ជីវិតកម្សាន្ដ

ភរិយា លាន អាព្រីលគីនីន សុំទោសជាសាធារណ:ក្រោយលេងសើចជ្រុល

បានផុស

៨ ខែ មុន

នៅ

ថ្ងៃសុក្រ ៨ កក្កដា ២០២២

ដោយ

បន្ទាប់ពីផ្ទុះការរិះគន់ជាច្រើននៅលើបណ្តាញក្រោយពេលដែលលោក លាន អាព្រីលគីនីន និងភរិយាបាននិយាយក្នុងការឡាយកាលពីថ្មីៗ ដោយធ្វើការដៀលនារីៗដែលឈ្មោះ ល័ក្ខ ថា «មនុស្សស្រីឲ្យតែឈ្មោះហ្នឹងច្រើនតែជាស្រីចង្រៃលើលោក » ពេលនេះ ចែរី ដែលជាភរិយា អាព្រីលគីនីន បានចេញមុខសុំទោសមហាជនជាសាធារណ:នូវកំហុសឆ្គងអចេតនា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមខ្លឹមសារនៅក្នុងវីដេអូរបស់ភរិយាលោក លាន អាព្រីលគីនីន ដែលធ្វើការសុំទោសមហាជនកាលពីរសៀលថ្ងៃទី០៧ ខែកក្កដា ឆ្នាំ២០២២ អ្នកនាងបានបញ្ជាក់ថា នោះគឺគ្រាន់តែជាវីដេអូលេងសើចប៉ុណ្ណោះ ពោលគឺពួកគេមិនមានចេតនាអាក្រក់ណាមួយក្នុងកាតិះដៀលដល់បងប្អូនស្រ្តីដែលឈ្មោះ «ល័ក្ខ» ឡើយ។

ភរិយាលោក អាព្រីលគីនីន បាននិយាយទៀតថា «ខ្ញុំសុំអភ័យទោសចំពោះវីដេអូដែលចេញទៅហ្នឹង។ ការពិតវីដេអូដើមរបស់វាខ្ញុំមិនបាច់និយាយអីទៀតទេប៉ុន្តែមានជនមួយចំនួនដែលគាត់ឆ្លៀតឱកាសគាត់ក៏កាត់វីដេអូហ្នឹងទៅ ហើយខ្ញុំដឹងថាបងប្អូនជាច្រើនគាត់បានឃើញហើយខ្ញុំទទួលស្គាល់ថាវាជាកំហុសអចេតនារបស់ខ្ញុំនិងគ្រួសារ ដូច្នេះបើខ្ញុំប្រើពាក្យសម្តីលើសលោះទៅកាន់បងប្អូនប្រជាពលរដ្ឋទាំងអស់នាងខ្ញុំសុំខន្តីអភ័យទោសចំពោះបងប្អូនទូទាំងប្រទេសដែលបានធ្វើឱ្យបងប្អូនទាំងអស់គ្នាខឹងសម្បារលើរូបនាងខ្ញុំ»។

អ្នកនាងលើកឡើងដែរថា កាលដែលយើងខុសគឺត្រូវតែសុំទោសតែបើធ្វើខុសហើយមិនចេះសុំទោសគេ ហៅថាមនុស្សមិនស្គាល់ខុស។ អ៊ីចឹងយើងសុំអភ័យទោសហើយវាគឺជាកំហុសអចេតនាមួយដែលយើងការនិយាយស្តីលេងសើចទៅកាន់បងប្អូនទាំងអស់គ្នាដោយពុំបានគិតពិចារណាទុកជាមុន។