អាជីព

គន្លឹះបញ្ចេញមតិបានក្លាហានជាងមុនជាមួយក្រុមការងារ

បានផុស

៣ years មុន

នៅ

ថ្ងៃពុធ ១០ កុម្ភៈ ២០២១

ដោយ

ការងារជាក្រុម តម្រូវឲ្យមានកិច្ចសហប្រតិបត្តិការជាមួយមនុស្សផ្សេងគ្នាជាច្រើន ហើយមានគំនិតខ្លះនៅក្នុងការប្រជុំ ដែលយើងមិនយល់ស្រប។ ហើយការបដិសេធសមាជិកក្រុមផ្សេងទៀត អាចធ្វើឲ្យមានប្រតិកម្មអវិជ្ជមាន ជះឥទ្ធិពលអាក្រក់ និងបង្កើតភាពតានតឹង រួមទាំងពិបាកប្រាស្រ័យទាក់ទងគ្នាថែមទៀត

Kpt Plus សូមណែនាំពីវិធីសាស្ត្រដែលមានប្រសិទ្ធភាពបំផុត ក្នុងការបញ្ចេញមតិប្រឆាំងដោយសន្តិវិធីនៅក្នុងសមាជិកក្រុមការងារ ៖

១. សួរសំណួរបន្ថែម

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សាកសួរជាជាងឈ្លោះប្រកែកគ្នា។ ចំពោះបញ្ហាស្មុគស្មាញមិនមានចម្លើយត្រឹមត្រូវទេ។ ជារឿងដែលសំខាន់ជាខ្លាំងសម្រាប់ក្រុម ក្នុងការដាំដុះសមត្ថភាពរួមបញ្ចូលទស្សនៈជាច្រើនជាមួយគ្នា។ ជំនួសឲ្យការប្រកួតប្រជែងសូមប្ដូរទៅ “ខ្ញុំឃើញអ្វីៗខុសគ្នា។ អាចប្រាប់ខ្ញុំបន្ថែមទៀតអំពីមូលហេតុដែលអ្នកឃើញរឿងបែបនេះ” ។

២. យកវិធីសាស្ត្រសិក្សា

ចូលទៅជិតការសន្ទនាជាមួយគ្នាពីទីតាំងនៃ “រៀន” មិនមែន “ដឹង” ។ ទីតាំងនេះនឹងឲ្យយើងចង់ដឹងចង់ឃើញ បើកចំហចំពោះភាពចម្រុះនៃគំនិតដែលបានបង្ហាញរួមគ្នា។ នៅពេលគ្រប់គ្នាធ្វើការឆ្ពោះទៅរកដំណោះស្រាយ នេះមិនមែនជាការយល់ព្រមឬមិនយល់ព្រមនោះទេ។ វាគឺអំពីការរុករកឧបករណ៍ប្រើប្រាស់យ៉ាងមានប្រសិទ្ធភាព នៃគំនិតដែលបានស្នើ ដើម្បីឈានដល់លទ្ធផលដែលបានបញ្ជាក់រួមគ្នា។

៣. កសាងទំនុកចិត្តដោយភាពស្មោះត្រង់

ចរិតលក្ខណៈមួយនៃក្រុមដែលមានសមត្ថភាពខ្ពស់ គឺសមត្ថភាពក្នុងការសន្ទនាដោយស្មោះត្រង់។ ការនិយាយដោយបើកចំហក្នុងទំនាក់ទំនងដែលទុកចិត្ត គឺជាវិធីល្អបំផុតដើម្បីទទួលបានប្រសិទ្ធភាពខ្ពស់ជាមួយគ្នា។

៤. កំណត់ការរំពឹងទុកសម្រាប់ជម្លោះដែលមានសុខភាពល្អ

ការបង្កើតការរំពឹងទុកជុំវិញជម្លោះដែលមានសុខភាពល្អ អាចឲ្យក្រុមនានាយល់ស្របនៅក្នុងកិច្ចខិតខំប្រឹងប្រែង ដើម្បីលើកកម្ពស់គំនិតជាជាងការបដិសេធ។ នៅពេលដែលក្រុមជឿជាក់ថាពួកគេទាំងអស់កំពុងធ្វើការដើម្បីសម្រេចគោលដៅតែមួយ ដោយប្រើដំណើរការប្រកបដោយប្រសិទ្ធភាព ពួកគេច្រើនតែបើកចំហដើម្បីបំភ្លឺសំណួរនិងមតិយោបល់ នៅពេលចែករំលែកគំនិត។

៥. បណ្ដុះការចង់ដឹងចង់ឃើញ

ការខ្វែងគំនិតគ្នាគឺជៀសមិនរួច។ មុនពេលយើងវិនិច្ឆ័យគំនិតនេះថាមិនត្រឹមត្រូវ សូមមើលដោយការចង់ដឹងចង់ឃើញសិន។ នៅពេលយើងជ្រើសរើសមើលគំនិតផ្សេងគ្នាពីទស្សនវិស័យផ្សេងៗ យើងអាចយល់ពីមូលហេតុដែលមនុស្សម្នាក់ទៀតអាចនឹងមើលឃើញគំនិតថាជាដំណោះស្រាយ។

ហើយពេលយើងសួរសំណួរ យើងក៏អាចបង្កើតគំនិតថ្មីៗដែលខ្លួនឯងមិនធ្លាប់បានឃើញពីមុន។ រៀនមុនពេលឆ្លងកាត់ការវិនិច្ឆ័យ។

៦. បោះជំហានទៅរកការយោគយល់គ្នាទៅវិញទៅមក

ក្នុងនាមជាមនុស្សតម្រូវការចាំបាច់មួយរបស់យើង គឺការស្ដាប់ មើលឃើញ និងយល់។ ដោយធ្វើតាមជំហានទាំងបួននេះ៖ ដំបូងត្រូវស្ដាប់ដោយយកចិត្តទុកដាក់។ ការស្ដាប់មិនមែនជាពេលវេលាដើម្បីគិតអំពីចម្លើយរបស់យើងទេ ប៉ុន្តែគឺជាពេលវេលាដើម្បីយល់ពីក្រុមផ្សេងទៀត។

ទីពីរ ពិនិត្យមើលការយល់ដឹងរបស់យើង។ ទីបី ចាប់ផ្ដើមប្រយោគរបស់យើងដែលបង្ហាញពីការមិនចុះសម្រុងជាមួយ“ ខ្ញុំយល់ឃើញថាចំណុចរបស់អ្នកជា…”

ទីបួន គាំទ្រការអត្ថាធិប្បាយរបស់យើងដោយទិន្នន័យឬហេតុផលសមរម្យ៕

ប្រែសម្រួល ៖ សាង ស្រីល័ក្ខ

ប្រភព ៖ forbes

ចុចអាន៖ទស្សនៈល្អៗនៃ Mother Teresa កំពូលស្ត្រីដ៏សប្បុរសបំផុតលើលោក

ចុចអាន៖ឧបសគ្គសំខាន់បំផុត៥យ៉ាងសម្រាប់ជីវិតមនុស្សម្នាក់ៗដែលត្រូវបំបែក

Related Topics:សិទ្ធិបញ្ចេញមតិ