ឆេះត្រាក់ទ័រមួយគ្រឿងទាំងព្រឹក នៅមុខសាលាសង្កាត់វាលស្បូវ

ត្រាក់ទ័រថ្មីចែស ម៉ាSD300 ពណ៌លឿងបានរងការឆេះមួយកំណាត់ក្រោយក្នុងពេលកំពុងបើកបរ។
ហេតុការណ៍នេះបានកើតឡើងកាលពីវេលាម៉ោង៧ព្រឹក ថ្ងៃទី៣ ខែមិថុនា ស្ថិតនៅមុខសាលាសង្កាត់វាលស្បូវ តាមបណ្តោយផ្លូវជាតិលេខ១ សង្កាត់វាលស្បូវ ខណ្ឌច្បារអំពៅ រាជធានីភ្នំពេញ។

យោងតាមប្រភពពីលោកវរសេនីយ៍ទោ ឯក សារ៉ន អធិការរងនគរបាលខណ្ឌច្បារអំពៅ បានឲ្យដឹងថា មុនពេលកើតហេតុគេបានឃើញបុរសម្នាក់បើកត្រាក់ទ័រខាងលើដោយធ្វើដំណើតាមបណ្តោយផ្លូវជាតិលេខ១ ក្នុងទិសដៅពីកើត​មកលិច។ លុះមកដល់មុខសាលាសង្កាត់វាលស្បូវ ស្រាប់តែចេញអណ្តាតភ្លើងពីក្រោយបង្កឲ្យអ្នកបើកបរឈប់អែបខាងស្រែកឲ្យគេជួយប៉ុន្តែពុំមានអ្នកណាហ៊ានជួយរហូតដល់នគរបាលខណ្ឌច្បារអំពៅធ្វើការស្នើសុំរថយន្តពន្លត់អគ្គិភ័យរបស់បុរីប៉េង ហួត ចំនួន១គ្រឿងចេញមកជួយបាញ់ពន្លត់ទើបរលត់ទៅវិញដោយគ្រាន់តែខូចខាតមួយកំណាត់ក្រោយ។

លោក ឯក សារ៉ន បានបញ្ជាក់ថា មកដល់ពេលនេះនៅមិនទាន់ដឹងពីមូលហេតុដែលបង្កឲ្យឆេះនេះឡើយ ខណះដែលអ្នកបើកបរបានគេចខ្លួនបាត់៕

អត្ថបទ៖ នរា