សន្តិសុខសង្គម
ម្ចាស់គោអត់ហ៊ានចេញមុខ ពេលគោដើរឆ្លងផ្លូវត្រូវរថយន្តបុក
បាត់ដំបង ៖ រថយន្តមួយគ្រឿង បានរងការខូចខាតយ៉ាងដំណំនៅផ្នែកខាងមុខ ខណៈដែលម្ចាស់កំពុងបើកតាមដងផ្លូវ ក៏បានពើបប្រទះជាមួយសត្វគោដែលដើរឆ្លងផ្លូវយ៉ាងអនាធិបតេយ្យ ទើបបណ្តាលឲ្យបុកតែម្តង ជាសំណាងល្អដែលមិនមានគ្រោះថ្នាក់ដល់ម្ចាស់រថយន្ត។
ករណីគ្រោះថ្នាក់ចរាចរណ៍មួយនេះ បានកើតឡើងកាលពីថ្ងៃទី២៨ ខែធ្នូ ឆ្នាំ២០២១ នៅចំណុចក្តុលតាហែន ក្នុងស្រុកបវេល ខេត្តបាត់ដំបង រវាងរថយន្តនិងសត្វគោមួយក្បាលដែរដើរឆ្លងផ្លូវជាតិ គ្មានការគ្រប់គ្រងពីម្ចាស់ ទើបបង្កឲ្យមានរឿងកើតឡើងបែបនេះ។
យោងតាមការបង្ហោះនៅលើទំព័រហ្វេសប៊ុក របស់ម្ចាស់រថយន្តបានបញ្ជាក់ថា គាត់បានទាក់ទងទៅសមត្ថកិច្ចដែរដើម្បីឲ្យជួយអន្តរាគមន៍ក្នុងការស្រាវជ្រាវរកម្ចាស់គោឲ្យចេញមុខមកទទួលខុសត្រូវលើបញ្ហានេះ ប៉ុន្តែសមត្ថកិច្ចបានតបថា លើកគោដាក់លើឡានយកទៅដើម្បីចប់រឿង ប៉ុន្តែម្ចាស់រថយន្តនៅតែមិនសុខចិត្ត ដោយសារតែខឹងនិងម្ចាស់គោហេតុអីបានជាលែងគោឲ្យដើរពាសវាលពាសកាលបែបនេះ?
លោកអធិការនគរបាលស្រុកបវេល សុខ សារិន បានបញ្ជាក់ថា នៅព្រលប់ថ្ងៃទី២៨ កម្លាំងជំនាញរបស់លោកក៏បានចុះដល់កន្លែងកើតហេតុដែរ ដើម្បីរកដំណោះស្រាយជូនម្ចាស់រថយន្ត នៅទីបំផុតលោកមេភូមិនៅទីនោះបានចេញមុខជំនួសម្ចាស់គោដោយព្រមប្រគល់គោមួយក្បាលនោះទៅម្ចាស់រថយន្ត ព្រមទាំងបានបន្ថែមប្រាក់ចំនួន ៥០ ម៉ឺន ទើបរឿងនេះបានបញ្ចប់។
លោកក៏បានផ្តាំផ្ញើទៅអ្នកដែលចិញ្ចឹមគោ ត្រូវមានស្មារតីទទួលខុសត្រូវ ដោយចងឲ្យបានត្រឹមត្រូវ តែបើលែងឲ្យស៊ីស្មៅក៏ត្រូវមានអ្នកតាមឃ្វាលដែរ មិនត្រូវលែងឲ្យដើរពាសវាលពាសកាលយ៉ាងដូច្នេះនោះទេ សំណាងណាស់ដែលគ្មានមនុស្សគ្រោះថ្នាក់នៅក្នុងរថយន្ត៕
អត្ថបទ ៖ សោ និយមរ័ត្ន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង