នយោបាយ
សម្តេចតេជោ ហ៊ុន សែន គ្រោងបញ្ជូនលោកប្រាក់ សុខុន ទៅកាន់មីយ៉ាន់ម៉ានាពេលខាងមុខនេះ
សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានបង្ហាញឲ្យដឹងពីគម្រោងក្នុងការបញ្ជូនលោកប្រាក់ សុខុន ដែលជាប្រេសិតពិសេសទៅកាន់ប្រទេសមីយ៉ាន់ម៉ានាពេលខាងមុខនេះ ដើម្បីសម្របសម្រួលបញ្ហានៅក្នុងប្រទេសនេះ។ សម្តេច បានស្នើលោក មិន អោងឡាំង មេដឹកនាំរបបយោធាមីយ៉ាន់ម៉ា ជួយសម្របសម្រួលដល់ដំណើរទស្សនកិច្ចជាលើកដំបូងរបស់ប្រេសិតពិសេសនេះ។
សំណើរបស់សម្តេចប្រមុខរដ្ឋាភិបាលកម្ពុជានេះធ្វើឡើងក្នុងពេលដែលសម្តេចបានជួបពិភាក្សាជាមួយលោក មិន អោងឡាំងតាមប្រព័ន្ធវីដេអូនៅរសៀលថ្ងៃពុធនេះ។ នៅចំពោះមុខលោក មិន អោងឡាំង សម្តេចតេជោ ហ៊ុន សែន បានអំពាវនាវត្រង់ៗចំនួន៤ចំណុច ដើម្បីឈានទៅដោះស្រាយបញ្ហានៅមីយ៉ាន់ម៉ា។ ទី១. សម្តេចតេជោ បានអំពាវនាវឲ្យលោកមិន អោងលាំង ខិតខំអនុវត្តនូវកិច្ចព្រមព្រៀងជាឯកច្ឆន្ទទាំង៥ចំណុចរបស់អាស៊ាន។ ទី២. សម្តេចតេជោ បានស្នើសុំឲ្យលោកមិន អោងឡាំង សម្របសម្រួលឲ្យប្រេសិតពិសេសរបស់ប្រធានអាស៊ានទៅបំពេញទស្សនកិច្ចនៅក្នុងប្រទេសមីយ៉ាន់ម៉ាជាលើកដំបូងនាពេលខាងមុខនេះ។
ចំណុចទី៣. គឺសម្តេច បានអំពាវនាវឲ្យភាគីទាំងអស់ រួមទាំងភាគីរដ្ឋាភិបាលមីយ៉ាន់ម៉ាផងដែរ ត្រូវតែបញ្ឈប់អំពើហិង្សា និងឈានទៅដល់បទឈប់បាញ់នាពេលខាងមុខនេះ។ ជាមួយគ្នានេះ សម្តេចតេជោ ក្នុងនាមជាប្រធានអាស៊ាន ក៏បានសម្តែងនូវការបារម្ភចំពោះអំពើហិង្សាក្រោយពីដំណើរទស្សនកិច្ចរបស់សម្តេចទៅមីយ៉ាន់ម៉ា និងបានស្នើឲ្យភាគីទាំងអស់បង្ហាញនូវការអត់ធ្មត់ ដើម្បីឈានទៅសម្រេចបាននូវបទឈប់បាញ់នេះ។ ចំណែក ចំណុចទី៤.សម្តេចប្រធានអាស៊ាន បានអញ្ជើញលោកមិន អោងឡាំង ឲ្យចូលរួមជាមួយបណ្តាប្រទេសអាស៊ាន និងភាគីពាក់ព័ន្ធផ្សេងទៀត ក្នុងការផ្តល់ជំនួយមនុស្សធម៌ដល់ប្រជាពលរដ្ឋមីយ៉ាន់ម៉ាដែលត្រូវការបំផុត។ ជាមួយនឹងការអំពាវនាវទាំង៤ចំណុចនេះ សម្តេចតេជោ ក៏បញ្ជាក់ប្រាប់លោក មិន អោងឡាំង ឲ្យលោកយកចិត្តទុកដាក់ចំពោះបញ្ហាទាំងអស់នេះ៕
អត្ថបទ ៖វណ្ណ សុគន្ធា
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ១ សប្តាហ៍ ago
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន