Connect with us

សន្តិសុខសង្គម

ចាប់ខ្លួនក្រុមលួចដែកស្ពានជ្រោយចង្វារបញ្ជូនមកអធិការខណ្ឌ

បានផុស

នៅ

នៅព្រឹកថ្ងៃទី៣១ ខែឧសភា ឆ្នាំ២០២២នេះ កម្លាំងប៉ុស្តិ៍នគរបាលរដ្ឋបាលស្រះចក នៃអធិការដ្ឋាននគរបាលខណ្ឌដូនពេញ បានបញ្ជូនក្រុមជនសង្ស័យ២នាក់ដែលបានលួចដែកស្ពានជ្រោយចង្វារ ទៅអធិការខណ្ឌដើម្បីកសាងនិតិវិធីច្បាប់។

សមត្ថកិច្ចមូលដ្ឋានបានបញ្ជាក់ថា ករណីនោះបានប្រព្រឹត្តិនៅចំណុចស្ពានមិត្តភាពកម្ពុជា-ជប៉ុន (ស្ពានជ្រោយចង្វារ) ភូមិ១៦ សង្កាត់ស្រះចក ខណ្ឌដូនពេញ រាជធានីភ្នំពេញ កាលពីថ្ងៃទី៣០ ខែឧសភា ឆ្នាំ២០២២ វេលាម៉ោង១៦ និង០០នាទី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថា ជនសង្ស័យមានឈ្មោះ ១-ឈ្មោះ សាំង វីរៈ ភេទប្រុស អាយុ៤០ឆ្នាំ ជនជាតិខ្មែរ មុខរបរ និងទីលំនៅមិនពិតប្រាកដ(ឃាត់ខ្លួន)។ ២-ឈ្មោះ វ៉ាន់ ម៉ៅ ភេទប្រុស អាយុ៣៨ឆ្នាំ ជនជាតិខ្មែរ មុខរបរ និងទីលំនៅមិនពិតប្រាកដ(ឃាត់ខ្លួន)។

ក្រោយការចាប់ខ្លួន សមត្ថកិច្ចបានរកឃើញ ដែកកញ្ចាប់ស្ពានចំនួន០៦ដើម, ដែកបំពង់ទីបប្រវែងប្រហែល០១តឹកចំនួន០៣កង់ និងដែកបំពង់ទីបប្រវែងប្រហែល០២ម៉ែត្រចំនួន០១ដើម (ប្រគល់ឲ្យឈ្មោះ ទុំ ទូច នគរបាលការពារស្ពានជ្រោយចង្វារយកទៅរក្សាទុកជាបណ្តោះអាសន្ន)។ -សោរម៉ាឡេតម៉ាក FORGED STEEL លេខ១០-២៥០MM មួយដើម។

សមត្ថកិច្ចបានឲ្យដឹងថា កាលពីថ្ងៃទី៣០ ខែឧសភា ឆ្នាំ២០២២ វេលាម៉ោង១៦និង០០នាទី កម្លាំងនគរបាលការពារស្ពានជ្រោយចង្វារ ដឹកនាំដោយលោក ទុំ ទូច ដើរល្បាតលើស្ពានលឺសំលេងដែកធ្លាក់នៅក្នុងប្រអប់តួស្ពាន ដោយមានការសង្ស័យ នាំគ្នាចុះត្រួតពិនិត្យឃើញជនសង្ស័យទាំងពីរនាក់កំពុងធ្វើសកម្មភាពលួចដោះដែកស្ពាន ក៏ធ្វើការឃាត់ខ្លួននាំមកប្រគល់ឲ្យសមត្ថកិច្ចប៉ុស្តិ៍នគរបាលរដ្ឋបាលស្រះចក ធ្វើការសាកសួរ និងបញ្ជូនបន្តមកអធិការនគរបាលខណ្ឌដូនពេញ ដើម្បីកសាងសំណុំរឿងចាត់ការតាមនិតិវិធីច្បាប់៕

អត្ថបទ៖ រស្មី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម