សន្តិសុខសង្គម

ក្រុមក្មេងទំនើងដាក់ឈ្មោះខ្លួន ធីម OSH ធ្វើសកម្មភាពកាប់គ្នាតាមភូមិ ត្រូវសមត្ថកិច្ចឃាត់ខ្លួនបាន២នាក់

បានផុស

២ years មុន

នៅ

ថ្ងៃសៅរ៍ ១៨ ធ្នូ ២០២១

ដោយ

បន្ទាយមានជ័យ ៖ ក្រុមក្មេងទំនើងដាក់ឈ្មោះខ្លួនថា ធីម OSH ប្រដាប់ដោយកាំបិតគ្រប់ដៃ តែងតែចេញធ្វើសកម្មភាពកាប់គ្នានៅតាមភូមិ ត្រូវកម្លាំងអាវុធហត្ថក្រុងប៉ោយប៉ែត១ក្រុម ដឹកនាំដោយលោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុងប៉ោយប៉ែតចុះបង្ក្រាបក្រុមក្មេងទំនើងបានចំនួន២នាក់នេះ នៅថ្ងៃទី១៧ ខែធ្នូ ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការឃាត់ខ្លួនក្រុមក្មេងទំនើងបានចំនួន២នាក់នេះ យោងតាមពាក្យបណ្ដឹងរបស់ជនរងគ្រោះ ឈ្មោះ ជាង សុវណ្ណេត ភេទប្រុស អាយុ១៦ឆ្នាំ រស់នៅភូមិផ្សារកណ្ដាល សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ។

តាមពាក្យបណ្តឹងបានឲ្យដឹងថា មុនពេលកើតហេតុនោះក្មេងអន្តពាលដាក់ឈ្មោះក្រុមខ្លួនក្រុមធីម OSH មានសមាជិតក្នុងក្រុមនោះគ្នាប្រហែល៥០នាក់ បានចេញធ្វើសកម្មកាប់ទៅលើជនរងគ្រោះ ដែលមានគ្នា៤នាក់ បណ្ដាលឲ្យរងរបួសខ្នងនិងដៃធ្ងន់១នាក់ដោយសារក្រុមជនរងគ្រោះរត់គេចទាន់ ពេលធ្វើសកម្មភាពរួចពួកគេបានរត់គេចខ្លួនបាត់អស់។

លោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុងបានឲ្យដឹងថា បានប្រាប់អ្នកយកព័ត៌មានឲ្យដឹងថា ១/ឈ្មោះង៉ែត សុគ្រី ហៅទ្រី ភេទប្រុស អាយុ១៨ឆ្នាំ រស់នៅភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ២/.ឈ្មោះ ភួង សេងហុង ភេទប្រុស អាយុ១៧ឆ្នាំ ស្នាក់នៅបន្ទប់ជួល ស្ថិតក្នុងភូមិអូរជ្រៅ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ព្រមទាំងដកហូតម៉ូតូ១គ្រឿង និងជំពាមកៅស៊ូ១ដើម ហើយបញ្ជូនមកមូលដ្ឋានកងរាជអាវុធហត្ថក្រុងដើម្បីសាកសួរ។

លោកវរសេនីយ៍ឯក ម៉ែន ភិរម្យ មេបញ្ជាការរងកងរាជអាវុធហត្ថខេត្ត ទទួលការងារស្រាវជ្រាវ និងបង្ក្រាបបទល្មើសបានឲ្យដឹងថា ការឃាត់ខ្លួនជនសង្ស័យទាំង២នាក់នេះដោយទទួលបានបទបញ្ជាពីលោកឧត្ដមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្តជនសង្ស័យទាំង២នាក់ រួមនឹងវត្ថុតាង កម្លាំងការិយាល័យព្រហ្មទណ្ឌ កងរាជអាវុធហត្ថខេត្តបញ្ជូនទៅសាលាដំបូងខេត្តចាត់ការតាមនីតិវិធីហើយនៅរសៀល ថ្ងៃទី១៨ ខែធ្នូ ឆ្នាំ២០២១នេះ៕

ដោយ ៖ វ៉ាន់ ណាង