ផ្ទះលក់បាយ និងកាហ្វេ មួយនៅស្រុកកណ្តាលស្ទឹង លួចបង្កប់ល្បែងជល់មាន់ អនឡាញ

ប្រភពច្បាស់ការណ៍បានលួចប្រាប់អោយដឹងនៅថ្ងៃទី១៥ ខែកញ្ញា ឆ្នាំ២០២២ មានការបែកធ្លាយសកម្មភាពក្រុមអ្នក​ញៀនល្បែងជល់មាន់តាមអនឡាញនៅផ្ទះលក់បាយ និងកាហ្វេ ទូច លី ជាច្រើននាក់កំពុងអង្គុយចាក់ភ្នាល់យ៉ាងសប្បាយ។

ទីតាំងលួចបង្កប់ល្បែងស៊ីសងជល់មាន់អនឡាញ ស្ថិតនៅភូមិអូរអណ្តូង ឃុំបារគូ ស្រុកកណ្តាលស្ទឹង ខេត្តកណ្តាល ដែលមានម្ចាស់ឈ្មោះ ទូច លី ។

ប្រភពដដែលបន្តថា ផ្ទះលក់បាយឈ្មោះ ទូច លី នោះមានលក់អាហារគ្រប់មុខ ដាក់តាបប៊ីយ៉ែរ ដើម្បីបំភាន់ភ្នែក សមត្ថកិច្ច និងប្រជាពលរដ្ឋនៅជិតខាង ។ បើថ្ងៃសៅរ៎៍ អាទិត្យវិញ ក្រុមអ្នកញៀនល្បែងចូលលេងមិនក្រោមពី៥០នាក់នោះទេ ចាក់ភ្នាល់លុយរាប់លានរៀល និងស្រែកហោរយ៉ាងរំពងអឺងកងថែមទៀតផង ។

បញ្ហារខាងលើនេះដែរធ្វើឲ្យប្រជាពលរដ្ឋមានសេចក្ដីព្រួយបារម្ភយ៉ាងខ្លាំងពីបញ្ហាអសន្តិសុខនៅក្នុងមូលដ្ឋាន ព្រោះអំពើចោរកម្ម លួច ឆក់ ប្លន់ អំពើហិង្សាក្នុងគ្រួសារ និងបទល្មើសផ្សេងៗទៀតកើតចេញពីល្បែងស៊ីសងដែលកើតឡើងយ៉ាងរាលដាលបែបនេះ។

ជុំវិញបញ្ហារនេះដែរ ភ្នាក់ងារសារព័ត៌មាន កម្ពុជាថ្មី បានទំនាក់ទំនងទៅលោកវរសេនីយ៍ ឡេង សុខរុន អធិការដ្ឋាននគរបាលស្រុកកណ្តាលស្ទឹង តែទូរសព្ឌ័មិនអាចទំនាក់ទំនងបាន៕

អត្ថបទ៖ ឆៃ យ៉ា