Connect with us

ព័ត៌មានជាតិ

អូស្ត្រាលីផ្តល់វ៉ាក់សាំង Pfizer ជិត៥សែនដូស ដល់កម្ពុជាសម្រាប់ចាក់លើកុមារ

បានផុស

នៅ

រដ្ឋាភិបាលអូស្ត្រាលីបានផ្តល់វ៉ាក់សាំងបង្ការជំងឺកូវីដ១៩ ប្រភេទ Pfizer ចំនួន៤៨២ ៤០០ ដូស ដល់រាជរដ្ឋាភិបាលកម្ពុជា សម្រាប់ចាក់ទៅលើកុមារដែលមានអាយុ៥ឆ្នាំដល់១១ឆ្នាំ។

លោក ប៉ាប្លូ កាង ឯកអគ្គរដ្ឋទូតអូស្ត្រាលីប្រចាំព្រះរាជាណាចក្រកម្ពុជា បានមានប្រសាសន៍ក្នុងពិធីប្រគល់ទទួលវ៉ាក់សាំង Pfizer ដែលជាជំនួយរបស់រដ្ឋាភិបាលអូស្ត្រាលីនៅព្រឹកថ្ងៃទី៨ ខែកក្កដា នៅព្រលានយន្តហោះអន្តរជាតិភ្នំពេញ​ថា ក្នុងចំណោមវ៉ាក់សាំងបង្ការជំងឺកូវីដ១៩ប្រភេទ Pfizer ចំនួន៤៨២ ៤០០ដូស ក្នុងនោះបានដឹកមកដល់ប្រទេស​កម្ពុជាចំនួនចំនួន ១៩៦ ៨០០ដូស ដែលបានធ្វើពិធីប្រគល់និងទទួលនៅព្រឹកថ្ងៃទី៨ ខែកក្កដានេះ។ ចំណែកវ៉ាក់
សាំងនៅសល់ចំនួន២៨៥៦០០ដូសទៀតនឹងដឹកមកជាបន្តបន្ទាប់ទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឯកអគ្គរាជទួតបានបន្តទៀតថា វ៉ាក់សាំងសម្រាប់កុមារនាពេលនេះ គឺជាការបន្ថែមទៅលើជំនួយវាក់សាំង Pfizer ចំនួន ២,៣៥ លានដូស ទូបង្កកត្រជាក់ និងទូបង្កកត្រជាក់បំផុត សរុបទាំងអស់ចំនួន១៣៣គ្រឿង និងគ្រឿងបរិក្ខាចាំបាច់ផ្សេងៗទៀត ដែលជាជំនួយទ្វេភាគី របស់ប្រទេសអូស្ត្រាលី។ ជំនួយទាំងនេះគឺជាផ្នែកមួយនៃជំនួយអូស្ត្រាលី
ដែលមានថវិកាចំនួន៣៥,៧លានដុល្លាអូស្ត្រាលី ដែលជាការប្ដេជ្ញាចិត្តគ្រប់ជំហានទាំងអស់ ឆ្ពោះទៅរកយុទ្ធនាការចាក់វាក់សាំងប្រកបដោយសុវត្ថិភាពប្រសិទ្ធិភាព និងសមភាព នៅកម្ពុជា។

លោក ប៉ាប្លូ កាង បានបន្ថែមថា « ប្រទេសអូស្ត្រាលី និងប្រទេសកម្ពុជា មានទំនាក់ទំនងជាប្រវត្តិសាស្ត្រដ៏យូរអង្វែង រយៈពេល៧០ឆ្នាំ ក្នុងចំណងមិត្តភាព និងភាពជាដៃគូ។ យើងប្តេជ្ញាសហការជាមួយប្រទេសកម្ពុជាដើម្បីឆ្លើយតបនឹងជំងឺកូវីដ-១៩ រួមទាំងគោលបំណងរួមរបស់យើងក្នុងការពង្រឹងប្រព័ន្ធសុខាភិបាល ជាទូទៅរបស់កម្ពុជា»។

លោកឯកអគ្គរាជទូតបានបន្ថែមទៀតថា «ក្រសួងសុខាភិបាល និងដៃគូអភិវឌ្ឍន៍សុខាភិបាល បាននិងកំពុងឈរនៅជួរមុខ ក្នុងយុទ្ធនាការអស់រយៈកាលដ៏យូរ និងមិនចេះនឿយហត់ ដើម្បីការពារប្រជាពលរដ្ឋកម្ពុជា ហើយឥឡូវនេះ
យើងមកដល់ដំណាក់កាល ដែលត្រូវសម្លឹងឆ្ពោះទៅ កាន់អនាគត។ កុមារដើរតួនាទីដ៏សំខាន់សម្រាប់អនាគត ដូច្នេះវាជាការសំខាន់ណាស់ ដែលកុមារត្រូវមានសុវត្ថិភាពដើម្បីរៀនសូត្រ លេងកំសាន្ដ និងធំធាត់»។

លោកឯកអគ្គរាជទូតបានបញ្ជាក់ទៀតថា ប្រទេសអូស្ត្រាលី នឹងបន្តឈរជាមួយកម្ពុជាក្នុងការឆ្លើយតបនឹងជំងឺរាតត្បាតជាសកលនេះ និងរក្សាការប្ដេជ្ញាចិត្តក្នុងការសហការគ្នា ដើម្បីធានាឲ្យមានសុវត្ថិភាព និងវិបុលភាព
ជូនដល់ប្រជាពលរដ្ឋរបស់យើង ប្រទេសរបស់យើង និងតំបន់របស់យើង។

លោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល បានសម្ដែងអំណរគុណយ៉ាងជ្រាលជ្រៅជូនចំពោះ រដ្ឋាភិបាល និងប្រជាជនប្រទេសអូស្ត្រាលី ជាពិសេសឯកអគ្គរដ្ឋទូតអូស្ត្រាលីប្រចាំព្រះរាជាណាចក្រកម្ពុជា អង្គការយូនីសេហ្វ(UNICEF) និងដៃគូអភិវឌ្ឍន៍ ដែលបានសហការសម្របសម្រួលទាំងបច្ចេកទេសវីងថវិកា ជំរុញឱ្យកម្ពុជាបានទទួលវ៉ាក់សាំងកូវីដ-១៩ ទាន់ពេលវេលា។

លោករដ្ឋមន្ត្រីបានមានប្រសាសន៍ថា ជំនួយវ៉ាក់សាំងនេះគឺជាចំណងមិត្តភាព និងកិច្ចសហប្រតិបត្តិការកម្ពុជា-អូស្ត្រាលី
បានបង្កើតនូវកាលានុវត្តភាពថ្មីមួយទៀតបន្ទាប់ពីកម្ពុជាបានទទួលទូបង្កកត្រជាក់ខ្លាំងចំនួន៣៣គ្រឿង ទូទឹកកករក្សាវ៉ាក់សាំង ចំនួន១០០គ្រឿង និងបរិក្ខារប្រព័ន្ធត្រជាក់ដទៃទៀត កាលពីថ្ងៃទី២៨ ខែកុម្ភៈ ឆ្នាំ២០២២កន្លងទៅនេះ។

ចំណែកលោក អានឺបាន ឆាតទើជី តំណាងអង្គការយូនីសេហ្វប្រចាំប្រទេសកម្ពុជាបានមានប្រសាសន៍ថា ជំនួយវ៉ាក់សាំងចំនួន១៩៦ ៨០០ដូសដែលមកដល់ថ្ងៃនេះ និងវ៉ាក់សាំងនៅសល់ចំនួន២៨៥៦០០ដូសទៀត នឹងដឹកមកដល់នៅខែខាងមុនេះនឹងជាប្រយោជន៍សម្រាប់កុមារប្រទេសកម្ពុជាចាប់ពីអាយុ៥ឆ្នាំដល់១១ឆ្នាំ។

លោកបានបន្តថា «យើងត្រូវបន្តការគាំទ្រចំពោះកុមារដែលជាបេះដូងនៃការស្តារឡើងវិញហើយត្រូវធ្វើឱ្យមានភាពប្រាកដប្រជាថាសេវាសុខាភិបាលដល់ម្តាយនិងកុមារត្រូវតែរក្សានិងពង្រឹងហើយឱ្យពួកគេមានឱកាសក្នុងការទទួលបានការអប់រំនិងទទួលបានការលូតលាស់ពីការការពារគ្រោះថ្នាក់នៅពេលពយកគេមានវ័យជាយុវជនវ័យក្មេង»។

លោកសូមសំដែងនូវកោតសរសើរចំពោះក្រសួងសុខាភិបាលដែលមានលោកសាស្ត្រាចារ្យ ម៉ម ប៊ុនហេង ជារដ្ឋមន្ត្រីដែលបានដឹកនាំយ៉ាងរឹងមាំក្នុងការឆ្លើយតបចំពោះជំងឺកូវីដ១៩ និងការធានាបាននូវប្រព័ន្ធភាពធន់សុខាភិបាលរាប់បញ្ចូលទាំងការពង្រឹងនូវសេវាកម្មសុខភាពបឋមផងដែរ៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៧ នាទី មុន

ចិន បញ្ជូនយន្តហោះនិងនាវា រាប់សិបគ្រឿង ទៅច្រកសមុទ្រ តៃវ៉ាន់

ព័ត៌មានជាតិ៩ នាទី មុន

បណ្ឌិត យង់ ពៅ ៖ បណ្ដាអង្គទូតនានា មិនចេះតែប្រតិកម្មផ្ដេសផ្ដាសនោះទេ

ព័ត៌មានជាតិ៣៧ នាទី មុន

សុខភាពជាដើមទុន នៃសុភមង្គល ម៉ាស៊ីនថែទាំសុខភាពវៃឆ្លាតពហុមុខងារ Sang Yang ជាគ្រូពេទ្យការពារសុខភាពដ៏ចំណាន

កីឡា២ ម៉ោង មុន

វគ្គបណ្តុះបណ្តាលអាជ្ញាកណ្តាល ចៅក្រម កីឡាការ៉ាតេថ្នាក់ជាតិ ជាសញ្ញាវិជ្ជមានដ៍ល្អ ស្របពេលកម្ពុជាធ្វើម្ចាស់ផ្ទះកីឡាស៊ីហ្គេម

ព័ត៌មានអន្ដរជាតិ២ ម៉ោង មុន

វៀតណាម ហាមយានយន្តទាំងអស់មិនឲ្យជិះឆ្វេចឆ្វាចនៅទីក្រុងហូជីមិញ ថ្ងៃចូលឆ្នាំ ចិន

Sokha Hotels

ព័ត៌មានពេញនិយម