Connect with us

សន្តិសុខសង្គម

ស្នងការខេត្តកោះកុង បញ្ជាឲ្យអធិការក្រុងខេមរភូមិន្ទ ពិនិត្យបង្រ្កាបទីតាំងចាក់បាល់អនឡាញ ១កន្លែង

បានផុស

នៅ

លោកស្នងការនគរបាលខេត្តកោះកុង បានបញ្ជាឲ្យអធិការនគរបាលក្រុងខេមរភូមិន្ទ និងមេប៉ុស្តិ៍នគរបាលរដ្ឋបាលសង្កាត់ស្មាច់មានជ័យ ចុះពិនិត្យ និងតាមដានបង្រ្កាបទីតាំងល្បែងស៊ីសងចាក់បាល់អនឡាញ ១កន្លែង នៅម្តុំរង្វង់មូលលោក​យាយ​រែកផ្លែឈើ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការដាក់បទបញ្ជាបែបនេះ របស់លោកស្នងការនគបាលខេត្តកោះកុង ធ្វើឡើងក្រោយមានព័ត៌មានរាយការណ៍ពីប្រជាពលរដ្ឋបារម្ភ ធ្វើឲ្យប៉ះពាល់ដល់គោលនបាយោបាយភូមិឃុំ-សង្កាត់សុវត្ថិភាព របស់រាជរដ្ឋាភិបាល ចំពោះអ្នកមានអំណាចលួចបើកទីតាំងលេងល្បែងស៊ីសងចាក់បាល់ តាមអនឡាញគ្មានច្បាប់ស្ថិតនៅក្នុងភូមិ ២ សង្កាត់ស្មាច់មានជ័យ។

លោកឧត្តមសេនីយ៍ទោ គង់ មនោ ស្នងការនគរបាលខេត្តកោះកុង ទទួលយករាល់ព័ត៌មានដែលកើតមានទីតាំងលេងល្បែងស៊ីសងតាមអនឡាញខាងលើ ហើយប្រសិនបើជារឿងពិតប្រាកដមែននោះ លោកក៏បញ្ជាឲ្យលោក យស់ ចាន់វិចិត្រ អធិការនគរបាលក្រុងខេមរភូមិន្ទ និងលោក សាង ហ៊ី មេប៉ុស្តិ៍នគរបាលសង្កាត់ស្មាច់មានជ័យ សហការជាមួយអាជ្ញាធររដ្ឋបាលមូលដ្ឋាន ចុះបង្រ្កាបជាបន្ទាន់។

លោកស្នងការនគរបាលខេត្តកោះកុង អរគុណចំពោះព័ត៌មានដែលរាយការណ៍ ដោយអ្នកសារព័ត៌មាន និងប្រជាពលរដ្ឋ ជុំវិញករណីបង្កើតទីតាំងលេងល្បែងស៊ីសងខុសច្បាប់ ដែលផ្ទុយនឹងគោលនយោ​បាយ​ភូមិឃុំ-សង្កាត់មានសុវត្ថិភាព ដោយអាចបង្កឲ្យកើតមានអំពើបទល្មើសផ្សេងៗ។

ទាក់ទិននឹងបញ្ហានេះ លោកស្នងការនគរបាលខេត្ត កន្លងទៅបានដាក់វិធានការយ៉ាងម៉ឺងម៉ាត់ជាច្រើន ដល់គ្រប់អធិការ​នគ​របា​ល​ក្រុង-ស្រុក ប៉ុស្តិ៍នគរបាលរដ្ឋបាលឃុំ-សង្កាត់ ចាំបាច់ទប់ស្កាត់បង្រ្កាបរាល់សកម្មភាពលួចលេងល្បែងស៊ីសងខុសច្បាប់ទាំងឡាយ នៅក្នុងមូលដ្ឋាន។

លោក ឈេង សុវណ្ណដា អភិបាលក្រុងខេមរភូមិន្ទ អះអាងថា ក្នុងនាម័យគណៈបញ្ជាការអង្គភាព លោករង់ចាំបទបញ្ជាពីថ្នាក់ដឹកនាំខេត្ត មុននឹងបង្រ្កាបទីតាំងល្បែងស៊ីសងអនឡាយខាងលើ។ ត្រង់ថា មានអ្នកអំណាច មានលុយ លួចបើកអាជីវកម្មល្បែងចាក់បាល់ខុសច្បាប់មិនដឹងថាពិតប្រាកដកម្រិតយ៉ាងណានោះទេ។ ឥឡូវលោកកំពុងធ្វើការលោកអធិការនគរបាលក្រុងខេមរភូមិន្ទ ពិនិត្យស្រាវជ្រាវជាមុនសិន។

ភ្នាក់ងារកម្ពុជាថ្មីប្រចាំខេត្តកោះកុង បានទាក់ទងទៅលោក យស់ ចាន់វិចិត្រ អធិការនគរបាលក្រុងខេមរភូមិន្ទ ដើម្បីបំភ្លឺព័ត៌មាននេះ។ ប៉ុន្តែលោកនិយាយថា លោកមិនទាន់ដឹងព័ត៌មាននេះនៅឡើយទេ។ ព័ត៌មានវិវត្តន៍ថ្មីយ៉ាងណា លោកនឹងផ្តល់ព័ត៌មានតបមកអ្នកសារព័ត៌មានវិញ។ ក្រុមប្រជាពលរដ្ឋ សុំមិនបញ្ចេញអត្តសញ្ញាណ បានឲ្យដឹងថា ទីកន្លែងល្បែងចាក់បាល់តាមអនឡាញនេះ កើតមកយូរឆ្នាំហើយដែរ។ ប៉ុន្តែពុំឃើញមានអាជ្ញាធរសមត្ថកិច្ចណាមួយ ចុះបង្រ្កាបនោះឡើយ៕

អត្តបទ៖ សិរីវឌ្ឍនៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១ ម៉ោង មុន

អតីតសេដ្ឋិនីវៀតណាម Truong My Lan ត្រូវបានរដ្ឋអាជ្ញាស្នើកាត់ទោសប្រហារជីវិត

ព័ត៌មានអន្ដរជាតិ៥ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៥ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៦ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៦ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

Sokha Hotels

ព័ត៌មានពេញនិយម