សន្តិសុខសង្គម
អាជ្ញាធរស្រុកបាទី ទុកពេល ១៥ ថ្ងៃ ដល់ស្ត្រីឈ្មួញទិញដី ២ នាក់បងប្អូន ដកបង្គោលចេញពីដីលិចទឹក ២០ ហិកតា
ខេត្តតាកែវ៖ ក្រោយបែកធ្លាយករណីទិញលក់ដីលិចទឹក ២០ ហិកតានៅចំនុចភូមិអញ្ចេក ឃុំត្នោត ស្រុកបាទី ខេត្តតាកែវ កាលពីពេលថ្មីនេះ អាជ្ញាធរស្រុកបាទីបានកំណត់ទុករយៈពេល ១៥ ថ្ងៃ ដល់ស្ត្រីឈ្មួញទិញដី ២ នាក់ដែលបានទិញដី និងបោះបង្គោលថ្មជាច្រើនដើម ឱ្យមកដកចេញវិញតាមកាលកំណត់។ នេះបើតាមការឱ្យដឹងពីលោក ភួន ឈីម អភិបាលស្រុកបាទី។
មកដល់ថ្ងៃទី ២៨ ខែមករា ឆ្នាំ ២០២២ នេះ បង្គោលថ្មដែលបានបោះទាំងនោះនៅមិនទាន់ដកនៅឡើយទេ។ ក្រោយបែកធ្លាយរឿងទិញដីលិចទឹកនេះ នៅថ្ងៃទី ២៥ ខែមករា ឆ្នាំ ២០២២ លោក ភួន ឈីម អភិបាលស្រុកបាទីបានឱ្យលោក អ៊ុក សំបូរ មេឃុំត្នោត ចេញសេចក្តីជូនដំណឹងទៅអ្នកដែលទិញដីលិចទឹកនោះមកដកបង្គោលចេញវិញ ដោយទុករយៈពេល ១៥ ថ្ងៃ ត្រឹមថ្ងៃទី ១០ ខែកុម្ភៈ ឆ្នាំ ២០២២ បើមិនមកដកទេ រដ្ឋបាលសាលាស្រុកនឹងចុះទៅដកបង្គោលថ្មទាំងនោះមករក្សាទុកនៅសាលាស្រុក។
តាមប្រភពពីប្រជាពលរដ្ឋ អ្នកទិញដីលិចទឹករបស់រដ្ឋនៅចំនុចភូមិ ឃុំខាងលើ មានស្ត្រី ២ នាក់ គឺ អ្នកស្រី ភឿង សុខហួង និងប្អូនស្រីឈ្មោះ ភឿង សុខម៉េង រស់នៅរាជធានីភ្នំពេញ ដោយពួកគាត់បានដើរបញ្ចុះបញ្ចូលប្រជាពលរដ្ឋដែលអាស្រ័យផល ដាំស្មៅ និងធ្វើស្រែប្រាំង លើដីលិចទឹករបស់រដ្ឋនោះ លក់ដីទៅឱ្យពួកគាត់ ហើយពួកគាត់នឹងសុំគោលការណ៍ទៅអាជ្ញាធរពាក់ព័ន្ធ និងរាជរដ្ឋាភិបាលធ្វើអនុប្រយោគនូវដីលិចទឹកដែលគាត់បានទិញទាំងនោះ។
ដោយឡែកបើតាមការបញ្ជាក់ពីក្រុមប្រឹក្សាឃុំត្នោតដែលសុំមិនបញ្ចេញឈ្មោះ លើកឡើងថា ស្ត្រីទាំង ២ បានដើរបញ្ចុះបញ្ចូលទិញដីខាងលើពីប្រជាពលរដ្ឋ ដោយសារពលរដ្ឋមានការខ្វះខាតក្នុងគ្រួសារផង ក៏ចាប់ផ្តើមលក់ដីលិចទឹកជាបន្តបន្ទាប់រហូតមានការបោះបង្គោលវាតទីយកដូចសព្វថ្ងៃនេះ។
ប្រភពពីក្រុមប្រឹក្សាស្រុកដដែលបញ្ជាក់ថា មិនមែនលោកមេឃុំត្នោត អ៊ុក សំបូរ មិនដឹងពីការទិញលក់ដីលិចទឹកនៅភូមិអញ្ចេកនេះទេ តែប្រហែលជាគាត់បានលាភសក្ការៈ ទើបហ៊ានបិទបាំងរឿងនេះទៅថ្នាក់លើ ហើយម្យ៉ាងទៀតមេភូមិអញ្ចេកជាអ្នកដើរវាស់ដី បោះបង្គោល ឱ្យស្ត្រីទាំង២នាក់។
ប្រជាពលរដ្ឋជាច្រើនរស់នៅភូមិ ឃុំខាងលើបានសំណូមពរទៅអាជ្ញាធរមានសមត្ថកិច្ចចាត់វិធានការផ្លូវច្បាប់ទាំងអ្នកទិញ និងអ្នកលក់ទិញដីលិចទឹកដែលជាដីរបស់រដ្ឋ និងសូមរក្សាដីលិចទឹកនេះសម្រាប់បម្រើជាប្រយោជន៍រួម៕
អត្ថបទ៖ វីរៈ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ