នយោបាយ
លោក ខៀវ សុភ័គ៖គ្មានហេតុផលណាក្នុងការលុបឈ្មោះគណបក្សខ្មែរក្រោកពីបញ្ជីឡើយ
មន្ត្រីជាន់ខ្ពស់ក្រសួងមហាផ្ទៃ បានអះអាងថា បើទោះបីជាមេដឹកនាំគណបក្សខ្មែរក្រោកកំពុងជាប់ពាក់ព័ន្ធនឹងបទល្មើសក៏ដោយ តែក្រសួងមហាផ្ទៃ ក៏មិនមានហេតុផលណា ដើម្បីលុបឈ្មោះគណបក្សនេះពីបញ្ជីគណបក្សនយោបាយឡើយ។ ក៏ប៉ុន្តែ មន្ត្រីរូបនេះ បញ្ជាក់ថា នៅពេលសំណុំពាក់ព័ន្ធនឹងបទចោទលើអតីតប្រធានបក្សនេះបានចប់ជាស្ថាបពរ ទើបក្រសួងមហាផ្ទៃតម្រូវឲ្យគណបក្សរៀបចំក្បាលម៉ាស៊ីនដឹកនាំថ្មីឲ្យស្របតាមច្បាប់ស្ដីពីគណបក្សនយោបាយ។
![](https://www.kampucheathmey.com/wp-content/uploads/2023/02/image-72.png)
ថ្លែងប្រាប់សារព័ត៌មានកម្ពុជាថ្មី នៅថ្ងៃទី១ ខែកុម្ភៈនេះ លោក ខៀវ សុភ័គ អ្នកនាំពាក្យក្រសួងមហាផ្ទៃ បានបញ្ជាក់ដូច្នេះថា៖ «នៅពេលណាដែលតុលាការដំណើរការក្ដីលើករណីលោក វីល្លាម ហ្គ័ង បានបញ្ចប់ជាស្ថាបពរហើយនោះ ទើបក្រសួងមហាផ្ទៃធ្វើសេចក្ដីជូនដំណឹងទៅកាន់គណបក្សខ្មែរក្រោក ដើម្បីផ្លាស់ប្ដូរសមាសភាពថ្នាក់ដឹកនាំថ្មីរបស់គណបក្សនេះ»។
ក្រោយការចាប់ឃុំខ្លួនលោក សុខសុវណ្ណ វឌ្ឍនាសាប៊ុង ហៅ វីល្លាម ហ្គ័ង អតីតប្រធានគណបក្សខ្មែរក្រោក កាលពីអំឡុងឆ្នាំ២០២១ ពាក់ព័ន្ធនឹងករណីប្លន់ គណបក្សនេះហាក់មានភាពស្ងប់ស្ងាត់ និងមិនមានសកម្មភាពនយោបាយឡើយ។ តែយ៉ាងណាក្ដី ក្នុងពេលបច្ចុប្បន្ន លោក សុខ លីម ក្នុងនាមជាប្រធានស្ដីទីគណបក្សនៅតែបន្តដឹកនាំ និងបំពេញភារកិច្ចជាប្រក្រតីភាពនៅក្នុងក្របខណ្ឌឧត្តមក្រុមប្រឹក្សាពិគ្រោះ និងផ្ដល់យោបល់។
![](https://www.kampucheathmey.com/wp-content/uploads/2023/02/image-71-edited.png)
ពាក់ព័ន្ធនឹងសកម្មភាពរបស់បក្សខ្មែរក្រោកនេះ លោក ខៀវ សុភ័គ បានអះអាងថា បើទោះបីជាគណបក្សនេះស្ងាត់ពីសកម្មភាពនយោបាយយ៉ាងណាក្ដី តែក្រសួងមហាផ្ទៃ ក៏មិនមានហេតុផល ឬសិទ្ធិណាទៅលុបឈ្មោះគណបក្សខ្មែរក្រោកចេញពីបញ្ជីគណបក្សនយោបាយទេ ប្រសិនបើគណបក្សនេះ មិនបានប្រព្រឹត្តផ្ទុយពីច្បាប់ស្ដីពីគណបក្សនយោ បាយ។
គួរជម្រាបថា លោក សុខសុវណ្ណ វឌ្ឍនាសាប៊ុង ហៅ វីល្លាម ហ្គ័ង អតីតប្រធានគណបក្សខ្មែរក្រោក និងបក្ខពួកមួយចំនួនទៀត ត្រូវបានសាលាដំបូងរាជធានីភ្នំពេញចេញដីកាបង្គាប់ឲ្យឃុំខ្លួននៅពន្ធនាគារព្រៃស ក្រោមបទចោទប្រកាន់ពាក់ព័ន្ធករណីប្លន់ឧកញ៉ាម្នាក់ ដែលជាអ្នកលក់ផលិតផលអនឡាញល្បីឈ្មោះមួយរូប។ លោក វីល្លាម ហ្គ័ង និងបក្ខពួក ត្រូវបានចោទពីបទលួចមានស្ថានទម្ងន់ទោស បទសមគំនិតក្នុងអំពើលួចមានស្ថានទម្ងន់ទោស បទកាន់កាប់អាវុធដោយខុសច្បាប់ និងបទក្លែងឯកសារសាធារណៈ៕
![](https://www.kampucheathmey.com/wp-content/uploads/2023/02/image-73-edited.png)
ដោយ៖ ធឿន វ៉ាន់សុង
-
ព័ត៌មានជាតិ១ សប្តាហ៍ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
សេដ្ឋកិច្ច៥ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+៦ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៣ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៥ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ១ សប្តាហ៍ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ៧ ថ្ងៃ ago
តើឧកញ៉ាមានសិទ្ធិកាន់កាប់ និងប្រើប្រាស់កាំភ្លើង ដែរឬទេ?
-
ព័ត៌មានជាតិ២ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ