងៃទី២នៃដំ​ណើរទស្សនកិច្ចនៅកម្ពុជាបានចូលជូនសម្តែងការគួរសមជាមួយសម្តេច ហេង សំរិន ប្រធានរដ្ឋសភា នៅវិមានរដ្ឋសភា។ ក្នុងជំនួបនេះ លោក ផនខាំ វីផាវ៉ាន់ បានប្រាប់សម្តេច ហេង សំរិន ថា លោកទទួលបានជោគជ័យយ៉ាងធំធេងនៅក្នុងដំណើរទស្សនកិច្ចនៅកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកនាយករដ្ឋមន្ត្រីឡាវ បានអះអាងថា នៅក្នុងដំណើរទស្សនកិច្ចរបស់លោកមកកម្ពុជានាពេលនេះ គឺទទួលបានជោគជ័យយ៉ាងធំធេងនៅក្នុងការរឹតបន្តឹងចំណងមិត្តភាព សាមគ្គីភាពជាប្រពៃណី និងបងប្អូនរវាងប្រទេសទំាងពីរលើគ្រប់វិស័យ ទំាងការងារសង្គម ពាណិជ្ជកម្ម ពិសេស រដ្ឋាភិបាលទំាងពីរបានសន្យាខិតខំ ដោះស្រាយបញ្ហានៅសេសសល់លើកិច្ចការព្រំដែន ដើម្បីប្រែក្លាយជាបន្ទាត់ព្រំដែន សន្តិភាព អភិវឌ្ឍន៍ និងបងប្អូន ។ លោក ផនខាំ វីផាវ៉ាន់ ក៏បានពាំនាំការគោរពអញ្ជើញរបស់លោកប្រធានរដ្ឋសភាឡាវ ជូនសម្តេច ហេង សំរិន ទៅបំពេញទស្សនកិច្ចផ្លូវការនៅប្រទេសឡាវក្នុងពេលសមស្របណាមួយផងដែរ។

ជាការឆ្លើយតបវិញ សម្តេចអគ្គមហាពញាចក្រី ហេង សំរិន សម្តែងការអបអរសាទរចំពោះសមិទ្ធផលដែលកើតចេញពីចំណងមិត្តភាព និងកិច្ចសហប្រតិបត្តិការដ៏រឹងមាំដែលប្រទេសទាំងពីរកម្ពុជា -ឡាវ សម្រេចបាននាពេលកន្លងមក ទាំងក្នុងក្របខណ្ឌបក្ស រដ្ឋ រដ្ឋាភិបាល និងរដ្ឋសភា ។ សម្តេចបានគូសបញ្ជាក់ថា ទស្សនកិច្ចរបស់លោកនាយករដ្ឋមន្រ្តីឡាវនាពេលនេះ គឺបង្ហាញពីការចាប់ផ្តើមឡើងវិញនូវការផ្លាស់ប្តូរទស្សនកិច្ចរបស់ថ្នាក់ដឹកនាំនៃប្រទេសទាំងពីរ បន្ទាប់ពីមានភាពធូរស្បើយនៃវិបត្តិជំងឺរាតត្បាតកូវីដ-១៩ ដើម្បីបន្តជំរុញបន្ថែមទៀតនូវទំនាក់ទំនងចំណងមិត្តភាព សាមគ្គីភាពជាប្រពៃណី និងកិច្ចសហប្រតិបត្តិការលើគ្រប់វិស័យ រវាងបក្ស រដ្ឋាភិបាល និងប្រជាជននៃប្រទេសទាំងពីរឱ្យកាន់តែរឹងមាំ និងរីកចម្រើនទ្វេដងថែមទៀត។

ក្រៅពីសម្តែងការគួរសមជាមួយប្រធានរដ្ឋសភាកម្ពុជា លោកនាយករដ្ឋមន្រ្តីឡាវក៏បានឆ្លៀតថ្លែងអំណរគុណដល់រាជរដ្ឋាភិបាល និង ប្រជាជនកម្ពុជាដែលបានផ្តល់សម្ភារៈបរិក្ខារពេទ្យ មានម៉ាស វ៉ាក់សាំងដល់ប្រទេសឡាវ។ បន្ថែមលើបរិក្ខារទាំងនេះ កម្ពុជាក៏បានផ្តល់ជំនួយថវិកាចំនួន ១៣ លានដុល្លារអាមេរិក ដែល៣លានដុល្លារជាថវិការាជរដ្ឋាភិបាលកម្ពុជា និង១០លានដុល្លារទៀតបានពីវិស័យឯកជន និងបានផ្តល់វ៉ាក់សាំងស៊ីណូវ៉ាក់ចំនួន ៥០ម៉ឺនដូស រថយន្តសម្រាប់ផ្ទុកវ៉ាក់សាំងចំនួនពីរគ្រឿងថែមទៀតជូនដល់ប្រទេសឡាវ។

ជាមួយគ្នានេះ លោក ផនខាំ វីផាវ៉ាន់ ក៏បានអបអរសាទរជាមួយកម្ពុជានៅក្នុងការចូលរួមយ៉ាងសកម្ម និងទទួលបានជោគជ័យជាបន្តបន្ទាប់ក្នុងវេទិកាអន្តរជាតិ ដូចជា រៀបចំកិច្ចប្រជុំភាពជាដៃគូសភាអាស៊ី-អឺរ៉ុបលើកទី១១ និង កិច្ចប្រជុំកំពូលអាស៊ី-អឺរ៉ុបលើកទី១៣ ដែលទើបបញ្ចប់ទៅកាលពីពេលថ្មីៗនេះដែលបានបង្ហាញពីកិត្យានុភាពរបស់កម្ពុជានៅលើឆាកអន្តរជាតិយ៉ាងធំធេង៕

អត្ថបទ៖ ណារី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ នាទី មុន

អភិបាលខេត្តកំពង់ចាម ស្នើក្រុមហ៊ុនសាងសង់ប្រព័ន្ធលូ បញ្ចៀសផលប៉ះពាល់ និងស្ថាបនាផ្លូវឡើងវិញឱ្យបានស្អាត 

ព័ត៌មានអន្ដរជាតិ៣ នាទី មុន

ក្រុមហ៊ុន Xiaomi លក់រថយន្តអគ្គិសនីចំនួន ៥ម៉ឺនគ្រឿងក្នុងរយៈពេលតិចជាងកន្លះម៉ោង

ព័ត៌មានជាតិ១៥ នាទី មុន

សាលាបឋមសិក្សាមុខនាគ ខេត្តសៀមរាប ប្រារព្ធទិវាអប់រំកាយ និងកីឡា ដើម្បីលើកកម្ពស់សុខភាព និងសមត្ថភាពរបស់សិស្ស

ចរាចរណ៍៣ ម៉ោង មុន

Update៖ ករណីគ្រោះថ្នាក់រថភ្លើងបុករថយន្ដដឹកអ្នកដំណើររបួសសរុប៤៦នាក់ ក្នុងនោះមានតៃកុងរថភ្លើងម្នាក់

ព័ត៌មានអន្ដរជាតិ៣ ម៉ោង មុន

កាណាដា ប្ដឹងក្រុមហ៊ុន Meta, Snapchat និង TikTok ពីបទរំខានការ​សិក្សារបស់សិស្ស

Sokha Hotels

ព័ត៌មានពេញនិយម