Connect with us

សន្តិសុខសង្គម

អតីតយោធា​ដែលបាញ់សម្លាប់គូដណ្ដឹង​បានបញ្ជូនមកតុលាការព្រឹកនេះ

បានផុស

នៅ

បុរសជនសង្ស័យ យឺន វ៉ាន់ដេត អាយុ ២៨ ឆ្នាំ អតីតយោធាស័ក្ដិ៤ ក្នុងឃាតកម្មបាញ់សម្លាប់គូដណ្ដឹងជានិស្សិតពេទ្យ កាលពីជាង២ឆ្នាំមុនត្រូវបានបញ្ជូនមកដល់តុលាការរាជធានីភ្នំពេញហើយនៅព្រឹកថ្ងៃទី ១៧ ខែកញ្ញា ឆ្នាំ ២០២២។

ជនសង្ស័យរូបនេះបានរត់គេចខ្លួនទៅប្រទេសថៃរយៈពេលជាង ២ ឆ្នាំ បន្ទាប់ពីបាញ់សម្លាប់នារីដែលជាគូដណ្ដឹងកាលពីថ្ងៃទី ១៦ ខែមករា ឆ្នាំ២០២០ នៅភូមិកន្ទោកជើង សង្កាត់កន្ទោក ខណ្ឌកំបូល រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃទី ១៥ ខែកញ្ញា ឆ្នាំ២០២២ នាយកដ្ឋានជំនាញនៃអគ្គស្នងការដ្ឋាននគរបាលជាតិបានដឹកនាំកម្លាំងសហការជាមួយស្នងការដ្ឋាននគរបាលខេត្តប៉ៃលិនធ្វើការប្រគល់ទទួល​ជនសង្ស័យពីភាគីនគរបាលភូមិន្ទថៃ ដើម្បីបញ្ជូនមកអនុវត្តច្បាប់កម្ពុជា។

សមត្ថកិច្ចបានបង្ហើបឲ្យដឹងថា ជនដៃដល់ដែលជាអ្នកបាញ់ប្រហារស្ដ្រីរងគ្រោះខាងលើគឺជាគូដណ្ដឹងបានបាញ់មុនពេលថ្ងៃចូលរោងការប្រមាណជាង១ខែ ពោលអ្នកទាំងពីមានគម្រោងចូលរោងការនៅខែមីនា ហើយមូលហេតុនៃការបាញ់ប្រហារនេះគេដាក់ការសង្ស័យថាផ្ដើមចេញពីរឿងប្រច័ណ្ឌ។

ស្ដ្រីជនរងគ្រោះឈ្មោះ ជុន ឌីណា អាយុ ២៦ឆ្នាំ ជានិស្សិតពេទ្យផ្នែកឡាបូ និងជាអ្នកលក់ផលិតផលថែរក្សាសម្រស់តាមអនឡាញស្នាក់នៅផ្ទះកើតហេតុខាងលើ។ នារីរូបនេះត្រូវគ្រាប់កាំភ្លើងនៅត្រង់កផ្នែកខាងក្រោយ និងថ្ពាល់ខាងឆ្វេងបណ្តាលស្លាប់បាត់បង់ជីវិតពេលបញ្ជូនទៅដល់មន្ទីរពេទ្យ៕

អត្ថបទ៖ មករា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១០ វិនាទី មុន

ជម្លោះរវាងពលរដ្ឋប្រើប្រាស់ទឹកប្រឡាយអូរវ៉ាយ និងក្រុមហ៊ុនមួយ ដល់ដំណាក់កាលបញ្ចប់

ព័ត៌មានអន្ដរជាតិ១៤ នាទី មុន

៩ខែនៃសង្គ្រាមលុកលុយលើអ៊ុយក្រែន តើ រុស្ស៊ី ចាយលុយអស់ប៉ុន្មានហើយ?

ព័ត៌មានអន្ដរជាតិ២៤ នាទី មុន

រុស្ស៊ី ថា គ្មានអ្វីត្រូវសង្ស័យទេ ប្រតិបត្តិការយោធារនៅ អ៊ុយក្រែន នឹងបញ្ចប់​ដោយជោគជ័យ

ព័ត៌មានជាតិ២៦ នាទី មុន

រដ្ឋបាលរាជធានី ត្រៀមរៀបចំកិច្ចប្រជុំ​អភិបាលក្រុង​អាស៊ានមានតំណាង៨០ទីក្រុង​និងខេត្តចូលរួម

ព័ត៌មានជាតិ៣៩ នាទី មុន

អគារប៉ុស្តិ៍នគរបាលត្នោត ស្រុកកំពង់រោទិ៍ តម្លៃជាង ១ម៉ឺនដុល្លារ បានដាក់ឱ្យដំណើរការ​ជាផ្លូវការ

Sokha Hotels

ព័ត៌មានពេញនិយម