ព័ត៌មានជាតិ
រយៈពេល ៥ ឆ្នាំ រដ្ឋាភិបាលបង្កើតក្រុងថ្មី ២ បន្ថែមទៀត
រដ្ឋាភិបាលបានកែសម្រួលរដ្ឋបាល ដោយបានបង្កើតក្រុងថ្មីពីរបន្ថែមទៀតក្នុងរយៈពេល ៥ ឆ្នាំចុងក្រោយនេះ។
លោក ខៀវ សុភ័គ រដ្ឋលេខាធិការនិងអ្នកនាំពាក្យក្រសួងមហាផ្ទៃបានឲ្យដឹងក្នុងសន្និសីទសមិទ្ធផលរយៈពេល ៥ ឆ្នាំក្រសួងមហាផ្ទៃកាលពីម្សិលមិញថា ក្នុងរយៈពេល ៥ ឆ្នាំនេះ រដ្ឋាភិបាលបានបង្កើតកែសម្រួល និងកំណត់ព្រំប្រទល់រដ្ឋបាលថ្នាក់ក្រោមជាតិ ក្នុងនោះបានបង្កើតក្រុងថ្មីចំនួនពីរបន្ថែមទៀតគឺក្រុងបូកគោ និងក្រុងកោះរ៉ុង។
ក្រុងកោះរ៉ុងបង្កើតឡើងតាមអនុក្រឹត្យនៅឆ្នាំ ២០១៩ ដោយកាត់យកសង្កាត់ចំនួន ០២ គឺសង្កាត់កោះរ៉ុង និងសង្កាត់កោះរ៉ុងសន្លឹមបង្កើតជាក្រុងកោះរ៉ុងក្នុងខេត្តព្រះសីហនុ។
ដោយឡែកនៅឆ្នាំ ២០២១ រាជរដ្ឋាភិបាលកម្ពុជាបានចេញអនុក្រឹត្យបង្កើតក្រុងបូកគោនៃខេត្តកំពត ដោយកាត់យកឃុំចំនួន ៣ ពីស្រុកទឹកឈូ គឺឃុំបឹងទូក ឃុំកោះតូច និងឃុំព្រែកត្នោត។
ក្រុងបូកគោដែលបង្កើតថ្មីមានសង្កាត់ចំនួន០៣ គឺសង្កាត់បឹងទូក សង្កាត់កោះតូច និងសង្កាត់ព្រែកត្នោត ដោយមានទីតាំងរដ្ឋបាលក្រុងបូកគោ ត្រូវស្ថិតនៅក្នុងសង្កាត់បឹងទូក។
បើតាមលោក ខៀវ សុភ័គ ក្រៅពីបង្កើតក្រុងថ្មីចំនួនពីរ រាជរដ្ឋាភិបាលបានសម្រេចបង្កើតស្រុកថ្មីចំនួន ៣ ទៀត ខណ្ឌថ្មីចំនួន ២ សង្កាត់ថ្មីចំនួន ២ ឃុំថ្មីចំនួន ៤។ ទន្ទឹមគ្នានោះ ក៏បានសម្រេចបង្កើតភូមិថ្មីចំនួន ៧៥ និងលុបចោលភូមិចំនួន ៨ ។
បច្ចុប្បន្នព្រះរាជាណាចក្រកម្ពុជាមានរាជធានីចំនួន ១ ខេត្តចំនួន ២៤ ក្រុង ២៨ ស្រុក ១៦២ ខណ្ឌ ១៤ ឃុំ ១៤០៦ សង្កាត់ ២៤៦ និងភូមិចំនួន ១៤ ៤៥០៕
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»