Connect with us

សន្តិសុខសង្គម

ល្បែង​លេង​កាំជ្រួច​របស់​ជនជាតិ​ថៃ​ជ្រក​ក្រោម​អាជ្ញាប័ណ្ណ​ក្រុមហ៊ុន​សា​មន​ខេមរៈ​អភិវឌ្ឍ ជា​ខែល​ដាក់​ឲ្យ​លួច​លេងល្បែង​អាប៉ោង និង​បៀរ​ខុសច្បាប់​ក្នុង​ទឹកដី​កម្ពុជា

បានផុស

នៅ

ល្បែង​លេង​កាំជ្រួច​របស់​ជនជាតិ​ថៃ នៅលើ​ទឹកដី​កម្ពុជា​ក្បែរ​ច្រក​អន្តរជាតិ​ជាំ ស្ថិតនៅ​ចំណុច​អូរ​ថ្ម ភូមិ​ជាំ ឃុំ​ត្រពាំង​ប្រិ​យ៍ ស្រុក​អន្លង់វែង ខេត្តឧត្ដរមានជ័យ ដែល​ត្រូវ​បាន​បិទ​មួយរយៈ​ក្នុងអំឡុង​កូ​វីដ​នេះ គឺ​ត្រូវ​បាន​គេ​ដឹងថា​ ការ​លេង​ល្បែងភ្នាល់​ដាក់​លុយ​របស់​ជនជាតិ​ថៃ​ជ្រក​ក្រោម ច្បាប់​អាជ្ញាប័ណ្ណ​របស់​ក្រុមហ៊ុន​សា​មន​ខេមរៈ​អភិវឌ្ឍ ដោយ​បាន​ចាប់ផ្ដើម​ដំណើរការ​ឡើងវិញ​។ មិនតែប៉ុណ្ណោះ គេ​ក៏​សង្កេតឃើញ​ថា ​នៅ​ក្នុង​ទីតាំង​លេង​កាំជ្រួច មាន​សកម្មភាព​ការ​លេង​ល្បែងស៊ីសង​ផ្សេងទៀត ដែល​គេ​ដាក់​ការសង្ស័យថា អាជ្ញាប័ណ្ណ​ក្រុមហ៊ុន​មួយ​នេះ មានការ​ឃុបឃិត​ឲ្យ​ល្បែង​ខុសច្បាប់​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែង​នៅ​ថ្ងៃទី​១៦ ខែសីហា​ឆ្នាំ​២០២២ នេះ មាន​ជនជាតិ​ថៃ​បាន​ចូលមក​កម្ពុជា តាម​ច្រក​អន្តរជាតិ​ជាំ​ភាគី​ថៃ​ស្រងាំ ហើយ​ចូល​ទៅលេង​នៅ​ចំណុច​អូរ​ថ្ម ដែលជា​ទីតាំង​លេង​កាំ​ជ្រួត​របស់​ក្រុមហ៊ុន ដោយមាន​ប្រជា​ការពារ​ខ្មែរ ចាំ​សួរនាំ ដែល​គេ​អនុញ្ញាត​ឱ្យ​តែ​អ្នកលេង​ល្បែងស៊ីសង​ដូចជា ៖ ពលរដ្ឋ​ខ្មែរ ពលរដ្ឋ​ថៃ និង​អ្នក​បើករថយន្ត ឬក៏​ម៉ូតូ ដែល​ដឹក​ជនជាតិ​ថៃ​ចូល​លេង​ប៉ុណ្ណោះ​។ ដោយឡែក​ចំពោះ​អ្នកសារព័ត៌មាន គឺ​គេ​មិន​ឲ្យ​អនុញ្ញាត​ចូល​នោះឡើយ​។

​ក្នុង​ទីតាំង​លេងល្បែង​កាំជ្រួច ក្រោម​ការរៀបចំ​របស់​ក្រុមហ៊ុន​សា​មន​ខេមរៈ​អភិវឌ្ឍ ដែល​នៅក្នុង​បរិវេណ​នោះគេ​សង្កេតឃើញ​ថា មានការ​ដាក់​ឲ្យ​លេងល្បែង បៀរ និង​អាប៉ោង ដែល​ការលេង​មាន​ភ្នាល់​គ្នា​ចាក់​លុយ​យ៉ាង​សប្បាយរីករាយ អម​ដោយ​សមត្ថកិច្ច​ក​ម្ពុ​ជាប្រចាំ​ការ​ការពារ​សន្តិសុខ​ឲ្យ​ដូចជា​៖ ប៉ូលីស​ព្រំដែន ប៉ូលីស​ប៉ុស្តិ៍ ប៉ូលីស​ស្នងការ​ខេត្ត និង​មន្ត្រី​កងរាជអាវុធហត្ថ​។ ដោយ​ចំពោះ​បញ្ហា​នេះ គេ​អាច​សង្ស័យ​ថា អាជ្ញាប័ណ្ណ​ច្បាប់​លេងល្បែង​កាំជ្រួច​របស់​ក្រុមហ៊ុន​សា​មន​ខេមរៈ​អភិវឌ្ឍ គឺជា​លេស​មួយ លាក់បាំង​នៃ​ការលេង​ល្បែង​សង បៀរ និង​អាប៉ោង​ខុសច្បាប់​ក្នុង​ទឹកដីកម្ពុជា​។

​ប្រជាពលរដ្ឋ​ដែល​រស់នៅ ចំណុច​អូរ​ថ្ម ក្នុងភូមិ​ជាំ ឃុំ​ត្រពាំង​ប្រិ​យ៍ ស្រុក​អន្លង់វែង ខេត្តឧត្ដរមានជ័យ បាន​សម្ដែង​ការ​ព្រួយបារម្ភ​យ៉ាង​ខ្លាំង ចំពោះ​ល្បែង​កាំជ្រួច​ភ្នាល់​ដាក់​លុយ​របស់​ជនជាតិ​ថៃ នៅ​ពេលដែល​គេ​លេង​អុជ​កាំជ្រួច​ម្តងៗ បាន​បង្ក​ជា​សម្លេង​ដូច​មី​ស៊ី​ល ធ្វើ​ឲ្យ​ផ្អើល​ដល់​សត្វ​គោ និង​សត្វពាហនៈ​ដែល​នៅក្បែរនោះ​រាល់​ពេលដែល​កាំជ្រួច​អុជ​លេង​ម្តងៗ​។ មិន​ប៉ុណ្ណោះ​ការព្រួយបារម្ភ​របស់​ពួកគាត់​អំពី​បញ្ហា​ហានិភ័យ នៅ​ពេលដែល​បំណែក​កាំជ្រួច​ហោះ​ទៅលើ​អាកាស ហើយ​បំណែក​កាំជ្រួច​នឹង​ធ្លាក់​មក​ដី​វិញ អាច​នឹង​ប៉ះពាល់​ទៅលើ​លំនៅឋាន និង​ដំណាំ​របស់​ពួកគាត់​។ ដោយឡែក​ចំពោះ​ប្រជាពលរដ្ឋ​ដែលមាន​ដី​កំពុងតែ​អាស្រ័យ​ផល​នៅក្បែរ​ចំណុច​ជើងភ្នំ​ដងរ៉ែក ជិត​អូ​ថ្ម ក៏មាន​ការព្រួយបារម្ភ​សុខ​សុវត្ថិភាព​លើ​អាយុជីវិត​របស់​ពួកគាត់ ចំពោះ​បំណែក​កាំជ្រួច​ដែល​ធ្លាក់​មក​នៅពេលណា ឬ​ថ្មើរ​ណា ក៏​ពួកគាត់​មិនអាច​មើលឃើញ​គ្រប់ពេលវេលា​ផងដែរ​៕

ដោយ ៖ ចាន់ ធី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ៣ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ៣ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៣ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៤ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម