សន្តិសុខសង្គម
លួចចូលផ្ទះ កាប់ប្លន់យកទ្រព្យសម្បត្តិ តែមិនសម្រេច ត្រូវសមត្ថកិច្ចវាយខ្នោះ
ភ្នំពេញ ៖ ជនសង្ស័យម្នាក់ ត្រូវបានកម្លាំងនគរបាលប៉ុស្តិ៍រដ្ឋបាលនគរបាល ចាក់អង្រែលើ ធ្វើការឃាត់ខ្លួនភ្លាមៗ បន្ទាប់ពីរូបគេធ្វើសកម្មភាព ចូលទៅកាប់ប្លន់ទ្រព្យសម្បត្តិក្នុងផ្ទះពលរដ្ឋម្នាក់ នៅចំណុចផ្ទះលេខ៥៦០ ផ្លូវជាតិលេខ២ ក្រុម១១ ភូមិព្រែកតាគង់២ សង្កាត់ ចាក់អង្រែលើ ខណ្ឌមានជ័យ កាលពីវេលាម៉ោង១៩ និង៣០នាទីយប់ថ្ងៃទី២៥ ខែមិនា ឆ្នាំ២០២២។
ជនសង្ស័យ មានឈ្មោះ នី សម្បត្តិ ហៅ ញ៉ា ភេទ ប្រុស អាយុ ៤០ ឆ្នាំ ជនជាតិ ខ្មែរ មានទីលំនៅ និងមុខរបរ មិនពិតប្រាកដ ។ ជនសង្ស័យ មានផ្ទុកសារធាតុញៀន ផង ។ ដោយឡែក ជនរងគ្រោះ ជាម្ចាស់ផ្ទះ មានឈ្មោះ អន ម៉ាលីស ភេទស្រី អាយុ២៨ឆ្នាំ។
តាមប្រភព មន្ត្រីសមត្ថកិច្ច ឲ្យដឹងថា នៅវេលាកើតហេតុ ជនរងគ្រោះកំពុងសម្រាក នៅក្នុងផ្ទះតែម្នាក់ឯង ដោយចំហរទ្វារ ចោល។ ស្របពេលជាមួយគ្នានោះ ក៏ស្រាប់តែលិចមុខ ជនសង្ស័យខាងលើ ប្រដាប់ដោយកាំបិត២ដើម ( តូច១ធំ១ ) បានចូលទៅធ្វើសកម្មភាពលួចទ្រព្យសម្បត្តិជនរងគ្រោះ បណ្តាលអោយរងរបួសដៃ តែពេលនោះ ជនរងគ្រោះបានឃើញ ក៏បានស្រែកឆោឡោ ធ្វើអោយជនសង្ស័យស្ទុះទៅខាងក្រៅផ្ទះបំណងរត់គេចខ្លួន តែត្រូវពលរដ្ឋក្បែរខាងតំបន់នោះ នាំគ្នា ជួយចាប់ឃាត់បានភ្លាមៗ តែម្តង។
បន្ទាប់ពីកើតហេតុ កម្លាំងសមត្ថកិច្ចមូលដ្ឋាន បានចុះអន្តរាគមន៍ធ្វើការឃាត់ខ្លួន ជនសង្ស័យខាងលើ បញ្ជូនទៅកាន់ ប៉ុស្តិ៍រដ្ឋបាលមូលដ្ឋាន។ ក្នុងនោះសមត្ថកិច្ចក៏បានណែនាំ អោយជនរងគ្រោះ ទៅដាក់ពាក្យបណ្តឹងនៅប៉ុស្តិ៍រដ្ឋបាលនគរបាលចាក់អង្រែលើ ដើម្បី បន្តនីតិវិធីច្បាប់លើ ជនសង្ស័យផងដែរ។
បច្ចុប្បន្ន ជនសង្ស័យត្រូវឃុំខ្លួនបណ្តោះអាសន្ន និងរង់ចាំកសាងសំណុំរឿង បញ្ជូនទៅតុលាការ ចាត់ការទៅតាមនីតិវិធីច្បាប់ នៅពេលក្រោយ ផងដែរ៕
ដោយ ៖ លី ហេង
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ