សន្តិសុខសង្គម
ប៉ូលិសឃាត់ខ្លួនបុរស២នាក់ដើរឃោសនាអូសទាញប្រជាពលរដ្ឋឱ្យដាក់លុយរកស៊ីជាមួយខ្លួន
សមត្ថកិច្ចនគរបាលស្រុកត្រាំកក់ ខេត្តតាកែវ នៅថ្ងៃទី ២ ខែសីហា ២០២២ បានឃាត់ខ្លួនបុរស២ នាក់ ជាតំណាងក្រុមហ៊ុនយូនីស៊ីធី ពីបទឆបោកប្រាក់ប្រជាពលរដ្ឋនៅក្នុងខេត្តកំពត និងខេត្តតាកែវអស់រាប់ម៉ឺនដុល្លារ ខណៈជនសង្ស័យទាំង២នាក់កំពុងដើរឃោសនាអូសទាញប្រជាពលរដ្ឋនៅមូលដ្ឋានស្រុកត្រាំកក់ដាក់ហ៊ុនរកស៊ីជាមួយក្រុមហ៊ុនពួកគេ។
លោកវរសេនីយ៍ឯក ឌុក ធីយ៉ា អធិការនគបាលស្រុកត្រាំកក់បានថ្លែងឲ្យដឹងថា ការឃាត់ខ្លួនជនសង្ស័យទាំង២នាក់ខាងលើបន្ទាប់ពីមានប្រជាពលរដ្ឋចំនួន ៤នាក់បានមកដាក់ពាក្យបណ្ដឹងដល់សមត្ថកិច្ចស្រុកត្រាំកក់ទៅលើបុរសជនសង្ស័យចំនួន២នាក់ទី១ ឈ្មោះ ជៀន វុទ្ធី អាយុ ២៧ឆ្នាំ នៅភូមិចំការបី ឃុំពងទឹក ស្រុកដំណាក់ចង្អើ ខេត្តកែប មុខងារជាតំណាងចែកចាយផលិផលក្រុមហ៊ុនយូនីស៊ីធី និងទី ២ ឈ្មោះ ឈិន វ៉េត អាយុ ៣៧ឆ្នាំ នៅភូមិដំណាក់ទ្រព្យ ឃុំក្រាំងស្នាយ ស្រុកឈូកមុខងារជាដំណាងចែកចាយលក់ផលិផលក្រុមហ៊ុនយូនីស៊ីធីពីបទឆបោកប្រាក់។
លោកអធិការស្រុកត្រាំកក់បានបន្តថា ជនរងគ្រោះដែលបានដាក់ពាក្យបណ្ដឹង ទី១ឈ្មោះ ចាន់ ចី ភេទប្រុស អាយុ៣៥ឆ្នាំនៅភូមិដំណាក់ឈើក្រម ឃុំស្នាយអញ្ជឹត ស្រុកជុំគីរីត្រូវជនសង្ស័យឆបោកប្រាក់អស់ ២៨ ០០០ដុល្លារ និងប្រាក់រៀលអស់៦លានរៀល។
ទី២ ឈ្មោះណុប ចាន់ណា ភេទស្រីអាយុ៤០ឆ្នាំ នៅភូមិប្រមូលឃុំត្រមែងស្រុកឈូក ខេត្តកំពតត្រូវជនសង្ស័យឆបោកប្រាក់អស់៣៨៣០០ដុល្លា។ ទី៣ឈ្មោះ កយ ជា ភេទស្រីអាយុ៤០ឆ្នាំ នៅភូមិព្រៃខ្ជាយ ឃុំស្នាយអញ្ជឹត ស្រុកជុំគីរីត្រូវជនសង្ស័យឆបោកប្រាក់អស់ប្រាក់អស់ ៧ ០០០ដុល្លារ និងទី៤ ឈ្មោះស៊ឺម ហ៊ីម ភេទស្រីអាយុ ៣៨ឆ្នាំនៅភូមិដំណាក់ទ្រព្យឃុំក្រាំងស្នាយត្រូវជនសង្ស័យឆបោកប្រាក់អស់ ៤០ ០០០ដុល្លារ។
បើតាមលោកអធិការស្រុកត្រាំកក់ ឌុក ធីយ៉ា ក្រោយពីទទួលបណ្ដឹងនឹងដោយមានបទបញ្ជាពីលោកឧត្ដមសេនីយ៍ទោស្នងការព្រមទាំងមានការដឹកនាំសម្របសម្រួលដោយលោកព្រះរាជអាជ្ញាសមត្តកិច្ចក៏បានឃាត់ខ្លួនជនសង្ស័យទាំងពីមកសាកសួរកសាងសំណុំរឿងតាមនីតិវិធីច្បាប់។
លោកស្រី កយ ជា តំណាងឲ្យក្រុមប្រជាពលរដ្ឋទាំង៤នាក់ខាងលើបានថ្លែងឲ្យដឹងថា ជនរងគ្រោះសង្ឃឹមថាសមត្ថកិច្ចក៍ដូចជាតុលាការនឹងជួយធ្វើយ៉ាងណាអោយជនសង្ស័យក៍ដូចជាតំណាងក្រុមហ៊ុនយូនីស៊ីធីសងប្រាក់ត្រលប់មកពួកគាត់វិញព្រោះលុយដែលពួកគាត់យកទៅអោយក្រុមហ៊ុនគឺជាលុយដែលទៅខ្ចីតាមគ្រិះស្ថានហិរញ្ញវត្ថុនិងលុយមួយចំនួនទៀតបានទៅខ្ចីចងការគេដែលនាំឲ្យទាំងលុយការ និងដើមចេះតែឡើងរៀងរាល់ថ្ងៃ៕
អត្ថបទ៖ វីរៈ
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សន្តិសុខសង្គម៩ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ