ព័ត៌មានអន្ដរជាតិ
ថៃ ញាប់ដៃញាប់ជើងទាមទារយករូបចម្លាក់សំរឹទ្ធសតវត្សទី ១១ របស់ កម្ពុជា ពី អាមេរិក
អ្នកបុរាណវិទ្យារបស់ប្រទេសថៃកំពុងតែញាប់ដៃញាប់ជើងនឹងបេសកកម្មប្រមូលផ្ដុំឯកសារ ក៏ដូចជាភស្តុតាងនានាដើម្បីយកមកវិញនូវរូបចម្លាក់សំរឹទ្ធរបស់កម្ពុជា ដែលគេជឿថាជា ព្រះបាទជ័យវរ្ម័នទី ៦ ពីសារមន្ទីរ Metropolitan នៅសហរដ្ឋអាមេរិក ។
លោក Tanongsak Hanwong អ្នកបុរាណវិទ្យាបានអះអាថា រូបចម្លាក់សំរឹទ្ធដែលគេស្គាល់ថាជា “Golden Boy ឬក្មេងប្រុសមាស” និងមានកម្ពស់ប្រហែល ១.១ ម៉ែត្រ ជាចម្លាក់រចនាប័ទ្មថៃភីម៉ៃដែលមិនមាននៅក្នុងប្រទេសកម្ពុជានោះទេ ហើយវាជាតំណាងមនុស្ស មិនមែនជាព្រះទេ គឺត្រូវគ្នានឹងជំនឿដែលថា ព្រះបាទជ័យវរ្ម័នទី៦ ជាពុទ្ធសាសនិក ។
អ្នកបុរាណវិទ្យារូបនេះបាននិយាយថា គាត់មានទំនុកចិត្តថា ចម្លាក់នេះមានដើមកំណើតនៅប្រាសាទ Ban Yang ក្នុងភូមិ Ban Yang ស្រុក Lahan Sai នៃខេត្ត Buri Ram ដូចដែលលោកបានដកស្រង់ចេញពីសៀវភៅ “មាសខ្មែរ ឬ Khmer Gold” ។
ប៉ុន្តែបច្ចុប្បន្នលោក Tanongsak ក៏កំពុងតែចុះទៅតាមខេត្តនានាដើម្បីសាកសួរប្រជាជននៅតំបន់នោះពីវត្តមានរបស់រូបចម្លាក់នេះនៅប្រទេសថៃកាលពី ៥០ ឆ្នាំមុន និងប្រមូលភស្តុតាងនានាពីការទិញដូរចម្លាក់នេះនាសម័យនោះផងដែរ ។
ចំណែកអគ្គនាយកនៃនាយកដ្ឋានវិចិត្រសិល្បៈថៃលោក Kittiphan Phansuwan បាននិយាយថា បច្ចុប្បន្នយើងត្រូវការភស្តុតាងបន្ថែមទៀត មុនពេលបន្តស្នើសុំសហរដ្ឋអាមេរិកឲ្យប្រគល់រូបចម្លាក់នេះមកប្រទេសថៃវិញ ។
គួរបញ្ជាក់ថា រូបចម្លាក់ដែលគេជឿថាជា ព្រះបាទជ័យវរ្ម័នទី ៦ គឺជាចម្លាក់បុរាណខ្មែររចនាប័ទ្មបាពួននាសតវត្សទី ១១ មានប្រភពមកពីខេត្តសៀមរាប នៃប្រទេសកម្ពុជា ខណៈក្នុងសម័យនោះ វត្ថុបុរាណពីកម្ពុជាជាច្រើនត្រូវបាននាំចូលទៅលក់នៅប្រទេសថៃ ដែលជាទីផ្សារវត្ថុបុរាណដ៏ធំ ៕
ប្រែសម្រួលដោយ ៖ ជីវ័ន្ត
ប្រភព ៖ Thai PBS
ចុចអាន ៖ តម្រូវការអង្កររបស់ ថៃ នឹងកើនឡើង ខណៈសង្គ្រាម អ៊ុយក្រែន នៅតែបន្ត
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង