នយោបាយ
មន្ត្រីជាន់ខ្ពស់ គ.ជ.ប ថា គណបក្សភ្លើងទៀន រងបណ្តឹងយកឈ្មោះគេ ដោយមិនប្រាប់សាមីខ្លួនច្រើនជាងគេ
នៅក្នុងដំណាក់កាលបិតផ្សាយបញ្ជីបេក្ខជនគណបក្សនយោបាយឈរឈ្មោះបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៥ គណៈកម្មការឃុំ សង្កាត់ រៀបចំការបោះឆ្នោត (គឃ.សប) ទទួលបានបណ្តឹងចំនួន១៥២ ដែលបណ្តឹងភាគច្រើនទាក់ទងការយកឈ្មោះ ទៅឈរជាបេក្ខជន ដោយសាម៉ីខ្លួនមិន បានដឹងជាមុន ហើយបណ្តឹងបែបនេះ គណបក្សភ្លើងទៀន មានច្រើនជាងគេ។
លោក សោម សូរីដា អគ្គលេខាធិការរង និងជាអ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) បានថ្លែង ប្រាប់កម្ពុជាថ្មីនៅថា នៅក្នុងដំណាក់កាលបិតផ្សាយបញ្ជីបេក្ខជនឈរឈ្មោះនេះ មានបណ្តឹងច្រើន ហើយក្នុងចំណោមបណ្តឹងទាំងអស់ បណ្ដឹងភាគច្រើន គឺជាបណ្ដឹងរបស់បេក្ខជន ដែលគាត់មិនបានដឹងខ្លួនថា គាត់ត្រូវបានគេជ្រើសរើសជាបេក្ខជនឈរឈ្មោះបោះឆ្នោត។
ដូច្នេះនៅពេលបិទផ្សាយបញ្ជីរយៈពេល៣ថ្ងៃ មានបណ្ដឹងច្រើន ដែលពួកគាត់បានសុំទៅគណៈកម្មការ ឃុំ សង្កាត់ រៀបចំការបោះ ឆ្នោតបដិសេធមិនឈរឈ្មោះជាបេក្ខជនទេ ដោយពួកគាត់លើកមូលហេតុថា មិន បានដឹងខ្លួនជាមុនថា ត្រូវបានគណបក្សយកឈ្មោះគាត់ ដាក់ឈរជាបេក្ខជន។
បើតាមលោក សោម សូរីដា គណបក្សដែលរងការប្ដឹងច្រើនជាងគេ គឺគណបក្សភ្លើងទៀន ជាការកត់សម្គាល់គណបក្សផ្សេងទៀតក៏មានដែរ ប៉ុន្តែគណបក្សភ្លើងទៀន មានបេក្ខជនប្ដឹងមិនឈរ ឈ្មោះច្រើន។
លោក សោម សូរីដា ឲ្យដឹងដែរថា មានបណ្តឹងមួយប្រភេទទៀត គឺជាបណ្ដឹងរបស់ប្រជាពលរដ្ឋ ដែលលោកមើលឃើញថាបេក្ខជនរបស់គណបក្សនយោបាយ ដែលបានចុះបញ្ជីនៅគណៈកម្មការឃុំ សង្កាត់ រៀបចំការបោះឆ្នោតនោះ ពុំមានលក្ខខណ្ឌគ្រប់គ្រាន់ ដើម្បីឈរឈ្មោះជាបេក្ខជន ហើយលក្ខខណ្ឌដែលគាត់បានបង្ហាញ គឺបេក្ខជនមិនចេះអាន មិនចេះសរសេរ ដែលជាលក្ខខណ្ឌមួយ នៅក្នុងចំណោមលក្ខខណ្ឌចំនួន៤ ដែលបានចែងនៅក្នុងមាត្រា៣៥ នៃច្បាប់ស្ដីពីការបោះឆ្នោតជ្រើសរើសក្រុមក្រុមប្រឹក្សាឃុំ សង្កាត់។
មន្ត្រីជាន់ខ្ពស់ គ.ជ.ប រូបនោះបញ្ជាក់ដែរថា មានបណ្ដឹងមួយប្រភេទទៀត ទាក់ទងទៅនឹងបណ្តឹងឲ្យផ្ដន្ទាទោសចំពោះគណៈកម្មការ ឃុំ សង្កាត់ រៀបចំការបោះឆ្នោត ដែលមានការរើសអើងគណបក្សនយោបាយ ក្នុងដំណើរការចុះបញ្ជីបេក្ខជនគណបក្សនយោបាយឈរឈ្មោះបោះឆ្នោត។
សូមបញ្ជាក់ថា នៅក្នុងដំណាក់កាលនៃការបិទផ្សាយបញ្ជីបេក្ខជនគណបក្សនយោបាយឈរឈ្មោះសម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ រយៈពេល៣ថ្ងៃ គណៈកម្មការឃុំ សង្កាត់ រៀបចំការបោះឆ្នោត (គឃ.សប) ទទួលបានបណ្តឹងសរុបចំនួន ១៥២ បណ្តឹង ហើយក្នុងចំណោមបណ្តឹងទាំងនោះ មាន១៤៤ បណ្ដឹង ជាករណីប្ដឹងសុំបដិសេធមិនឈរឈ្មោះជាបេក្ខជនឲ្យបក្សនយោបាយ៕
អត្ថបទ៖ កោះកែវ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ