នយោបាយ
ប្រធានសភាអំពាវនាវឱ្យពន្លឿនការបង្កើតក្រុមអ្នកអង្កេតការណ៍អាស៊ាន និងស្នើឱ្យថៃគោរពសន្យា
ប្រធានសភាកម្ពុជា សម្ដេចសភាធិបតី ឃួន សុដារី បានស្នើឱ្យប្រទេសថៃគោរពអនុវត្តឱ្យបានម៉ឺងម៉ាត់ចំពោះកិច្ចព្រមព្រៀងបទឈប់បាញ់ ខណៈសម្ដេចជំរុញឱ្យពន្លឿនការបង្កើតក្រុមអ្នកអង្កេតការណ៍អាស៊ានឱ្យបានឆាប់។
ថ្លែងក្នុងកិច្ចប្រជុំសភាព្រឹកថ្ងៃទី២៥ ខែសីហា ឆ្នាំ២០២៥នេះ សម្ដេចសភាធិបតី ឃួន សុដារី បានថ្លែងថា សន្តិភាព សុវត្ថិភាព និងសុខុមាលភាពរបស់ប្រជាពលរដ្ឋ គឺជាអាទិភាពស្នូល ដោយបង្ហាញការជឿជាក់លើការដឹកនាំរបស់រដ្ឋាភិបាលកម្ពុជា និងអំពាវនាវឱ្យថៃគោរពនូវការសន្យារបស់ខ្លួនចំពោះបទឈប់បាញ់ផងដែរ។
សម្ដេចថា៖ «ដោយបទឈប់បាញ់នៅមានភាពផុយស្រួយនៅឡើយ រដ្ឋសភាកម្ពុជា ស្នើសុំ ភាគីថៃ អនុវត្តឱ្យបានខ្ជាប់ខ្ជួនម៉ឺងម៉ាត់នូវកិច្ចព្រមព្រៀងឈប់បាញ់ដើម្បីជាផលប្រយោជន៍ដ៏ឧត្តុង្គឧត្តមរបស់ប្រជាជាតិទាំងពីរ កម្ពុជា-ថៃ»។
កាលពីថ្ងៃទី១៩ ខែសីហា នាយករដ្ឋមន្ត្រីម៉ាឡេស៊ីលោក អាន់វ៉ា អ៊ីប្រាហ៊ីម បានទូរស័ព្ទពិភាក្សាការងារជាមួយនាយករដ្ឋមន្ត្រីកម្ពុជា ក្នុងការសន្ទនានោះសម្ដេចធិបតី ហ៊ុន ម៉ាណែត បានជំរុញការបង្កើតក្រុមអ្នកអង្កតការណ៍អាស៊ានផ្លូវការឱ្យបានឆាប់ និងដំណើរការនៃក្រុមសង្កេតការណ៍បណ្ដោះអាសន្ន ដើម្បីឱ្យការតាមដានបទបាញ់កាន់តែមានប្រសិទ្ធភាព។
ក្រោយប្រយុទ្ធគ្នា៥ថ្ងៃកាលពីចុងខែកក្កដា កម្ពុជា និងថៃបានឈានដល់កិច្ចព្រមព្រៀងនឺងបទឈប់បាញ់មួយថ្ងៃទី២៨ ខែកក្កដា និងបានឈានដល់កិច្ចប្រជុំGBCសម្រេចលទ្ធផលនៅថ្ងៃទី៧ ខែសីហា ឆ្នាំ២០២៥។ ទោះបីសម្រេចបានបទឈប់បាញ់នេះក្ដីតែថៃនៅតែបន្តចាប់ឃុំខ្លួនទាហានខ្មែរ បន្តរាយលួសបន្លា ដើរល្បាតចូលដីកម្ពុជា និងសង់លេណដ្ឋាននៅតំបន់ប្រឈមយោធាដដែលដែលជាការបំពានដល់បទឈប់បាញ់ដែលសម្រេចបាននោះ។
លើកឡើងក្នុងវេទិកាអ្នកជំនាញកម្ពុជាថ្មីកាលពីចុងសប្ដាហ៍ប្រធានវិទ្យាស្ថានទំនាក់ទំនងអន្តរជាតិនៃរាជបណ្ឌិត្យសភាលោកបណ្ឌិត គិន ភា មានប្រសាសន៍ថា ថៃនៅតែមានមហិច្ចតាចង់បានដីខ្មែរ ហើយគេនឹងព្យាយាមបង្កហេតុម្ដងហើយម្ដងទៀតដើម្បីរុញការធ្វើសង្គ្រាមជាថ្មី។ លោកជំរុញឱ្យរដ្ឋាភិបាលទាមទារបង្កើតក្រុមអ្នកអង្កេតការណ៍ជាអន្តរជាតិតែម្ដង ដើម្បីឱ្យអន្តរជាតិដឹងឮ និងអន្តរាគមន៍។
គួរឱ្យដឹងដែរថាគំនិតនៃការបង្កើតក្រុមអ្នកអង្កេតការណ៍អន្តរជាតិក៏ត្រូវបានប្រធានអាស៊ានលើកឡើងផងដែរក្នុងពេលនិយាយទូរស័ព្ទជាមួយនាយករដ្ឋមន្ត្រីស្ដីទីថៃលោក ភូមិថាំ វេឆាយ៉ាឆៃ ផងដែរកាលពីថ្ងៃទី១៩ កន្លងទៅ តែត្រូវបាននាយករដ្ឋមន្ត្រីថៃបដិសេដ ដោយកាសែតថៃបានដកស្រង់សំដីរបស់នាយករដ្ឋមន្ត្រីរូបនេះមកចុះផ្សាយថា ការឱ្យអន្តរជាតិមកអង្កេតការណ៍លើបទឈប់បាញ់គឺជាការជ្រៀតជ្រែកកិច្ចការផ្ទៃក្នុង។
ជាការឆ្លើយតបលោក អាន់វ៉ា អ៊ីប្រាហ៊ីម បានបញ្ជាក់ថាការបន្ថែមឱ្យមានក្រុមអ្នកអង្កេតការណ៍មកពីប្រទេសក្រៅពីតំបន់អាស៊ានមិនមែនជាការជ្រៀតជ្រែកកិច្ចការផ្ទៃក្នុងនោះទេ គឺគ្រាន់តែដើម្បីសម្រួលការងារដល់ក្រុមអ្នកអង្កេតការណ៍អន្តរកាលអាស៊ានដែលមានសមាជិកតិចប៉ុណ្ណោះ៕
អត្ថបទដោយ ហ៊ុន សិរីវឌ្ឍន៍
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ