Connect with us

សន្តិសុខសង្គម

ទឹកហូរកាត់ទំនប់​បារាំងអាជ្ញាធរ​ឱ្យ​ពលរដ្ឋផ្អាកការឆ្លងកាត់​បញ្ចៀសគ្រោះថ្នាក់​

បានផុស

នៅ

ស្ថានភាពចរន្តទឹកកំពុងហូរខ្លាំងកាត់លើផ្លូវធ្វើដំណើរដោយថ្មើរជើង ឬដោយម៉ូតូលើខ្នងទំនប់បារាំង ស្ថិតក្នុងភូមិកណ្ដាលសង្កាត់ផ្សារឆ្នាំងក្រុងកំពង់ឆ្នាំងនៅថ្ងៃទី ១៦ និង ១៧ ខែកក្កដា ឆ្នាំ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដូច្នេះដើម្បីបញ្ជៀសគ្រោះថ្នាក់ខាងលើនេះ នៅព្រឹកថ្ងៃទី ១៧ ខែកក្កដា លោក យិន សាវ៉េន អភិបាលក្រុងកំ ពង់ឆ្នាំង បានអំពាវនាវដល់បងប្អូនប្រជាពលរដ្ឋសូមផ្អាកការធ្វើដំណើរឆ្លងកាត់ដោយថ្មើរជើង ឬដោយម៉ូតូកាត់លើផ្លះវខ្នងទំនប់បារាំងនេះទើបបញ្ចៀសគ្រោះថ្នាក់បាន។

ម្យ៉ាងទៀតដើម្បីដោះស្រាយបញ្ហានេះ សត្ថកិច្ចនគរបាលប៉ុស្តិ៍មូលដ្ឋានណែនាំដល់បងប្អូនប្រជាពលរដ្ឋត្រូវនាំគ្នាឆ្លង ដោយថ្មើរជើងតាមស្ពានឈើស្របមាត់ទន្លេពីប៉ុស្តិ៍នគរបាលផ្សារឆ្នាំងដើមពោធិគឺអាចទៅកាន់ភូមិកណ្ដាលបានដោយសុវត្តិភាព។ ប៉ុន្តែចំពោះម៉ូតូ ត្រូវឆ្លងតាមទូកដរ ដូចរៀងរាល់ឆ្នាំទើបបងប្អូនយើងអាចបញ្ជៀសគ្រោះថ្នាក់បាន។

ដោយឡែកកាលពីថ្ងៃទី១៦ ខែកក្កដា បុរសម្នាក់បានបណ្តើរម៉ូតូឆ្លងកាត់ផ្លូវលើខ្នងទំនប់បារាំង ទៅកាន់ភូមិកណ្ដាល ដោយប្រថុយប្រថាន ត្រូវបានកម្លាំងទឹកហូរគួចទាំងម៉ូតូទាំងមនុស្សចូលក្នុងខ្សែទឹកខាងក្រោម តែជាសំណាងម្ចាស់ម៉ូតូចេះហែលទឹកក៏ហែលយករួចខ្លួនឯងតែម៉ូតូត្រូវលិចក្នុងទឹកព្រែកបាត់។បន្ទាប់មកគាត់បានចំណាយប្រាក់ ១៥០ ដុល្លារ ទើបជួលគេមុជរាវរកយកម៉ូតូមកវិញបាន។ ចំណែកម្ចាស់ម៉ូតូមួយចំនួនទៀតក៏បានជួលអ្នកស្រុកឲ្យជួយបណ្ដើរម៉ូតូ១ ៗ មានគ្នា៣ ទៅ៤នាក់ ទើបឆ្លងកាត់ទៅមកបានដោយត្រូវចំណាយ ៥ ពាន់រៀល។

ពាក់ពន្ធ័នឹងករណីនេះដែរ លោក ស៊ុន សុវណ្ណារិទ្ធិ អភិបាលខេត្តកំពង់ ឆ្នាំងនៅព្រឹកថ្ងៃទី ១៧ ខែកក្កដាក្រោ យពីទទួលបានព័ត៌មានខាងលើនេះតាមរយៈក្រុមអ្នកសារព័ត៌មានក្នុងខេត្ត ឯកឧត្តម ក៏បានណែនាំដល់ លោកអភិបាលក្រុងកំពង់ឆ្នាំង និងមន្ទីរធនធានទឹកខេត្ត សូមជួយដោះស្រាយបញ្ហាខាងលើនេះ ជូនប្រជាពល រដ្ឋរស់នៅក្នុងភូមិកណ្ដាលបា នធ្វើដំណើរឆ្លងកាត់ព្រែកនេះតាមស្ពានឈើទៅមកប្រចាំថ្ងៃចេញចូលផ្សារក្រោមដោយងាយស្រួលផង៕

អត្ថបទ៖ ឈៀងថារិទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម