សន្តិសុខសង្គម
ស្លាប់មួយ របួសបួននាក់ ដោយគ្រោះថ្នាក់ចរាចរណ៍ខេត្តស្វាយរៀង
(ខេត្តស្វាយរៀង)៖ បុរសម្នាក់បានស្លាប់ភ្លាមៗនៅកន្លែងកើតហេតុ និងមនុស្ស៤នាក់ទៀតរងរបួសធ្ងន់ស្រាល ក្នុងករណីគ្រោះថ្នាក់ចរាចរណ៍មួយដែលបង្កដោយម៉ូតូស្កុបពី ២គ្រឿងបត់ឆ្វេងមិនប្រយ័ត្នត្រូវម៉ូតូឌ្រីមសង់C125 ធ្វើដំណើរបញ្ច្រាស់ទិសគ្នាបុកពេញទំហឹង។ ករណីគ្រោះថ្នាក់ចរាចរណ៍នេះ បានកើតកាលពីវេលាម៉ោង ២០:២៥នាទីយប់ ថ្ងៃ៦ ខែមិថុនា ឆ្នាំ២០២២ នៅលើផ្លូវជាតិលេខ០១ Km១២១/១២២ ស្ថិតក្នុងភូមិធ្មល់ សង្កាត់ចេក ក្រុងស្វាយរៀង ។
យោងតាមសមត្ថកិច្ចបានឱ្យដឹងថា នៅមុនពេលកើតហេតុមានម៉ូតូ២គ្រឿង ទី១.ម៉ូតូម៉ាក ហុងដាស្កូបពី ពណ៌ស ពាក់ផ្លាកលេខ ភ្នំពេញ 1FZ-1898 បើកបរដោយឈ្មោះ ឆន ដាវិត ភេទប្រុស អាយុ២២ឆ្នាំ បុគ្គលិកកាស៊ីណូ រស់នៅភូមិជៀសឫស្សី ឃុំកំពង់ចំឡង ស្រុកស្វាយជ្រំ ខេត្តស្វាយរៀង បើកបរពីកើតទៅលិច(ពាក់មួកសុវត្ថិភាព រងរបួសធ្ងន់ )។ ទី២ ម៉ូតូមួយគ្រឿងទៀតម៉ាក ហុងដាស្កូបពី ពណ៌សលាយផ្កាឈូក ពាក់ផ្លាកលេខ ភ្នំពេញ 1I-8848 បើកបរដោយឈ្មោះ ឃឹម ប្រសិត ភេទប្រុស អាយុ២៥ឆ្នាំ មុខរបរកម្មកររោងចក្រ រស់នៅភូមិជៀសឫស្សី ឃុំកំពង់ចំឡង ស្រុក ស្វាយជ្រំ ខេត្តស្វាយរៀង បើកបរពីកើតទៅលិច (មិនពាក់មួកសុវត្ថិភាព រងរបួសស្រាល) និងអ្នករួមដំណើរឈ្មោះ ប៊ិន រ៉ាន់ ភេទប្រុស អាយុ ២៧ឆ្នាំ មុខរបរកម្មកររោងចក្រ រស់នៅភូមិវាលល្ងើត ឃុំកំពង់ចំឡង ស្រុកស្វាយជ្រំ ខេត្ត ស្វាយរៀង មិនពាក់មួកសុវត្ថិភាព រងរបួសធ្ងន់។
ប្រភពបានបន្តទៀតថា លុះមកដល់ចំណុចកើតហេតុខាងលើស្រាប់តែមានម៉ូតូមួយគ្រឿងទៀតម៉ាក ហុងដាសេ១២៥ ពណ៌ខ្មៅ ពាក់ផ្លាកលេខស្វាយរៀង 1P-6873 បើកបរដោយឈ្មោះ ឌឿន សុកវិសាល ភេទប្រុស អាយុ១៩ឆ្នាំ មុខរបរ ជាងឡាន រស់នៅភូមិធ្លក ឃុំធ្លក ស្រុក ស្វាយជ្រំ ខេត្តស្វាយរៀង មិនពាក់មួកសុវត្ថិភាព ( ស្លាប់នៅកន្លែងកើតហេតុ ) និងអ្នករួមដំណើរឈ្មោះ ស៊ិន សុវណ្ណ ភេទប្រុស អាយុ១៦ឆ្នាំ រស់នៅភូមិឃុំជាមួយគ្នា មិនពាក់មួកសុវត្ថិភាព រងរបួសធ្ងន់ ។
បន្ទាប់ពីមានករណីគ្រោះថ្នាក់ចរាចរណ៍ គេឃើញមានសមត្ថកិច្ចចុះមកវាស់វែងនិងសម្រួលចរាចរណ៍នៅកន្លែងកើតហេតុនិងហៅរថយន្តសង្គ្រោះដឹកអ្នករងរបួសស្រាលធ្ងន់ទៅសង្គ្រោះនៅមន្ទីរពេទ្យខេត្តស្វាយរៀង។
រីឯសពប្រគល់អោយក្រុមគ្រួសារយកទៅធ្វើបុណ្យតាមប្រពៃណី។ ចំណែកមធ្យោបាយទាំងអស់យករក្សាទុកនៅអធិការក្រុងស្វាយរៀងដើម្បីរងចាំដោះស្រាយគ្នានៅពេលក្រោយ៕ ដោយ:ភក្ដី
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត