សន្តិសុខសង្គម
មនុស្ស ២០នាក់ ត្រូវបានឃាត់ខ្លួនក្នុងប្រតិបត្តិការបង្រ្កាបគ្រឿងញៀនទ្រង់ទ្រាយធំ ក្រុងស្វាយរៀង
ជនសង្ស័យ ជនជាតិចិន ចំនួន ១១ នាក់ និងជនជាតិខ្មែរ ៩នាក់ ស្រី ៣ នាក់ ត្រូវបានសមត្ថកិច្ចឃាត់ខ្លួន ក្នុងប្រតិបត្តិការបង្រ្កាបគ្រឿងញៀនទ្រង់ទ្រាយធំ មានទីតាំងជាប់ផ្លូវជាតិលេខ១ ស្ថិតនៅភូមិស្វាយ សង្កាត់ចេក ក្រុងស្វាយរៀង។
យោងតាមរបាយការណ៍របស់សមត្ថកិច្ច ក្នុងប្រតិបត្តិការនេះ កម្លាំងចម្រុងចុះបង្ក្រាបទីតាំងលួចលាក់កែច្នៃគ្រឿងញៀន ចំនួន ២ ទីតាំង គឺទី១ ការរឹបអូសវត្ថុតាងថ្នាំញៀនប្រភេទកេតាមីនចំនួន ៤៨បាវ (ច្រកក្នុងទៃពណ៌លឿង) ទម្ងន់សរុប 1148.952 kg ដែលជនសង្ស័យលាក់ទុកនៅក្នុងរោងម៉ាស៊ីនកិនស្រូវ។ ទីតាំងទី២ សមត្ថកិច្ចរឹបអូសបានល្បាយកេតាមីនបាស ទម្ងន់ 679 kg និងសារធាតុគីមីទម្ងន់ 12.504 kg ( 12 តោន 504 Kg ) ស្ថិតនៅជិតចំណតកាណូតចាស់ ស្ថិតនៅភូមិចុងព្រែក សង្កាត់ស្វាយរៀង។
ករណីនេះ សមត្ថកិច្ចមន្ទីរប្រឆាំងគ្រឿងញៀន និងកងកម្លាំងចម្រុះ បានសហការឡោមព័ទ្ធ និងបង្ក្រាបតាំងពីថ្ងៃទី៤ ខែកក្កដា ឆ្នាំ២០២២។ កិច្ចប្រតិបត្តិការខាងលើនេះ ដឹកនាំដោយកម្លាំងនគរបាលមន្ទីរប្រឆាំងគ្រឿងញៀនក្រសួងមហាផ្ទៃ សម្របសម្រួលដោយលោកព្រះរាជអាជ្ញារង នៃអយ្យការអមសាលាដំបូងខេត្តស្វាយរៀង ជាម្ចាស់ទឹកដី ចុះពិនិត្យឃ្លាំងមួយកន្លែង ដែលមានស្លាកយីហោ «ម៉ាស៊ីនកិនស្រូវតូចតែពេជ្រ» ដែលមានទីតាំងជាប់ផ្លូវជាតិលេខ១ ស្ថិតនៅភូមិស្វាយ សង្កាត់ចេក ក្រុងស្វាយរៀង និងបានរកឃើញគ្រឿងញៀន ដែលផលិតសម្រេចជាង១តោន ។
ក្រោយពីធ្វើការសាកសួរចម្លើយលើជនសង្ស័យ ទើបឈានដល់កំណត់ទីតាំងឃ្លាំងផលិតគ្រឿងញៀនដ៏ធំមួយកន្លែងទៀត នៅជិតចំណតកាណូតចាស់ ស្ថិតនៅភូមិចុងព្រែក សង្កាត់ស្វាយរៀង លទ្ធផលរកឃើញវត្ថុតាង ម៉ាស៊ីនគ្រឿងចក្រស្វ័យប្រវត្តិ សម្រាប់ផលិតគ្រឿងញៀនដ៏ធំ កំពុងដំណើរការយ៉ាងសកម្មផលិតគ្រឿងញៀន។
បច្ចុប្បន្ន ទីតាំងទាំងពីរខាងលើ ត្រូវបានបិទស៊ិល និងដាក់កម្លាំងដើម្បីការពារ។ ដោយឡែកជនសង្ស័យ ជាជនជាតិចិន ចំនួន ១១ នាក់ ប្រុស និងជនជាតិខ្មែរ ៩នាក់ ស្រី ៣ នាក់ ត្រូវបានសមត្ថកិច្ច នាំខ្លួនយកទៅ មន្ទីរប្រឆាំងគ្រឿងញៀន ដើម្បីបន្តនីតិវិធី៕ ដោយ៖ ភក្តី
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សន្តិសុខសង្គម៧ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ